Rohit Sharma: అతడితో కలిసి బ్యాటింగ్ చేయడం ఇష్టం.. నేను చాలా ఎంజాయ్ చేస్తా!
- లార్డ్స్ వేదికగా జరిగిన మూడో వన్డేలో భారత్ ఓటమి
- రోహిత్ శర్మ, విరాట్ కోహ్లీ మధ్య అద్భుత భాగస్వామ్యం
- రోహిత్, కోహ్లీ కెరీర్లో మరో చారిత్రాత్మక ఘట్టం
- Follow Us :
-
-
Add as a preferred
source on google
Rohit Sharma Says I Loved Batting with Viarat Kohli: ఇంగ్లండ్తో లార్డ్స్ వేదికగా జరిగిన మూడో వన్డేలో భారత్ ఓటమిపాలైనప్పటికీ.. సీనియర్ బ్యాటర్లు రోహిత్ శర్మ, విరాట్ కోహ్లీ మరోసారి తమ అనుభవంతో అద్భుత భాగస్వామ్యాన్ని నమోదు చేశారు. వీరిద్దరూ క్రీజులో ఉన్నపుడు భారత్ విజయం సాధిస్తుందనే నమ్మకం అభిమానుల్లో ఉంది. రో-కో పెవిలియన్ చేరిన అనంతరం మిగతా బ్యాటర్లు కూడా అవుట్ అవ్వడంతో.. భారత్ విజయానికి 27 పరుగుల దూరంలో ఆగిపోయింది. మ్యాచ్ అనంతరం బీసీసీఐ టీవీతో మాట్లాడిన రోహిత్.. కోహ్లీతో తన అనుబంధం, ఇద్దరి మధ్య ఉన్న అవగాహన గురించి ఆసక్తికర వ్యాఖ్యలు చేశాడు. ఎన్నో సంవత్సరాలుగా కలిసి ఆడటం వల్ల తమ మధ్య అండర్ స్టాండింగ్ బాగా కుదిరిందని చెప్పాడు. విరాట్తో కలిసి బ్యాటింగ్ చేయడం అంటే తనకు ఇష్టమని, తాను చాలా ఎంజాయ్ చేస్తా అని హిట్మ్యాన్ చెప్పాడు.
మరో చారిత్రాత్మక ఘట్టం:
లార్డ్స్ వన్డే రోహిత్ శర్మ, విరాట్ కోహ్లీ కెరీర్లో మరో చారిత్రాత్మక ఘట్టంగా నిలిచింది. ఈ మ్యాచ్ ఇద్దరూ కలిసి ఆడిన 400వ అంతర్జాతీయ మ్యాచ్. ఈ ఘనత సాధించిన తొలి భారత జోడీగా, ప్రపంచ క్రికెట్ చరిత్రలో ఆరో జోడీగా రికార్డు సృష్టించారు. ఇద్దరూ కలిసి భారత్ తరఫున 234 వన్డేలు, 106 టీ20లు, 60 టెస్టులు ఆడారు. సచిన్ టెండూల్కర్-రాహుల్ ద్రవిడ్ జోడీ (391 మ్యాచ్లు)ని అధిగమించారు.
Also Read
- Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
- Ind Vs NZ: వెల్లింగ్టన్ టెస్టుకు ముందు టీమిండియాకు ఎదురుదెబ్బ.. ఫీజులో 35 శాతం కోత..
- IPL 2027: KKR వాటా విక్రయానికి రంగం సిద్ధం.. 400 మిలియన్ డాలర్లకు భారీ డీల్..
- Aus Vs Eng: ఆస్ట్రేలియాను చిత్తు చేసిన ఇంగ్లాండ్.. 2-1తో వన్డే సిరీస్ కైవసం..
మరోసారి మెరిసిన రోహిత్-విరాట్ జోడీ:
388 పరుగుల భారీ లక్ష్యాన్ని ఛేదించే క్రమంలో రోహిత్ శర్మ, విరాట్ కోహ్లీ రెండో వికెట్కు కేవలం 86 బంతుల్లోనే 113 పరుగుల భాగస్వామ్యాన్ని నెలకొల్పారు. రోహిత్ 110 బంతుల్లో 138 పరుగులు (17 ఫోర్లు, 5 సిక్సర్లు) చేయగా.. విరాట్ 60 బంతుల్లో 74 పరుగులు (4 ఫోర్లు, 3 సిక్సర్లు) చేశాడు. ఈ భాగస్వామ్యం భారత్ను విజయానికి చేరువ చేసినప్పటికీ.. చివర్లో ఇంగ్లండ్ పుంజుకుని 27 పరుగుల తేడాతో విజయం సాధించి సిరీస్ను 2-1తో కైవసం చేసుకుంది.
విరాట్తో బ్యాటింగ్ ఎప్పుడూ ప్రత్యేకమే:
విరాట్తో ఉన్న అనుబంధంపై రోహిత్ మాట్లాడుతూ.. ‘మా ఇద్దరి అంతర్జాతీయ కెరీర్ దాదాపు ఒకేసారి ప్రారంభమైంది. చాలా సంవత్సరాలుగా కలిసి ఆడుతున్నాం. అందుకే మా మధ్య మంచి అవగాహన ఉంది. విరాట్తో కలిసి బ్యాటింగ్ చేయడం ఎప్పుడూ సరదాగా ఉంటుంది. క్రీజులో ఉన్నప్పుడు మేమిద్దరం నిరంతరం మాట్లాడుకుంటూ ఉంటాం. పరిస్థితులకు అనుగుణంగా ఏం చేయాలి?, ఎలా ముందుకు వెళ్లాలి? అనే విషయాలపై ఎప్పుడూ చర్చించుకుంటాం. అదే మా భాగస్వామ్యాల విజయానికి ప్రధాన కారణం’ అని తెలిపాడు.
ఇంగ్లండ్లో ఆడటం నాకు చాలా ఇష్టం:
ఇంగ్లండ్లో బ్యాటింగ్ చేయడంపై కూడా రోహిత్ తన అభిప్రాయాన్ని వెల్లడించాడు. ‘ఇంగ్లండ్లో ఆడటం నాకు ఎప్పుడూ ఇష్టమే. ఇక్కడి వాతావరణం, మైదానాలు, పిచ్లు ప్రతి ఆటగాడికి సవాళ్లు విసురుతాయి. అలాంటి సవాళ్లను ఎదుర్కొనడం ప్రతి క్రికెటర్కు అవసరం. లార్డ్స్లో బ్యాటింగ్ను నేను ఎంతో ఆస్వాదించాను. అయితే వ్యక్తిగతంగా బాగా ఆడినా జట్టు గెలవకపోవడం మాత్రం నిరాశ కలిగించింది. ఈ ఓటమిని మర్చిపోయి ముందుకు సాగాలి. వ్యక్తిగత ప్రదర్శనల కంటే జట్టు సమిష్టి ప్రదర్శనే ముఖ్యం. మేమంతా కలిసి ఎక్కడ మెరుగుపడాలో విశ్లేషించుకుని భవిష్యత్తులో మరింత బలంగా తిరిగి రావడానికి ప్రయత్నిస్తాం’ అని హిట్మ్యాన్ స్పష్టం చేశాడు.
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Koti Deepotsavam 2026 : కోటి దీపోత్సవంలో శ్వేతార్క గణపతి కల్యాణం.. భక్తులతో కిక్కిరిసిన ఎన్టీఆర్ స్టేడియం
-
Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
-
Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
-
Aakasamlo Oka Tara: స్టార్ హీరోయిన్లను కాదని ఆమెనే ఎందుకు తీసుకున్నామంటే? అసలు విషయం చెప్పిన పవన్ సాధినేని!
-
ఆ పుస్తకం చదివాకే Aakasamlo Oka Tara కథ పుట్టింది.. డైరెక్టర్ పవన్ సాధినేని ఆసక్తికర వ్యాఖ్యలు!
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..