Virat Kohli thanking Hyderabad Fans: సన్రైజర్స్ హైదరాబాద్ దూకుడుకు దాని సొంతగడ్డపై రాయల్ ఛాలెంజర్స్ బెంగళూరు అడ్డుకట్ట వేసింది. 207 పరుగుల లక్ష ఛేదనలో సన్రైజర్స్ను 20 ఓవర్లలో 8 వికెట్లకు 171 పరుగులకే పరిమితం చేసింది. ఈ సీజన్లో రెండో గెలుపు నమోదు చేసిన ఆర్సీబీ శిబిరంలో నవ్వులు పూశాయి. ప్రతి బెంగళూరు ప్లేయర్ సంబరాలు చేసుకున్నారు. స్టార్ బ్యాటర్ విరాట్ కోహ్లీ అయితే తనదైన స్టయిల్లో సంబరాలు చేసుకున్నాడు.
ఈ మ్యాచ్లో సన్రైజర్స్ హైదరాబాద్ బ్యాటింగ్ సందర్భంగా విరాట్ కోహ్లీ బౌండరీ వద్ద ఫీల్డింగ్ చేశాడు. ఆ సమయంలో హైదరాబాద్ అభిమానులు ‘కోహ్లీ.. కోహ్లీ’ అంటూ గట్టిగా అరిచారు. హైదరాబాద్ ఫాన్స్ అభిమానానికి విరాట్ ఫిదా అయ్యాడు. అనంతరం హైదరాబాద్ అభిమానులకు చేతులు జోడిస్తూ ధన్యవాదాలు తెలిపాడు. ఇందుకు సంబంధించిన ఫొటోలు, వీడియోలు నెట్టింట వైరల్ అవుతున్నాయి. ఆర్సీబీ విజయంలో విరాట్ కీలక పాత్ర పోషించాడు. 43 బంతుల్లో 51 రన్స్ చేశాడు.
Also Read: Virat Kohli: విరాట్ కోహ్లీ ఒక్కడే పరుగులు చేశాడు: డుప్లెసిస్
ఐపీఎల్ 2024లో విరాట్ కోహ్లీ పరుగుల వరద పారిస్తున్న విషయం తెలిసిందే. తొలి మ్యాచ్ నుంచే రన్స్ బాదుతున్నాడు. ఆరెంజ్ క్యాప్ ప్రస్తుతం కోహ్లీ వద్దే ఉంది. ఈ సీజన్లో ఇప్పటికే 430 పరుగులు చేశాడు. ఐపీఎల్ కెరీర్లో విరాట్ 400 రన్స్ మార్క్ దాటడం ఇది పదోసారి కావడం విశేషం.
Virat Kohli thanking the crowd for the support. ❤️
– The favourite of Hyderabad – King. pic.twitter.com/JfA2rob9IU
— Johns. (@CricCrazyJohns) April 25, 2024
