ఇండియన్ ప్రీమియర్ లీగ్ (ఐపీఎల్) 2026లో భాగంగా నేడు (ఏప్రిల్ 24) జరిగే 34వ మ్యాచ్లో రాయల్ ఛాలెంజర్స్ బెంగళూరు, గుజరాత్ టైటాన్స్ జట్ల మధ్య మ్యాచ్ జరుగుతోంది. ఈ మ్యాచ్ లో టాస్ ఓడి బ్యాటింగ్ కు దిగిన గుజరాత్ ఓపెనర్లు శుభ్మన్ గిల్, సాయి సుదర్శన్ అద్భుతమైన ఆరంభాన్ని అందించారు. సాయి సుదర్శన్ అద్భుతమైన ఫామ్లో ఉండగా, ఈ మ్యాచ్లో సాయి సుదర్శన్ ఐపీఎల్లో అత్యంత వేగంగా పరుగులు చేసిన ఆటగాడిగా రికార్డు నెలకొల్పాడు. ఆర్సీబీ బౌలర్లకు చుక్కలు చూపిస్తూ ఆకాశమే హద్దుగా చెలరేగిపోయాడు సుదర్శన్.
సిక్సులు, ఫోర్లతో విరుచుకుపడుతూ స్కోర్ బోర్డ్ ను పరుగులు పెట్టించాడు. గిల్ (32), సాయి తొలి వికెట్కు 128 పరుగుల భాగస్వామ్యాన్ని నెలకొల్పారు. గుజరాత్ కెప్టెన్ను సుయాష్ శర్మ క్యాచ్ పట్టాడు. ఈలోగా, సాయి కేవలం 57 బంతుల్లోనే తన సెంచరీని పూర్తి చేశాడు, ఐపీఎల్లో ఇది మూడో సెంచరీ. సాయి సుదర్శన్ 33 బంతుల్లో సిక్సర్తో అర్ధశతకం పూర్తి చేసుకోగా, 57 బంతుల్లో శతకం సాధించాడు. సాయి సుదర్శన్ తన ఇన్నింగ్స్ లో 11 ఫోర్లు, 5 సిక్స్ లతో చెలరేగాడు.
అదే సమయంలో, బి. సాయి సుదర్శన్ మాజీ రాయల్ ఛాలెంజర్స్ బెంగళూరు (ఆర్సిబి) స్టార్ క్రిస్ గేల్ను అధిగమించి ఈ టోర్నమెంట్లో ఒక భారీ రికార్డును నెలకొల్పాడు. గేల్ 48 ఇన్నింగ్స్లలో 2000 ఐపీఎల్ పరుగుల మైలురాయిని చేరుకోగా, సాయి సుదర్శన్ 47 ఇన్నింగ్స్లలోనే దానిని సాధించి, ఈ మైలురాయిని అత్యంత వేగంగా చేరుకున్న ఆటగాడిగా నిలిచాడు. 2022లో ఐపీఎల్లో అరంగేట్రం చేసిన ఈ ఎడమచేతి వాటం బ్యాట్స్మెన్, ఆ ఏడాది ఐదు మ్యాచ్లలో 145 పరుగులు చేసి, పరుగుల వర్షం కురిపించే ఆటగాడిగా నిలిచాడు. కానీ, ఆ తర్వాతి రెండేళ్లలో అద్భుతమైన సీజన్లను సొంతం చేసుకున్నాడు. వరుసగా 362, 527 పరుగులు సాధించి, ఓపెనర్గా తన స్థానాన్ని సుస్థిరం చేసుకున్నాడు. 2025 ఎడిషన్లో 15 గేమ్లలో 54.21 సగటుతో 759 పరుగులు చేసి, 156.17 స్ట్రైక్ రేట్తో, 108* అత్యుత్తమ స్కోరు సాధించి ఆరెంజ్ క్యాప్ను గెలుచుకున్నాడు.