Rohit Sharma: ఆ రోజు చాలా భయపడ్డాను: రోహిత్ శర్మ
Mumbai Indians Batter Rohit Sharma React on Fan approached him in IPL 2024: ఇటీవల ముంబై ఇండియన్స్ స్టార్ బ్యాటర్ రోహిత్ శర్మకు ఓ అభిమాని షాక్ ఇచ్చిన విషయం తెలిసిందే. ఐపీఎల్ 2024లో భాగంగా ఏప్రిల్ 1న వాంఖడే వేదికగా రాజస్తాన్ రాయల్స్తో జరిగిన మ్యాచ్ సందర్భంగా ఫీల్డింగ్ చేస్తున్న రోహిత్ను గ్రౌండ్లో దూసుకొచ్చిన ఓ అభిమాని వెనక్కి నుంచి హత్తుకునే ప్రయత్నం చేశాడు. అభిమాని హఠాత్తుగా రావడం చూసిన రోహిత్.. ఒక్కసారిగా ఉలిక్కిపడ్డాడు. భయంతో దూరం వెళ్లేందుకు ప్రయత్నించాడు. ఆ తర్వాత అతడికి షేక్ హ్యాండ్ ఇచ్చాడు. ఆపై సెక్యూరిటీ సిబ్బంది వచ్చి ఆ అభిమానిని మైదానం నుంచి బయటకు పంపించారు.
ఆ సంఘటనపై రోహిత్ శర్మ తాజాగా స్పందించాడు. క్లబ్ ప్రైరీ పోడ్కాస్ట్లో ఆ రోజు జరిగిన సంఘటన గురించి హిట్మ్యాన్ వివరించాడు. ‘ఆ అభిమాని నా దగ్గరకు వచ్చి నేను మీకు మీకు పెద్ద ఫ్యాన్ను అని, ఓ హాగ్ కావాలని అడిగాడు. నేను అతడికి హాగ్ ఇచ్చాను. చాలా సంతోషపడ్డాడు. అయితే అభిమానులు మ్యాచ్ జరుగుతుండగా మైదానంలోకి రాకూడదు. సెక్యూరిటీ కళ్లు గప్పి వస్తే.. మీరే చిక్కుల్లో పడతారు. దయచేసి ఇంకోసారి ఎలా అస్సలు చేయవద్దు’ అని రోహిత్ కోరాడు.
Also Read: Rohit Sharma: ఐపీఎల్లో చరిత్ర సృష్టించిన రోహిత్ శర్మ!
‘నిజానికి నేను స్లిప్లో ఉండి ఫీల్డ్ సెట్ చేస్తున్నా. ఆ అభిమాని మైదానంలోకి రావడాన్ని నేను గమనించలేదు. మిడ్-ఆఫ్లో నాకు ఎదురుగా ఉన్న టిమ్ డేవిడ్.. ఓ వ్యక్తి వస్తున్నాడని సైగలు చేశాడు. అయితే డేవిడ్ ఏమి చెప్పాలనుకుంటున్నాడో నాకు అర్థం కాలేదు. అదే సమయంలో ఆ అభిమాని నా పక్కన వచ్చి నిలబడ్డాడు. అతడిని చూసి నేను ఒక్కసారిగా భయపడ్డా. అభిమానిని అని చెప్పడంతో మ్నా మనసు కాస్త కుదుటపడింది’ రోహిత్ శర్మ చెప్పాడు.