DC vs LSG: టాస్ గెలిచి ఫీల్డింగ్ ఎంచుకున్న లక్నో..
ఐపీఎల్ 2024లో భాగంగా.. ఈరోజు ఢిల్లీ క్యాపిటల్స్-లక్నో సూపర్ జెయింట్స్ మధ్య మ్యాచ్ జరుగనున్నది. ఢిల్లీలోని అరుణ్ జైట్లీ స్టేడియం వేదికగా రాత్రి 7.30 గంటలకు మ్యాచ్ ప్రారంభం కానుంది. ఈ క్రమంలో.. టాస్ గెలిచిన లక్నో ముందుగా ఫీల్డింగ్ ఎంచుకుంది. కాగా.. ఈ మ్యాచ్ విజయం ఇరు జట్లకు కీలకమైనది. ప్లే ఆఫ్స్ కు వెళ్లాలంటే రెండు టీమ్ లు తప్పక గెలవాల్సిన పరిస్థితి. మరీ ముఖ్యంగా.. ఢిల్లీకి ఇది డూ ఆర్ డై మ్యాచ్. ఒకవేళ ఢిల్లీ ఓడిపోతే ప్లేఆఫ్ రేసుకు దూరమవుతుంది. అంతేకాకుండా.. ఢిల్లీ జట్టు గెలవడమే కాదు, నెట్ రన్ రేట్ సానుకూలంగా ఉండాలంటే భారీ తేడాతో గెలవాలి. ఢిల్లీ, లక్నోలు చెరో 12 పాయింట్లతో ఉన్నాయి. ఢిల్లీకి ఇది 14వ మ్యాచ్ కాగా, లక్నోకి 13వ మ్యాచ్.
ఢిల్లీ ప్లేయింగ్ ఎలెవన్:
అభిషేక్ పోరెల్, జేక్ ఫ్రేజర్-మెక్గర్క్, షాయ్ హోప్, రిషబ్ పంత్ (కెప్టెన్/వికెట్ కీపర్), ట్రిస్టన్ స్టబ్స్, అక్షర్ పటేల్, గుల్బాదిన్ నాయబ్, రాసిఖ్ సలామ్, ముఖేష్ కుమార్, కుల్దీప్ యాదవ్, ఖలీల్ అహ్మద్.
లక్నో ప్లేయింగ్ ఎలెవన్:
కేఎల్ రాహుల్ (కెప్టెన్/వికెట్ కీపర్), క్వింటన్ డి కాక్, మార్కస్ స్టోయినిస్, దీపక్ హుడా, నికోలస్ పూరన్, కృనాల్ పాండ్యా, అర్షద్ ఖాన్, యుధ్వీర్ సింగ్, రవి బిష్ణోయ్, నవీన్-ఉల్-హక్, మొహ్సిన్ ఖాన్.