Irfan Pathan: “ఓన్లీ పెద్ద బౌలర్లే టార్గెట్ చేస్తున్నాడు!”.. వైభవ్ బ్యాటింగ్ శైలిపై ఇర్ఫాన్ పఠాన్ సంచలన స్టేట్‌మెంట్..

Irfan Pathan: వైభవ్ సూర్యవంశీ ఈ సీజన్‌లో సంచలనం సృష్టిస్తున్నాడు. సన్‌రైజర్స్‌తో మ్యాచ్‌కు ముందు వరకు వైభవ్ దుమ్మురేపుతూ వచ్చాడు. కట్‌చేస్తే నిన్న సన్‌రైజర్స్‌తో జరిగిన మ్యాచ్‌లో ఒక్కసారిగా వైభవ్ దూకుడుకు కళ్లెం పడింది. జస్ప్రీత్ బుమ్రా, భువనేశ్వర్ కుమార్, దీపక్ చాహర్ వంటి ప్రపంచ స్థాయి బౌలర్లను సైతం అలవోకగా ఎదుర్కొని ఫోర్లు, సిక్సర్ల వర్షం కురిపించిన ఈ కుర్రాడు.. ఎస్‌ఆర్‌హెచ్ మ్యాచ్‌లో డకౌట్ అయ్యాడు. అన్‌క్యాప్డ్ ప్లేయర్ ప్రఫుల్ హింగే వేసిన తొలి బంతికే పెవిలియన్ చేరాడు. ఇక వైభవ్ బ్యాటింగ్ తీరుపై చర్చ మొదలైంది. మాజీ క్రికెటర్ ఇర్ఫాన్ పఠాన్ గతంలో చేసిన వ్యాఖ్యలను నిజం చేసేలా బ్యాటింగ్ ఉంది. ఏప్రిల్ 10న ఇర్ఫాన్ ఎక్స్‌లో స్పందిస్తూ.. “ఈ కుర్రాడు కావాలనే పెద్ద బౌలర్లను టార్గెట్ చేస్తున్నాడా?” అని అనుమానం వ్యక్తం చేశాడు. బుమ్రా వంటి దిగ్గజాలను బౌండరీలకు తరలించిన వైభవ్, పెద్దగా అనుభవం లేని ప్రఫుల్ హింగే బౌలింగ్‌లో విఫలం కావడం పఠాన్ ‘థియరీ’కి బలం చేకూర్చింది. అయితే, అప్పట్లో అభిమానులు మాత్రం దీన్ని కొట్టిపారేశారు. బౌలర్ ఎవరన్నది ముఖ్యం కాదని, వైభవ్ ఎప్పుడూ వేగంగా పరుగులు సాధించాలనే లక్ష్యంతోనే ఆడతాడని వాదించారు. ఇక మరోసారి ఇర్ఫాన్ పఠాన్ స్పందించాడు. ఆ పాత ట్వీట్‌ను రీ ట్వీ్ట్ చేస్తూ “వైభవ్ సూర్యవంశీకి సంబంధించి నా సిద్ధాంతం తప్పేమీ కాదు.” అని పేర్కొన్నాడు. దీంతో ఈ చర్చ సోషల్ మీడియాలో మరింత ఊపందుకుంది.

READ MORE: Varanasi : జక్కన్నకు తలనొప్పిగా మారిన లీక్స్.. నెట్టింట్లో చక్కర్లు కొడుతోన్న వారణాసి వీడియో

ఇదిలా ఉండగా.. ఇటీవల ఇర్ఫాన్ పఠాన్ యువ సంచలనం వైభవ్ సూర్యవంశీకి అవకాశం ఇవ్వాలని బీసీసీఐకి నివేదించాడు. ‘వైభవ్ సూర్యవంశీ ఓ యువ సంచలనం. 15 ఏళ్ల వయసులో వైట్ బాల్ క్రికెట్‌లో ఇలాంటి ప్రదర్శన మరెక్కడా చూడలేం. ‘నేను గతేడాది బుమ్రా బౌలింగ్‌లో ఔటయ్యాను. ఇప్పుడు అతడి బౌలింగ్‌లో ఎక్కువ స్కోర్ చేసేందుకు ఎదురుచూస్తున్నాను’ అని గతంలో సూర్యవంశీ చెప్పాడు. ఇప్పుడు నిజంగానే చెప్పిందే చేసి చూపించాడు. వైట్ బాల్ క్రికెట్‌లో బుమ్రాను ఎదుర్కోవడం చాలా కష్టం. కానీ వైభవ్ సూర్యవంశీ ఇప్పుడు ఆ గోల్‌ను కూడా రీచ్ అయ్యాడు. కాబట్టి ఈ కుర్రాడిని జాతీయ జట్టుకు ఎంపిక చేయడానికి ఎదురుచూడాల్సిన అవసరం లేదు. వెంటనే అతడిని టీమిండియాలోకి తీసుకోవడం ఉత్తమం. ఇలా అయితే వైభవ్ 20 ఏళ్ల పాటు ఈ వృత్తిలో కొనసాగగలడు’ అని ఇర్ఫాన్ వెల్లడించాడు.

So my theory for Vaibhav Suyanvanshi isn’t wrong 😉

— Irfan Pathan (@IrfanPathan) April 13, 2026