CSK vs LSG: నేడు చెపాక్‌లో అసలైన యుద్ధం.. ఈ మ్యాచ్‌లో అయిన ధోనీ ఉంటాడా?

CSK vs LSG: ఐపీఎల్ 2026 సీజన్ లీగ్ దశలో భాగంగా ఆదివారం (మే 9) చెపాక్ స్టేడియంలో చెన్నై సూపర్ కింగ్స్ (CSK), లక్నో సూపర్ జెయింట్స్ (LSG) మధ్య జరగనున్న పోరు ఇరు జట్లకు అత్యంత కీలకంగా మారింది. ఐదుసార్లు ఛాంపియన్‌గా నిలిచిన చెన్నై ప్రస్తుతం పాయింట్ల పట్టికలో ఆరో స్థానంలో ఉండి ప్లేఆఫ్స్ ఆశలను సజీవంగా ఉంచుకోవాలని చూస్తోంది. ఇక, పట్టికలో అట్టడుగున ఉన్న ఎల్‌ఎస్‌జీకి ఇది ‘డూ ఆర్ డై’ మ్యాచ్‌గా మారింది. మధ్యాహ్నం 3:30 గంటలకు ప్రారంభం కానున్న ఈ మ్యాచ్‌లో హోమ్ గ్రౌండ్ అడ్వాంటేజ్ సీఎస్‌కేకి కలిసివచ్చే అంశం. ఇదిలా ఉండగా.. ఈ సీజన్‌లో సంజూ శామ్సన్ అద్భుత ఫామ్‌లో ఉండటం, కెప్టెన్ రుతురాజ్ గైక్వాడ్ తిరిగి ఫామ్‌లోకి రావడం చెన్నైకి కలిసొచ్చే అంశాలు. అయితే, కొంత మంది అభిమానులు సైతం సీజన్‌లో అంత సంతోషంగా కనిపించడం లేదు. దానికి కారణం ఎంఎస్ ధోనీ. మిస్టర్ కూల్ కోసం ఫ్యాన్స్ ఆసక్తిగా ఎదురుచూస్తున్నారు. పిక్క గాయం కారణంగా ఇప్పటివరకు ఒక్క మ్యాచ్ కూడా ఆడని ధోనీ, ఈ మ్యాచ్‌లోనైనా బరిలోకి దిగుతాడా అనేది ఉత్కంఠగా మారింది.

మరోవైపు, లక్నో సూపర్ జెయింట్స్ పరిస్థితి చాలా దారుణంగా ఉంది. ఆ జట్టు ఆడిన 10 మ్యాచ్‌ల్లో కేవలం మూడింటిలో మాత్రమే విజయం సాధించింది. రూ. 27 కోట్ల భారీ ధర పలికిన కెప్టెన్ రిషబ్ పంత్ తన స్థాయికి తగ్గ ప్రదర్శన చేయకపోవడం జట్టుకు కలిసి రావడం లేదు. అయితే, గత మ్యాచ్‌లో రాయల్ ఛాలెంజర్స్ బెంగళూరుపై మిచెల్ మార్ష్ మెరుపు సెంచరీ (111) సాధించి ఆరు వరుస ఓటములకు చెక్ పెట్టడం లక్నోలో కొత్త ఉత్సాహాన్ని నింపింది. బౌలింగ్‌లో మహమ్మద్ షమీపై ఆ జట్టు భారీగా ఆశలు పెట్టుకుంది. ఇక, నేటి చెపాక్ పిచ్ స్పిన్నర్లకు అనుకూలించే అవకాశం ఉండటంతో నూర్ అహ్మద్, అకీల్ హుస్సేన్ వంటి స్పిన్నర్లతో చెన్నై పైచేయి సాధించాలని భావిస్తోంది. అనుభవం ఉన్న చెన్నైని వారి సొంత గడ్డపై లక్నో ఎంతవరకు అడ్డుకుంటుందో చూడాలి.

Chennai Super Kings: రుతురాజ్ గైక్వాడ్ (కెప్టెన్), డెవాల్డ్ బ్రూయిస్, ఎంఎస్ ధోనీ, ఉర్విల్ పటేల్, సంజూ శాంసన్, శివమ్ దూబే, రామకృష్ణ ఘోష్, ఆయుష్ మ్హత్రే, శ్రేయస్ గోపాల్, జామీ ఓవర్‌టన్, ఖలీల్ అహ్మద్, అన్షుల్ కాంబోజ్, గుర్జప్నీత్ చౌద్ సింగ్, ముఖేషల్ చౌద్ సింగ్, ఎ. ప్రశాంత్ వీర్, మాథ్యూ షార్ట్, సర్ఫరాజ్ ఖాన్, మాట్ హెన్రీ, రాహుల్ చాహర్, జాచరీ ఫౌల్క్స్, స్పెన్సర్ జాన్సన్, కార్తీక్ శర్మ, అమన్ ఖాన్.

Lucknow Super Giants: రిషబ్ పంత్ (కెప్టెన్ మరియు వికెట్ కీపర్), అబ్దుల్ సమద్, అక్షత్ రఘువంశీ, ఆయుష్ బదోని, ముకుల్ చౌదరి, హిమ్మత్ సింగ్, జోష్ ఇంగ్లిస్ (వికెట్ కీపర్), ఐడెన్ మర్క్రామ్, నికోలస్ పూరన్ (వికెట్ కీపర్, జార్జ్‌బా మర్షిన్‌కర్ని, జార్జ్ మర్షిన్‌కర్ని, ఎమ్‌చెల్‌కౌల్డే), అహ్మద్, ఆకాష్ సింగ్, అవేష్ ఖాన్, మహ్మద్ షమీ, మొహ్సిన్ ఖాన్, అన్రిచ్ నోర్ట్జే, ప్రిన్స్ యాదవ్, దిగ్వేష్ రాఠీ, మణిమారన్ సిద్ధార్థ్, అర్జున్ టెండూల్కర్, నమన్ తివారీ, మయాంక్ యాదవ్.