SRH vs KKR: సన్‌రైజర్స్ హైదరాబాద్, కోల్‌కతా హెడ్ టు హెడ్ రికార్డ్స్.. ఇప్పటివరకు కేకేఆర్‌దే పైచేయి

ఇండియన్ ప్రీమియర్ లీగ్ 19వ సీజన్‌లో నేడు సన్‌రైజర్స్ హైదరాబాద్, కోల్‌కతా తలపడనున్నాయి. మ్యాచ్ మధ్యాహ్నం 3:30 గంటలకు (IST) సన్‌రైజర్స్ హైదరాబాద్, కోల్‌కతా నైట్ రైడర్స్ మధ్య జరగనుంది. ఈ రెండు జట్ల మధ్య జరిగే ఈ మ్యాచ్ హైదరాబాద్‌ ఉప్పల్ లోని రాజీవ్ గాంధీ అంతర్జాతీయ క్రికెట్ స్టేడియంలో జరగనుంది. ఈ ఐపీఎల్ సీజన్‌లో ఇరు జట్ల ప్రయాణాన్ని పరిశీలిస్తే, సన్‌రైజర్స్ హైదరాబాద్ పటిష్టంగా ఉంది.

ఐపీఎల్ 2026లో ఎస్ఆర్‌హెచ్ ఇప్పటివరకు 9 మ్యాచ్‌లు ఆడగా, వాటిలో 6 గెలిచి, కేవలం మూడు మ్యాచ్‌లలో మాత్రమే ఓటమిని చవిచూసింది. కోల్‌కతా నైట్ రైడర్స్ విషయానికి వస్తే, ఎనిమిది మ్యాచ్‌లు ఆడి కేవలం రెండింటిలో మాత్రమే గెలిచి, మొత్తం ఐదు పాయింట్లను సాధించారు. ప్లేఆఫ్ బెర్త్ రేసులో నిలవాలంటే కేకేఆర్‌కు ఈ మ్యాచ్ కీలకం. ఈ సీజన్‌లో ఈ రెండు జట్ల మధ్య ఇది ​​రెండో మ్యాచ్ కాగా, గత మ్యాచ్‌లో సన్‌రైజర్స్ హైదరాబాద్ 65 పరుగుల తేడాతో విజయం సాధించింది.

ఇప్పటివరకు హైదరాబాద్‌పై కేకేఆర్‌దే పైచేయిగా

ఐపీఎల్ చరిత్రలో సన్‌రైజర్స్ హైదరాబాద్, కేకేఆర్ జట్ల మధ్య జరిగిన ఫేస్ టు ఫేస్ రికార్డును పరిశీలిస్తే, కేకేఆర్‌దే పైచేయిగా కనిపిస్తోంది. ఇప్పటివరకు ఈ రెండు జట్ల మధ్య మొత్తం 31 మ్యాచ్‌లు జరగ్గా, వాటిలో కోల్‌కతా నైట్ రైడర్స్ 20 మ్యాచ్‌లు గెలవగా, సన్‌రైజర్స్ హైదరాబాద్ కేవలం 11 మ్యాచ్‌లు మాత్రమే విజయం సాధించింది. హైదరాబాద్‌ ఉప్పల్ లోని రాజీవ్ గాంధీ అంతర్జాతీయ క్రికెట్ స్టేడియంలో ఈ రెండు జట్ల మధ్య జరిగిన ఫేస్ టు ఫేస్ రికార్డును చూస్తే, అక్కడ జరిగిన 7 మ్యాచ్‌లలో ఎస్ఆర్‌హెచ్ జట్టు కేవలం 3 మ్యాచ్‌లు మాత్రమే గెలవగా, కోల్‌కతా నైట్ రైడర్స్ 4 మ్యాచ్‌లు గెలుచుకుంది.

గత కొన్ని మ్యాచ్‌లలో సన్‌రైజర్స్ హైదరాబాద్ ప్లేయర్ అభిషేక్ శర్మ, ట్రావిస్ హెడ్‌ల ప్రమాదకరమైన ఓపెనింగ్ జోడి అద్భుతంగా రాణిస్తోంది. వీరిద్దరూ బ్యాట్లతో అదరగొడుతున్నారు. కేకేఆర్‌తో జరిగే మ్యాచ్‌లో వీరిద్దరి నుంచి భారీ ఇన్నింగ్స్‌లను ఆశించడం కూడా ఒక కీలక అంశం. ఈ సీజన్‌లో అభిషేక్ శర్మ కూడా మంచి ఫామ్‌లో ఉన్నాడు. 400కు పైగా పరుగులు సాధించాడు. ఈ మ్యాచ్‌లో భారీ ఇన్నింగ్స్ ఆడగలిగితే, మరోసారి ఆరెంజ్ క్యాప్‌ను కైవసం చేసుకుంటాడు.