‘ఐకాన్ స్టార్’ అల్లు అర్జున్ పుట్టినరోజు సందర్భంగా ఆయన అభిమానులకు అదిరిపోయే అప్డేట్ ఇచ్చారు. అట్లీ దర్శకత్వంలో తెరకెక్కుతున్న క్రేజీ ప్రాజెక్ట్కు ‘రాకా’ అనే టైటిల్ను ఖరారు చేస్తూ.. బన్నీ ఫస్ట్ లుక్ రిలీజ్ చేశారు. ఈ సందర్భంగా దర్శకుడు అట్లీ చేసిన ఒక ఎమోషనల్ పోస్ట్తో సినిమాపై అంచనాలను ఆకాశానికి చేర్చింది. ఈ సినిమా కేవలం ఒక ప్రాజెక్ట్ మాత్రమే కాదు, తన జీవితంలో ఒక భాగమని అట్లీ చెప్పుకొచ్చారు. ‘రాకా’ చిత్రం వెనుక దాదాపు రెండు దశాబ్దాల కష్టం ఉందని అట్లీ వెల్లడించారు.
‘ఇది కేవలం ఒక సినిమా కాదు.. ఎన్నో ఏళ్లుగా నా గుండెల్లో దాచుకున్న నాలో ఒక భాగం. గత 18 ఏళ్లుగా ఒకే ఒక ఆలోచనను పట్టుకుని ఉన్నాను. అది ఎప్పుడూ నా కళ్ల ముందు నుంచి చెదిరిపోలేదు’ అంటూ తన సుదీర్ఘ ప్రయాణాన్ని అట్లీ గుర్తు చేసుకున్నారు. ఈ కథ తనను ఎన్నో పరీక్షలకు గురి చేసిందని, ఒక దర్శకుడిగా తనను తీర్చిదిద్దిందని ఆయన పేర్కొన్నారు. అల్లు అర్జున్కు శుభాకాంక్షలు తెలుపుతూనే.. ఈ సినిమా అసలైన ప్రయాణం ఇప్పుడే మొదలైందని అట్లీ అన్నారు.
Also Read: Yashasvi Jaiswal: ముంబై అంటేనే శివాలెత్తుతున్న జైస్వాల్.. బౌలర్లకు కంటి మీద కునుకు లేకుండా పోతోంది!
‘నిజం చెప్పాలంటే.. ఇది కేవలం ఆరంభం మాత్రమే’ అని అట్లీ చేసిన వ్యాఖ్యలు చూస్తుంటే.. అల్లు అర్జున్ను వెండితెరపై ఎన్నడూ చూడని ఒక సరికొత్త అవతారంలో చూపించబోతున్నట్లు అర్థమవుతోంది. అట్లీ తన 18 ఏళ్ల డ్రీమ్ ప్రాజెక్ట్ను బన్నీ లాంటి పవర్ఫుల్ పెర్ఫార్మర్తో తెరకెక్కిస్తుండటంతో.. ఇండియన్ బాక్సాఫీస్ వద్ద సరికొత్త రికార్డులు సృష్టించడం ఖాయమని సినీ విశ్లేషకులు భావిస్తున్నారు. సన్ పిక్చర్స్ భారీ బడ్జెట్తో నిర్మిస్తున్న ఈ చిత్రంలో బాలీవుడ్ బ్యూటీ దీపికా పదుకొణె కథానాయికగా నటిస్తోంది.