Women’s Asia Cup 2026: మరోసారి తలపడనున్న భారత్, పాకిస్థాన్.. మహిళల ఆసియా కప్ షెడ్యూల్ రిలీజ్

మహిళల టీ20 ఆసియా కప్ 2026కు సంబంధించిన పూర్తి షెడ్యూల్‌ను ఆసియా క్రికెట్ కౌన్సిల్ (ACC) ప్రకటించింది. ఆగస్టు 28 నుంచి దుబాయ్‌లో ఈ టోర్నమెంట్ ప్రారంభం కానుంది. మొత్తం 8 జట్లు పాల్గొనే ఈ పోటీలు సెప్టెంబర్ 13న జరిగే ఫైనల్‌తో ముగుస్తాయి. టోర్నమెంట్ తొలి మ్యాచ్‌లో హాంకాంగ్ చైనా, థాయ్‌లాండ్ జట్లు తలపడనున్నాయి. ఇక క్రికెట్ అభిమానులు ఎంతో ఆసక్తిగా ఎదురుచూస్తున్న భారత్- పాకిస్థాన్ మ్యాచ్ సెప్టెంబర్ 5న జరగనుంది. టోర్నమెంట్‌లోని అన్ని మ్యాచ్‌లు దుబాయ్ ఇంటర్నేషనల్ క్రికెట్ స్టేడియంలో ఫ్లడ్‌లైట్ల వెలుతురులో జరగనున్నాయి. మ్యాచ్‌లు స్థానిక కాలమానం ప్రకారం సాయంత్రం 6:30 గంటలకు ప్రారంభమవుతాయి.

గ్రూప్ దశలో భారత్ మ్యాచ్‌లు

హర్మన్‌ప్రీత్ కౌర్ నాయకత్వంలోని భారత జట్టు గ్రూప్ దశలో మూడు మ్యాచ్‌లు ఆడనుంది.

ఆగస్టు 30: భారత్ vs థాయ్‌లాండ్
సెప్టెంబర్ 3: భారత్ vs హాంకాంగ్
సెప్టెంబర్ 5: భారత్ vs పాకిస్థాన్

టోర్నమెంట్ ఫార్మాట్

8 జట్లను రెండు గ్రూపులుగా విభజించారు. ప్రతి జట్టు తన గ్రూప్‌లోని మిగిలిన జట్లతో ఒక్కసారి తలపడుతుంది. గ్రూప్ దశ ముగిసిన తర్వాత ప్రతి గ్రూప్‌లో టాప్-2లో నిలిచిన జట్లు సెమీఫైనల్‌కు అర్హత సాధిస్తాయి.

సెప్టెంబర్ 10న తొలి సెమీఫైనల్‌లో A1, B2తో తలపడుతుంది.
సెప్టెంబర్ 11న రెండో సెమీఫైనల్‌లో B1, A2తో పోటీ పడుతుంది.
సెప్టెంబర్ 13న ఫైనల్ జరుగుతుంది.

డిఫెండింగ్ ఛాంపియన్ శ్రీలంక

గత ఎడిషన్‌లో టైటిల్ గెలిచిన శ్రీలంక డిఫెండింగ్ ఛాంపియన్‌గా బరిలోకి దిగుతోంది. 2018లో బంగ్లాదేశ్ కూడా ఆసియా కప్ టైటిల్‌ను గెలుచుకుంది. భారత్ మాత్రం మహిళల ఆసియా కప్ చరిత్రలో అత్యంత విజయవంతమైన జట్టుగా ఉంది. భారత్ 2012, 2016, 2022 సంవత్సరాల్లో మూడు టైటిళ్లను సాధించింది.

మహిళల ఆసియా కప్ 2026 పూర్తి షెడ్యూల్

ఆగస్టు 28 -థాయ్‌లాండ్ vs హాంకాంగ్
ఆగస్టు 29 -శ్రీలంక vs UAE
ఆగస్టు 30 -భారత్ vs థాయ్‌లాండ్
ఆగస్టు 31 -బంగ్లాదేశ్ vs ఇండోనేషియా
సెప్టెంబర్ 1 -పాకిస్థాన్ vs థాయ్‌లాండ్
సెప్టెంబర్ 2 -శ్రీలంక vs ఇండోనేషియా
సెప్టెంబర్ 3 -భారత్ vs హాంకాంగ్
సెప్టెంబర్ 4 -UAE vs ఇండోనేషియా
సెప్టెంబర్ 5 – భారత్ vs పాకిస్థాన్
సెప్టెంబర్ 6- శ్రీలంక vs బంగ్లాదేశ్
సెప్టెంబర్ 7 -పాకిస్థాన్ vs హాంకాంగ్
సెప్టెంబర్ 8 -బంగ్లాదేశ్ vs UAE
సెప్టెంబర్ 10 -సెమీఫైనల్ 1 – A1 vs B2
సెప్టెంబర్ 11 -సెమీఫైనల్ 2 – B1 vs A2
సెప్టెంబర్ 13 – ఫైనల్

Women's Asia Cup 2026: Full Schedule Announced | India vs Pakistan on September 5 #WomensAsiaCup2026 #AsiaCup2026 #TeamIndia pic.twitter.com/91syO70XqU

— Inspirexo (@Inspirexo) August 6, 2026