Japan vs India: హమ్మయ్య.. బయటపడ్డ భారత్.. పసికూన జపాన్‌పై తృటిలో తప్పిన ఓటమి!

చారిత్రక మ్యాచ్‌లో టీ20 ఛాంపియన్ భారత్‌కు పసికూన జపాన్‌ చుక్కలు చూపించింది. అద్భుత బౌలింగ్, బ్యాటింగ్‌తో టీమిండియాను ఓడించినంత పనిచేసింది. శ్రేయాస్ సేనకు అదృష్టం కలిసొచ్చి విజయాన్ని అందుకుంది. 33 పరుగుల లక్ష్యంతో బరిలోకి దిగిన జపాన్.. 5 ఓవర్లలో మూడు వికెట్ల నష్టానికి 30 రన్స్ చేసి 2 పరుగుల స్వల్ప తేడాతో ఓడిపోయింది. చివరి ఓవర్లో జపాన్ విజయానికి 8 రన్స్ అవసరం కాగా.. అక్షర్ పటేల్ అద్భుతంగా బౌలింగ్ చేసి టీమిండియాకు విజయాన్ని అందించాడు. వాషింగ్టన్ సుందర్ రెండు వికెట్స్ తీశాడు.

వర్షం కారణంగా ఈ మ్యాచ్‌ను 5 ఓవర్లకు కుదించారు. తొలుత భారత్ టాస్‌ గెలిచి బ్యాటింగ్‌ ఎంచుకుంది. నిర్ణీత ఐదు ఓవర్లలో 4 వికెట్ల నష్టానికి 32 పరుగులు చేసింది. ఓపెనర్‌ అభిషేక్‌ శర్మ మరోసారి డకౌట్‌ కాగా.. మరో ఓపెనర్ సంజూశాంసన్‌ 9 పరుగులు చేశాడు. స్టార్ బ్యాటర్ ఇషాన్‌ కిషన్‌ (3) స్వల్ప స్కోరుకే అవుట్ అయ్యాడు. కెప్టెన్ శ్రేయస్‌ అయ్యర్‌ (16) ఫర్వాలేదనిపించాడు. జపాన్‌ బౌలర్లలో ఛార్లీ హరా-హింజే రెండు వికెట్లు తీయగా.. ఇబ్రహిం తకహషీ, బెంజమిన్‌ ఇతో-డేవిస్‌ చెరో వికెట్‌ పడగొట్టారు.