India Squad for New Zealand Series: న్యూజిలాండ్‌తో జరగనున్న సిరీస్‌ల కోసం భారత జట్ల ఎంపికపై కీలక పరిణామాలు చోటుచేసుకున్నాయి. టెస్టు జట్టుతో పాటు వన్డే సిరీస్‌లోని తొలి మూడు మ్యాచ్‌లకు, చివరి రెండు మ్యాచ్‌లకు వేర్వేరుగా జట్లను బీసీసీఐ ప్రకటించింది. తొలి మూడు వన్డేలకు శుభ్‌మన్ గిల్ కెప్టెన్‌గా వ్యవహరించనుండగా, నాలుగు, ఐదు వన్డేలకు శ్రేయస్ అయ్యర్ నాయకత్వం వహించనున్నారు. టెస్టు జట్టులో ఆకాశ్ దీప్‌కు చోటు దక్కగా, రిషభ్ పంత్ ఎంపిక మెడికల్ క్లియరెన్స్ పై ఆధారపడి ఉంది.
తొలి మూడు వన్డేలకు గిల్ కెప్టెన్
న్యూజిలాండ్‌తో నవంబర్ 4 నుంచి ప్రారంభం కానున్న వన్డే సిరీస్‌లో తొలి మూడు మ్యాచ్‌లకు శుభ్‌మన్ గిల్ కెప్టెన్‌గా ఎంపికయ్యారు. శ్రేయస్ అయ్యర్ వైస్ కెప్టెన్‌గా బాధ్యతలు నిర్వర్తించనున్నాడు. రోహిత్ శర్మ, విరాట్ కోహ్లీ వంటి సీనియర్ ఆటగాళ్లకు కూడా జట్టులో చోటు కల్పించారు. తొలి మూడు వన్డేల జట్టులో వికెట్ కీపర్లుగా కేఎల్ రాహుల్, ఇషాన్ కిషన్ ఉన్నారు. అక్షర్ పటేల్, నితీశ్ కుమార్ రెడ్డి, రుతురాజ్ గైక్వాడ్, అర్ష్‌దీప్ సింగ్, కుల్దీప్ యాదవ్ తదితరులకు కూడా అవకాశం లభించింది.
చివరి రెండు వన్డేలకు అయ్యర్ కెప్టెన్
సిరీస్‌లోని చివరి రెండు వన్డేల కోసం జట్టులో మార్పులు చేసినట్లు సమాచారం. ఈ మ్యాచ్‌లకు శ్రేయస్ అయ్యర్ కెప్టెన్‌గా, ఇషాన్ కిషన్ వైస్ కెప్టెన్‌గా వ్యవహరించనున్నారు. తిలక్ వర్మ, ఆకిబ్ నబీ, కుమార్ కుశాగ్ర, యశ్ ఠాకూర్ వంటి ఆటగాళ్లకు ఈ జట్టులో చోటు కల్పించారు. ఇక రవీంద్ర జడేజాకు వన్డే జట్టులో చోటు దక్కలేదు. ఆయన స్థానంలో అక్షర్ పటేల్‌ను కొనసాగించారు. అయితే, జడేజా టెస్టు జట్టులో మాత్రం ఉన్నారు.
టెస్టు జట్టులోకి ఆకాశ్ దీప్.. పంత్ ఎంపికపై ఉత్కంఠ
న్యూజిలాండ్‌తో టెస్టు సిరీస్ కోసం ప్రకటించిన జట్టులో ఆకాశ్ దీప్‌కు అవకాశం లభించింది. దేశవాళీ క్రికెట్‌లో అతడి ప్రదర్శన ఈ ఎంపికకు ఉపయోగపడింది. మరోవైపు, వికెట్ కీపర్ బ్యాటర్ రిషభ్ పంత్‌ను కూడా టెస్టు జట్టులో చేర్చారు. అయితే, వైద్య బృందం అనుమతిపై ఆధారపడి ఉంటుంది.
టెస్టు జట్టుకు శుభ్‌మన్ గిల్ నాయకత్వం వహించనుండగా, కేఎల్ రాహుల్ వైస్ కెప్టెన్‌గా వ్యవహరించనున్నాడు. యశస్వి జైస్వాల్, దేవదత్ పడిక్కల్, సాయి సుదర్శన్, ధ్రువ్ జురెల్, వాషింగ్టన్ సుందర్, కుల్దీప్ యాదవ్, జస్ప్రీత్ బుమ్రా తదితరులకు కూడా చోటు దక్కింది.
భారత్ వన్డే జట్లు పూర్తి వివరాలు
తొలి మూడు వన్డేలకు భారత జట్టు:
శుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్ కెప్టెన్), కేఎల్ రాహుల్ (వికెట్ కీపర్), నితీశ్ కుమార్ రెడ్డి, అక్షర్ పటేల్, నమన్ ధీర్, అన్షుల్ కంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్ కీపర్), మహమ్మద్ సిరాజ్, ప్రసిద్ధ్ కృష్ణ, కుల్దీప్ యాదవ్.
నాలుగు, ఐదు వన్డేలకు భారత జట్టు:
శ్రేయస్ అయ్యర్ (కెప్టెన్), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్ కీపర్, వైస్ కెప్టెన్), నితీశ్ కుమార్ రెడ్డి, అక్షర్ పటేల్, నమన్ ధీర్, ఆకిబ్ నబీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుశాగ్ర (వికెట్ కీపర్), మహమ్మద్ సిరాజ్, యశ్ ఠాకూర్, కుల్దీప్ యాదవ్.
భారత్ టెస్టు జట్టు పూర్తి వివరాలు
శుభ్‌మన్ గిల్ (కెప్టెన్), యశస్వి జైస్వాల్, కేఎల్ రాహుల్ (వైస్ కెప్టెన్), దేవదత్ పడిక్కల్, రిషభ్ పంత్ (వికెట్ కీపర్), ధ్రువ్ జురెల్ (వికెట్ కీపర్), రవీంద్ర జడేజా, అన్షుల్ కంబోజ్, జస్ప్రీత్ బుమ్రా, ప్రసిద్ధ్ కృష్ణ, ఆకాశ్ దీప్, సాయి సుదర్శన్, నితీశ్ కుమార్ రెడ్డి, వాషింగ్టన్ సుందర్, కుల్దీప్ యాదవ్, మహమ్మద్ సిరాజ్.
భారత్- న్యూజిలాండ్ ఐదు వన్డేల సిరీస్ నవంబర్ 4న ఆక్లాండ్‌లో ప్రారంభం కానుంది. అనంతరం రెండు టెస్టు మ్యాచ్‌లు జరగనున్నాయి.
🚨 News 🚨
#TeamIndia’s ODI and Test squads for New Zealand tour announced 📝
Captain Shubman Gill will lead the side for the first 3️⃣ ODIs, before Shreyas Iyer takes charge for the last 2️⃣ matches.
More details ▶️ https://t.co/npwxUYlb1N
#NZvIND https://t.co/3ckm7ixgEN
— BCCI (@BCCI) October 16, 2026