GT vs DC : గుజరాత్ టైటాన్స్ తో ఢిల్లీ క్యాపిటల్స్ ఢీ

ఇండియన్ ప్రీమియర్ లీగ్ లో వరుస విజయాలతో దూసుకుపోతూ ప్లేఆఫ్స్ రేసులో తొలి స్థానంలో ఉన్న గుజరాత్ టైటాన్స్ నేడు ఢిల్లీ క్యాపిటల్స్ ను ఢీకొనబోతున్నది. ఆడిన 8 మ్యాచ్‌లలో ఆరు గెలిచిన గుజరాత్‌ను అడ్డుకోవడం ఢిల్లీ టీమ్ కి ప్రస్తుతానికైతే శక్తికి మించిన పనే అని తెలుస్తోంది. అదీగాక ఈ మ్యాచ్ కూడా గుజరాత్ సొంత గ్రౌండ్ అహ్మదాబాద్‌లో జరుగుతుంది. గుజరాత్ ఈ సీజన్‌లో రాజస్తాన్ చేతిలో ఓడిన తర్వాత మళ్లీ వరుసగా మూడు మ్యాచ్‌లలోనూ గెలిచి హ్యాట్రిక్ కొట్టింది. 8 మ్యాచ్‌లలో ఆరు విజయాలు సాధించిన పాండ్యా సేన.. బ్యాటింగ్, బౌలింగ్, ఫీల్డింగ్.. ఇలా అన్ని విభాగాలలో పటిష్టంగా కనిపిస్తో్ంది. లక్నో సూపర్ జెయింట్స్ ఇచ్చిన 136 టార్గెట్ ను ఈజీగా గుజరాత్ గెలిచింది.

Also Read : Rains and Thunderstorms: ఈ జిల్లాల్లో నేడు వర్షాలు.. పిడుగులు పడే అవకాశం..!

హార్ధిక్ పాండ్యా బ్యాటింగ్ లో విఫలమవుతున్నాడు.. తప్ప ఆ జట్టులో పెద్దగా వేలెత్తి చూపించడానికి లోపాలు కూడా ఏం లేవు. బ్యాటింగ్ శుబ్ మన్ గిల్, హార్ధిక్ పాండ్యా, విజయ్ శంకర్, అభినవ్ మనోహర్, రాహుల్ తెవాటియా, డేవిడ్ మిల్లర్ లతో ఆ జట్టు పటిష్టంగా ఉంది. ఇక బౌలింగ్ లో షమీ, మోహిత్ శర్మ, నూర్ అహ్మద్, రషీద్ ఖాన్ లు దుమ్ము రేపుతున్నారు.

Also Read : Sri Mahishasura Mardini Stotram: మంగళవారం నాడు ఈ స్తోత్రాలు వింటే సకల పాపాలు సర్వనాశనమైపోతాయి

ఈ సీజన్ లో ఆడిన 8 మ్యాచ్ లలో రెండు మాత్రమే గెలిచిన ఢిల్లీ క్యాపిటల్స్ జట్టు.. ఇటీవలే సన్ రైజర్స్ చేతిలో చావుదెబ్బతింది. గుజరాత్ టీమ్ అన్ని విభాగాల్లో ఎంత పటిష్టంగా ఉందో ఢిల్లీ అంత వీక్ గా ఉంది. బ్యాటింగ్ లో డేవిడ్ వార్నర్ రాణిస్తున్నా గత మ్యాచ్ లో డకౌట్ అయ్యాడు. మిచెల్ మార్ష్, సాల్ట్ లు ఫామ్ ను అందుకుకున్నారు. ఈ ఇద్దరు ఫామ్ లోకి రావడం కాస్త ఊరటనిచ్చే అంశం. ఆ తర్వాత వస్తున్న బ్యాటర్లందరూ ఏదో చుట్టపు చూపునకు వచ్చినట్టు వచ్చి పెవిలియన్ కు పోతున్నారు. అక్షర్ పటేల్ మీద ఆ జట్టు ఆశించినదానికంటే ఎక్కువ ఆధారపడుతున్నట్లు తెలుస్తోంది.

Also Read : Sri Hanuman Chalisa: హనుమాన్ చాలీసా వింటే శత్రువులు సైతం మీకు అనుకూలంగా మారతారు

బౌలింగ్ లో కూడా అన్రిచ్ నోర్జే, కుల్దీప్ యాదవ్ వంటి అంతర్జాతీయ స్టార్లు ఉన్నా పెద్దగా ప్రభావం చూపడంలేదు. గత మ్యాచ్ లో మార్ష్ బౌలింగ్ లో కూడా నాలుగు వికెట్లు తీశాడు. అహ్మదాబాద్ గ్రౌండ్ అక్షర్ పటేల్ కు సొంత మైదానం.. మరి ఇక్కడ ఏమేరకు గుజరాత్ ను కట్టడి చేస్తాడనేది ఆసక్తికరంగా మారింది. ఈ మ్యాచ్ లో కూడా ఓడితే ఢిల్లీ ఇక ఈ టోర్నీలో ప్లేఆఫ్స్ రేసు నుంచి అధికారికంగా తప్పుకున్నట్టే. అయితే ఈ రెండు జట్లు హెడ్ టూ హెడ్.. ఐపీఎల్ లో ఈ రెండు జట్ల మధ్య గత సీజన్ లో ఒకటి ఈ సీజన్ లో మరో మ్యాచ్ జరిగాయి. రెండింటిలోనూ గుజరాత్ టైటాన్స్ విజయం సాధించింది.

Also Read : Tirumala: కలకలం రేపిన ఈ-మెయిల్.. తిరుమలలో హై అలర్ట్..

అహ్మదాబాద్ స్టేడియం బ్యాటింగ్ కు అనుకూలిస్తుంది. ఈ సీజన్ లో ఇక్కడ యావరేజ్ ఫస్ట్ ఇన్నింగ్స్ స్కోరు 190 పరుగులకు పైగా నమోదైంది. ఛేదన చేసే జట్టుకు విజయావకాశాలెక్కువగా ఉన్నాయి.
గుజరాత్ టైటాన్స్ : వృద్ధిమాన్ సాహా, శుభ్‌మన్ గిల్, హార్ధిక్ పాండ్యా (కెప్టెన్), విజయ్ శంకర్, అభినవ్ మనోహర్, డేవిడ్ మిల్లర్, రాహుల్ తెవాటియా, రషీద్ ఖాన్, మహ్మద్ షమీ, నూర్ అహ్మద్, మోహిత్ శర్మ.
ఢిల్లీ క్యాపిటల్స్ : డేవిడ్ వార్నర్ (కెప్టెన్), ఫిలిప్ సాల్ట్, మిచెల్ మార్ష్, మనీష్ పాండే, ప్రియమ్ గార్గ్, అక్షర్ పటేల్, రిపల్ పటేల్, కుల్దీప్ యాదవ్, అన్రిచ్ నోర్జ్, ఇషాంత్ శర్మ, ముఖేష్ కుమార్.