IPL 2023 : ఎంఎస్ ధోని కొట్టింది 3 సిక్సులే.. జియో వ్యూస్ మాత్రం రెండున్నర కోట్లు
ఇండియన్ ప్రీమియర్ లీజ్ సీజన్ 16లో టీమిండియా మాజీ కెప్టెన్.. చెన్నై సారథి మహేంద్ర సింగ్ ధోని దుమ్మురేపుతున్నాడు. 41 ఏళ్ల వయసులో అసాధారణ బ్యాటింగ్ తో పాత ధోనిని తలపిస్తున్నాడు. రాజస్థాన్ రాయల్స్ తో మ్యాచ్ లో బుధవారం ఉత్కంఠగా సాగిన మ్యాచ్ లో ధోని తన బ్యాటింగ్ తో ఆ జట్టును ఓడించినంత పని చేశాడు. చివరి ఓవర్ లో చెన్నై విజయానికి 21 పరుగులు అవసరం కాగా.. ధోని వరుసగా రెండు భారీ సిక్సులు బాది మ్యాచ్ ను గెలిపించినంత పని చేశాడు. రాజస్థాన్ రాయల్స్ బౌలర్ సందీప్ శర్మ అద్బుతంగా బౌలింగ్ చేయడం.. చివరి మూడు బంతుల్లో 7 పరుగులు డిఫెండ్ చేయడంతో చెన్నైకి ఓటమి తప్పలేదు. 30 బంతుల్లో 60 పరుగులు కావాల్సిన పరిస్థితుల్లో బ్యాటింగ్ కి వచ్చిన ధోని.. జడేజాతో కలిసి గెలిపించినంత పనిచేశాడు. మొత్తం మూడు సిక్సర్లతో పాటు ఓ ఫోర్ కొట్టి అభిమానులందర్నీ అలరించాడు.
Read Also : Opposition Unity: నితీష్ తో కేజ్రీవాల్ భేటీ.. ప్రతిపక్షాల ఐక్యతపై చర్చ!
ఈ మ్యాచ్ లో ధోని ఆడింది కేవలం 17 బంతులే అయినా.. 32 పరుగులతో అజేయంగా నిలిచాడు. ధోని బ్యాటింగ్ కు రాగానే జియో సినిమా వ్యూస్ 2 కోట్ల మార్క్ ను దాటింది. ఆఖరి ఓవర్ రెండు సిక్స్ లు బాదిన అనంతరం ఈ సంఖ్య 2.2 కోట్లకు చేరింది. ఇది జియో సినిమాకు ఆల్ టైమ్ రికార్డు. ధోని బ్యాటింగ్ కు ముందు 60 లక్షల వ్యూస్ ఉండగా.. అతను రాగానే మరో 60 లక్షల వ్యూస్ అమాంతరం పెరిగాయి. లక్నో సూపర్ జెయింట్స్ తో మ్యాచ్ లో ధోని బ్యాటింగ్ చేసినప్పుడు 1.7 కోట్ల వ్యూస్ రాగా.. ఆర్సీబీ-లక్నో మ్యాచ్ లో 1.8 వ్యూస్ వచ్చాయి. ఇప్పటి వరకు ఇదే రికార్డుగా ఉండగా.. తాజా మ్యాచ్ బ్రేక్ చేసింది.
Read Also : MS DHONI : ఆ మిస్టెక్ వల్లే గెలవాల్సిన మ్యాచ్ లో ఓడిపోయాం..
ఈ మ్యాచ్ లో ముందుగా బ్యాటింగ్ చేసిన రాజస్థాన్ రాయల్స్ నిర్ణీత 20 ఓవర్లో 8 వికెట్లకు 175 పరుగులు చేసింది. బట్లర్ ( 52), హాఫ్ సెంచరీతో రాణించగా.. దేవదత్ పడిక్కల్ ( 38), అశ్విన్ ( 30), హెట్మేయర్ ( 30) విలువైన పరుగులు చేశారు. చెన్నై బౌలర్లలో ఆకాశ్, తుషార్ దేశ్ పాండే, రవీంద్ర జడేజా తల రెండు వికెట్లు తీసుకున్నారు. మొయిన్ ఆలీ ఒక వికెట్ పడగొట్టాడు. అనంతరం లక్ష్య చేధనకు దిగిన సీఎస్కే నిర్ణీత 20 ఓవర్లో 6 వికెట్లకు 172 పరుగులు చేసి ఓటమిపాలైంది. డేవాన్ కాన్వే ( 50) హాఫ్ సెంచరీ చేయగా.. రహానే ( 38), ధోని (32) నాటౌట్ విలువైన పరుగులతో రాణించారు. రాజస్థాన్ రాయల్స్ బౌలర్లలో అశ్విన్, చాహల్ రెండేసి వికెట్లు తీయగా.. సందీప్ శర్మ, జాసన్ హోల్డర్ తలో వికెట్ తీశారు.
