వచ్చే ఏడాది ఐపీఎల్ నిర్వహణకు భారీ ప్రణాళికలు…

ఐపీఎల్ 2021 ఫేజ్ 2 కోసం అన్ని ఏర్పాట్లు చేస్తోంది బీసీసీఐ. వచ్చే ఏడాది ఐపీఎల్ నిర్వహణకు భారీ ప్రణాళికలు సిద్ధం చేస్తోంది. కొత్తగా చేరే రెండు అదనపు జట్లతో కలిసి 10 టీమ్‌లతో ఐపీఎల్ 2022 జరగబోతుంది. రెండు కొత్త జట్ల ద్వారా అదనంగా 5 వేల కోట్ల ఆదాయం ఆర్జించాలని మాస్టర్ ప్లాన్ వేస్తోంది బీసీసీఐ. కొత్తగా చేరే ఒక్కో జట్టు బేస్ ప్రైజ్ కింద బీసీసీఐకి 2 వేల కోట్లు చెల్లించాల్సి ఉంటుంది. అలాగే బిడ్ వేసేందుకు ఒక్కో కంపెనీ 75 కోట్లు చెల్లించాల్సి ఉంటుంది. అహ్మదాబాద్‌తో ఓ కొత్త జట్టు రావడం ఇప్పటికే అనధికారికంగా కన్ఫార్మ్ అయినా… లక్నో, పూణె, కొచ్చి పేర్లతో కొత్త జట్లు వస్తాయని జోరుగా ప్రచారం సాగుతోంది. అయితే ఈ కొత్త జట్ల రాకతో మిగిలిన జట్టు అన్ని తమ ముఖ్యమైన ఆటగాళ్లను కోల్పోనున్న విషయం తెలిసిందే. ఎందుకంటే ఐపీఎల్ 2022 కోసం జరిగే భారీ వేలంలో ముగ్గురు ఆటగాళ్లను మినహా అందరిని విడిచిపెట్టాల్సి ఉంటుంది.