Mumaith Khan: తలలో 9 టైటానియం వైర్లు, ఫిట్స్, డిప్రెషన్.. చావు అంచుల దాకా వెళ్లి ఎలా బ్రతికిందంటే?

ఇప్పటికింకా నా వయసు నిండా పదహారే అంటూ తెలుగు కుర్రాళ్ళ గుండెల్ని పిండేసి అందరికీ గుర్తుండి పోయిన ముమైత్ ఖాన్ ఎన్టీవీ (NTV) తో ప్రత్యేకంగా ముచ్చటిస్తూ తన జీవితంలోని హెల్త్ ప్రాబ్లమ్స్, డిప్రెషన్, వాటిని ఎలా అధిగమించారనే విషయాలపై చేసిన ఎమోషనల్ కామెంట్స్ ఇప్పుడు నెట్టింట వైరల్ అవుతున్నాయి. తనకు ఎదురైన కష్టాల గురించి, తాను డిప్రెషన్ లోకి వెళ్ళడం గురించి ముమైత్ ఖాన్ మాట్లాడుతూ.. “నాకు గతంలో బ్రెయిన్ నర్వ్ బరస్ట్ అయింది. దాంతో నా తలలో తొమ్మిది టైటానియం వైర్లను అమర్చాల్సి వచ్చింది. ఆ సర్జరీ తర్వాత వచ్చే సైడ్ ఎఫెక్ట్స్ చాలా దారుణంగా ఉండేవి. తరచూ సీజర్ ఎటాక్స్ (ఫిట్స్ లాంటివి), తీవ్రమైన మైగ్రేన్ తలనొప్పి వచ్చేవి. ఈ హెల్త్ కండిషన్ వల్ల, వాడుతున్న హెవీ మెడికేషన్ (మందుల) వల్ల నేను డిప్రెషన్‌లోకి వెళ్లాల్సి వచ్చింది.

నేను కావాలని డిప్రెషన్‌లోకి వెళ్లలేదు, ఆ మందుల ప్రభావం నన్ను అలా మార్చేసింది” అని చెప్పుకొచ్చారు. ఆ క్లిష్ట సమయంలో తాను తీసుకున్న నిర్ణయం గురించి చెబుతూ.. “ఒకానొక దశలో ఏం చేయాలో పాలుపోక తీవ్ర మానసిక వేదన అనుభవించాను. అప్పుడు నా మైండ్‌ను నేనే కంట్రోల్ చేసుకున్నాను. నాకున్న డిప్రెషన్‌ను, నేను లైఫ్‌లో సాధించిన సక్సెస్ మరియు అచీవ్‌మెంట్స్ తో పోల్చి చూసుకున్నాను. నా సక్సెస్ ముందు ఈ డిప్రెషన్ చాలా చిన్నదిగా అనిపించింది. ఇది కేవలం తాత్కాలికం మాత్రమే అని నాకు అర్థమైంది” అన్నారు. లైఫ్ అంటేనే హెార్ట్ బీట్ లాంటిదని.. గ్రాఫ్ ఎప్పుడూ అప్ అండ్ డౌన్ అవుతూనే ఉండాలని, అప్పుడే మనం బ్రతికి ఉన్నట్లు లెక్క అని ఆయన ఒక గొప్ప ఉదాహరణ చెప్పారు. ఎప్పుడూ లైఫ్ ‘అప్’ లోనే ఉంటే మనం కొత్తగా నేర్చుకునేది ఏముంటుంది? కిందపడితేనే జీవితం విలువ తెలుస్తుంది, బాధను అనుభవిస్తేనే మరింత బలంగా బయటకు రాగలమని ముమైత్ ఖాన్ వివరించారు.

“నాకు సక్సెస్ ఇచ్చినందుకు దేవుడికి థాంక్స్ చెబుతాను, అలాగే డిప్రెషన్, ఆ బ్రెయిన్ సర్జరీ బ్రేక్ ఇచ్చినందుకు కూడా థాంక్స్ చెబుతాను. ఎందుకంటే ఆ చేదు అనుభవాల వల్లే ఈరోజు నేను ఇంత పెద్ద సెమినార్ చేయగలిగాను. నా దృష్టిలో మంచి, చెడు, అత్యంత దారుణమైన పరిస్థితులు.. అన్నీ భగవంతుడి ఆశీర్వాదాలే! ఏది జరిగినా నేను ఆగిపోను.. ముందుకు సాగిపోతూనే ఉంటాను” అని ఎమోషనల్ అయ్యారు.