YVS Chowdary : అనేకమంది హీరోలను పరిచయం చేసి సూపర్ హిట్లు అందుకున్నాడు వైవిఎస్ చౌదరి. చివరిగా సాయి ధరమ్ తేజ్ హీరోగా రేయ్ అనే సినిమా చేశాడు. ఇక ఈ సినిమా చేసి చాలా కాలమే అయింది. తర్వాత మరో సినిమా అనౌన్స్ చేయలేదు. కొన్నాళ్ల క్రితం నందమూరి జానకీరామ్ కొడుకు నందమూరి తారకరామారావుని హీరోగా అనౌన్స్ చేస్తూ ఒక ప్రెస్ మీట్ పెట్టడం హాట్ టాపిక్ అయింది. ఒకప్పుడు వైవీఎస్ చౌదరి బ్లాక్‌బస్టర్ చిత్రాలకు కేరాఫ్‌గా ఉండేవారు. ఆయన రూపొందించిన చిత్రాలు అన్ని వర్గాల ప్రేక్షకులను ఆకట్టుకునే విధంగా ఉండేవి. అయితే, ఆయన కొంత గ్యాప్ తరువాత ఇప్పుడు మళ్లీ మెగా ఫోన్ పట్టుకున్నారు. అయితే, ఈసారి నందమూరి ఫ్యామిలీ నుండి మరో కొత్త హీరోను ఇండస్ట్రీకి ఇంట్రడ్యూస్ చేయబోతున్నట్లు వైవీఎస్ చౌదరి ఇప్పటికే వెల్లడించారు.
Read Also:Astrology: అక్టోబర్ 26, శనివారం దినఫలాలు
ఈ సినిమాను న్యూ టాలెంట్ రోర్స్ అనే బ్యానర్‌పై ఆయన సతీమణి యలమంచిలి గీత ప్రొడ్యూస్ చేస్తున్నారు. అయితే, ఈ ప్రాజెక్ట్ నుండి ఇప్పటికే హీరోయిన్ ఎవరనే విషయాన్ని చిత్ర యూనిట్ ప్రకటించేసింది. కాగా నందమూరి జానకీరామ్ తనయుడు నందమూరి తారక రామారావు ఈ సినిమాతో హీరోగా ఎంట్రీ ఇవ్వనున్నట్లు కూడా ఆయన గతంలోనే ప్రెస్ మీట్ పెట్టి తెలిపారు. అయితే, ఇప్పుడు ఎన్టీఆర్ అసలు ఎలా ఉంటాడు అనే విషయాన్ని రివీల్ చేయబోతున్నట్లు వైవీఎస్ చౌదరి అనౌన్స్ చేశారు. ఎన్టీఆర్ తొలి దర్శనం అక్టోబర్ 30న ఉంటుందని.. నందమూరి అభిమానులకు ఇది కనుల పండుగగా ఉండబోతుందని వైవీఎస్ చౌదరి ప్రకటించారు. ఇక ఈ సినిమాను కూడా తనదైన మార్క్ ఎంటర్‌టైనర్‌గా అన్ని హంగులతో తెరకెక్కించబోతున్నట్లు ఆయన ఇదివరకే తెలిపారు. దీంతో ఈ సినిమాలో హీరో ఎన్టీఆర్ ఎలా ఉండబోతున్నాడా అని ఆసక్తి నందమూరి అభిమానుల్లో నెలకొంది.
Read Also:Bagavanth kesari : హిట్ కొట్టాడు.. కారు పట్టాడు..
Dynamic Director @helloyvs is bringing a Massive Surprise from @NewTalentRoars' Prestigious Production No. 1🔥
Get Ready for the Powerful FIRST DARSHAN of Debutant Hero 𝐍andamuri 𝐓araka 𝐑amarao – The Great-GrandSon of Legendry NTR 💥😎
This WEDNESDAY – OCTOBER 30th❤️ pic.twitter.com/9Mxg26LSMZ
— NTR @ (@NewTalentRoars) October 25, 2024