Viral News : ట్రాఫిక్‌లో ఇలా కూడా చేస్తారా..?

తమిళనాడులోని తిరుచ్చిలో ఇరుకైన రోడ్డు డివైడర్‌పై ఓ యువకుడు బైక్‌పై వెళుతుండగా, ఈ వీడియో సర్వత్రా చర్చనీయాంశమైంది. రోడ్డు భద్రత, స్టంట్ డ్రైవింగ్ పై నెటిజన్లు చర్చించుకుంటున్నారు. వైరల్‌గా మారిన వీడియోలో , తిరుచ్చిలోని కొల్లిడం నది వంతెనపై రహదారికి ఇరువైపులా భారీ ట్రాఫిక్ మధ్య ఇరుకైన రోడ్డు డివైడర్‌పై ఒక యువకుడు తన బైక్‌ను నడుపుతున్నట్లు చూడవచ్చు. ఆ యువకుడు హెల్మెట్ కూడా ధరించకుండా ఈ ప్రమాదకరమైన స్టంట్ చేస్తూ తన ప్రాణాలను పణంగా పెట్టాడు. మే 23న పెరుంబిడుగు ముత్తురాయర్‌ జన్మదినమైన ‘ముత్తరాయర్‌ సత్యవిజయ’ సందర్భంగా కొంత మంది యువకులు బైక్‌ ఊరేగింపు చేపట్టగా, డివైడర్‌పై ఓ యువకుడు బైక్‌ను నడిపిన ఘటన చోటుచేసుకుంది.

స్థానికులు తెలిపిన వివరాల ప్రకారం.. పోలీసుల ఆంక్షలను సైతం లెక్కచేయకుండా పలువురు యువకులు బైక్ స్టంట్లు చేశారు. రోడ్లపై అతి వేగంతో బైక్ నడుపుతున్నాడు. ఈ వీడియో వివిధ సోషల్ మీడియాలో వైరల్ కావడంతో, ఈ వ్యక్తి యొక్క ప్రమాదకరమైన బైక్ స్టంట్‌పై పోలీసులు కఠిన చర్యలు తీసుకోవాలని చాలా మంది స్థానికులు డిమాండ్ చేశారు. బెంగళూరు ఫ్లైఓవర్‌పై ఓ వ్యక్తి బైక్‌ను ప్రమాదకరంగా నడుపుతున్న వీడియో సోషల్ మీడియాలో వైరల్‌గా మారిన వారం తర్వాత, ఘటనకు సంబంధించిన వీడియో వైరల్‌గా మారింది. వైరల్ వీడియో చూసిన పోలీసులు వారిద్దరినీ గుర్తించారు.