World Hemophilia Day : ప్రతేడాది మిలియన్ల మందిని పీడిస్తున్న హీమోఫిలియా
World Hemophilia Day : ప్రపంచవ్యాప్తంగా మిలియన్ల మంది వివిధ అనారోగ్యాలతో పోరాడుతున్నారు. వారిలో చాలా మంది రక్తానికి సంబంధించిన సమస్యలను ఎదుర్కొంటారు. రక్తంలో ఏదైనా రకమైన సమస్య చాలా సందర్భాలలో అది ప్రాణాంతకం కావచ్చు. రక్త సంబంధిత వ్యాధులలో ప్రధానమైనది హిమోఫిలియా. దీని బారిన పడి ప్రతేడాది మిలియన్ల మంది ప్రాణాలు పోగొట్టుకుంటున్నారు. మరెంతో మందిని ఈ వ్యాధి ప్రభావితం చేస్తుంది. సరైన సమయంలో చికిత్స తీసుకోకపోతే ఈ సమస్య ప్రాణాపాయం కావచ్చు. హిమోఫిలియా గురించి అవగాహన కల్పించేందుకు ప్రతి సంవత్సరం ఏప్రిల్ 17న ప్రపంచ హిమోఫిలియా దినోత్సవాన్ని జరుపుకుంటారు. హిమోఫిలియా అంటే ఏమిటో తెలుసుకుందాం.
సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (CDC) ప్రకారం హిమోఫిలియా అనేది అరుదైన రక్త సంబంధిత వ్యాధి. ఈ వ్యాధి వచ్చిన వారి రక్తం గడ్డకట్టదు. రక్తంలో గడ్డకట్టే ప్రోటీన్లు లేకపోవడం వల్లే ఇలా జరుగుతుంది. ఈ వ్యాధితో బాధపడుతున్న వ్యక్తులకు గాయమైతే విపరీతంగా రక్తస్రావం అవుతుంది. ఈ రుగ్మత శరీరం లోపల రక్తస్రావం కలిగిస్తుంది. హీమోఫిలియా వల్ల మోకాళ్లు, చీలమండలు, మోచేతులలో రక్తస్రావం జరగవచ్చు. అంతర్గత రక్తస్రావం మీ శరీరంలోని అవయవాలు, కణజాలాలను దెబ్బతీస్తుంది. చివరకు ప్రాణాంతకం అవుతుంది. కాబట్టి ఈ వ్యాధి పట్ల జాగ్రత్త అవసరం.
హిమోఫిలియాకు కారణమేంటి?
హిమోఫిలియా అనేది జన్యుపరమైన రుగ్మత. ఇది జన్యుపరమైన కారణాల వల్ల వస్తుంది. సాధారణంగా మధ్య వయస్కులు, వృద్ధులను ఈ వ్యాధి ప్రభావితం చేస్తుంది. జన్యువులలో మార్పు ఫలితంగా రక్తం గడ్డకట్టడానికి అవసరమైన ప్రోటీన్ అందుబాటులో ఉండదు. హీమోఫిలియా కుటుంబ చరిత్ర కలిగి ఉంటే, ఆ వ్యక్తికి పుట్టిన వారందరూ ఈ సమస్య బారిన పడతారు. దీనిని ముందుగా స్క్రీనింగ్ ద్వారా గుర్తించి చికిత్స చేస్తే హీమోఫిలియా నియంత్రణలో చాలా వరకు ఉంటుంది.
హిమోఫిలియా లక్షణాలు
– అసాధారణ రక్తస్రావం
– మూత్రం లేదా మలంలో రక్తం
– పిల్లలలో అస్పష్టమైన చిరాకు అనుభూతి
– కీళ్లలో నొప్పి లేదా వాపు లేదా దృఢత్వం
– కారణం లేకుండా ముక్కు నుండి రక్తస్రావం
– కొన్నిసార్లు మెదడులో రక్తస్రావం
– డబుల్ దృష్టి
– తరచుగా వాంతులు
– దీర్ఘకాలం తలనొప్పి
– బలహీనత