రైళ్లల్లో రకరకాల పనులు చేస్తున్న వీడియోలు సోషల్ మీడియాలో వైరల్ అవుతుంటాయి. పాటలు పాడటం, మిమిక్రీ చేయడం ఇలాంటివి కనిపిస్తూ ఉంటాయి. అయితే.. ఈ అక్క చేసిన వీడియో మాత్రం సోషల్ మీడియాలో తెగ వైరల్ అవుతోంది. ఈ వీడియోలో ఓ మహిళ రైలులో మరో మహిళలకు థ్రెడ్‌ చేయడం కనిపిస్తుంది. ఈ ఘటన పశ్చిమ బెంగాల్‌లోని లోకల్ ట్రైన్ లో చోటు చేసుకుంది. ఈ దృశ్యం షాకింగ్‌గా ఉండటమే కాదు.. మహిళ చేసిన పనికి ప్రశంసలు కురిపిస్తున్నారు.
Delhi: మెట్రో, ఎయిర్‌పోర్టు ప్రాజెక్ట్‌లకు కేంద్ర కేబినెట్ ఆమోదం
మహిళ థ్రెడింగ్ సేవలతో ప్రయాణికులను ఎలా ఆకట్టుకుంటుందో ఈ వీడియోలో చూడవచ్చు. రైలులో ప్రయాణిస్తున్న వారు ఆమె సమర్థత, విశ్వాసాన్ని చూసి ఆశ్చర్యపోతున్నారు. మహిళ థ్రెడింగ్ కోసం ప్రయాణికులను ఒప్పించడమే కాకుండా, ఆమె చేసే పనిని అందరు మెచ్చేలా చేస్తుందని వీడియోలో స్పష్టంగా కనిపిస్తుంది. ఆమె ఒక ప్రొఫెషనల్ బ్యూటీషియన్ లాగా చేస్తుంది. అందులో ఎటువంటి సందేహం లేదు.
Pakistan: సిక్కు మహిళ కిడ్నాప్, గ్యాంగ్ రేప్.. 9 నెలల తర్వాత రక్షించిన పోలీసులు..
కదులుతున్న రైలు డోర్ దగ్గర నిలబడి థ్రెడింగ్ చేయడంతో ఈ మహిళ చేస్తున్న వ్యవహారం చర్చనీయాంశంగా మారింది. ఇది సాహసమే కాదు ప్రమాదకరం కూడా.. అయినప్పటికీ, మహిళ తన పని పట్ల ఉన్న నైపుణ్యం.. అంకితభావం అందరినీ ఆకట్టుకుంటుంది. రైలులో ప్రయాణిస్తున్న మహిళలు ఆమెతో థ్రెడింగ్ చేయించుకునేందుకు ఎలా లైన్‌లో నిల్చున్నారో వీడియోలో చూడవచ్చు. రైలులో ప్రయాణించే ప్రయాణీకులకు ఇది కొత్తగా, ఆసక్తికరంగా ఉన్నప్పటికీ.. ఆ మహిళకు ఇది జీవనోపాధికి ఒక ప్రత్యేకమైన మార్గం. ఈ వైరల్ వీడియో సోషల్ మీడియాలో తెగ వైరల్ అవుతుంది. మిలియన్ల మంది ప్రజలు వీక్షించారు.. లైక్ చేసారు. ఈ వీడియోపై సోషల్ మీడియా యూజర్లు రకరకాలుగా స్పందించారు. “కొందరు దీనిని సాహసోపేతంగా అభివర్ణిస్తే, మరికొందరు రిస్క్‌తో కూడిన పని అంటున్నారు. కొంతమంది “ఈ మహిళ నేటి బ్యూటీషియన్ల కంటే చాలా మెరుగ్గా పనిచేస్తోంది” అని పేర్కొన్నారు.
