Trisha : త్రిష ఈ ఏడాదైనా ఒక్క హిట్ అయినా కొడుతుందా?

లేడీ ఓరియెంట్ చిత్రాలతో కెరీర్ నెట్టుకొస్తున్న త్రిషకు 96 మూవీ సెకండ్ ఇన్నింగ్స్‌లా మారింది. ఆ సినిమా హిట్ తో త్రిషకు వరుస సినిమా అవకాశాలు వచ్చాయి. ఇక మణిరత్నం దర్శకత్వంలో వచ్చిన పొన్నియన్ సెల్వన్ ఆమెకు స్టార్ హీరోలతో నటించే ఛాన్సులు తెచ్చిపెట్టింది. కానీ అది కూడా మూణాళ్ల ముచ్చటగా మారింది. పేరుకు స్టార్స్‌తో సినిమాలు చేస్తున్నా.. హిట్స్ పడటం లేదు. గత ఏడాది నాలుగు సినిమాల్లో మెరిసిన త్రిషకు అన్ని ప్లాపులే పలకరించాయి. కాస్తో కూస్తో అజిత్ తో చేసిన గుడ్ బ్యాడ్ అగ్లీ హిట్ తెచ్చిపెట్టింది.

Also Read : Funky : ఫంకీ’లో క్రేజీ సర్ప్రైజ్.. ఆ ఇంట్రెస్టింగ్ కామియో ఎవరిదో తెలుసా?

ఇక తెలుగులో అయితే త్రిష సినిమాలు ఏవి చేయడం లేదు. చాలా గ్యాప్ తర్వాత చిరంజీవితో విశ్వంభరలో నటిస్తోంది. కానీ ఈ సినిమా ఎప్పుడు వస్తోందో తెలియదు.  అటు తమిళ్ లో సూర్యతో కరుప్పుకు కమిటయ్యింది త్రిష. ఇవి కూడా కంప్లీటై ప్రీ ప్రొడక్షన్ దశలో ఉన్నాయి. విశ్వంభర వీఎఫెక్స్ వల్ల డిలే అవుతూ ఎప్పుడొస్తుందో కూడా కచ్చితంగా మేకర్స్ చెప్పలేని పరిస్థితి. ఇక కరుప్పు కూడా థియేటర్స్ లోకి రావడానికి మీన మేషాలు లెక్కిస్తుంది. ఐదేళ్ల క్రితం కమిటైన మోహన్ లాల్ రామ్ మళ్లీ ఎప్పుడు సెట్స్ పైకి వెళుతుందో చెప్పడం కష్టం. ఈ సినిమాలు తప్పా కొత్త మూవీకి సైన్ చేయని ఈ చెన్నై చందమామ… ఈ ఏడాది ఏ మూవీతో గట్టెక్కుతుందో…