Funky : ఫంకీ’లో క్రేజీ సర్ప్రైజ్.. ఆ ఇంట్రెస్టింగ్ కామియో ఎవరిదో తెలుసా?

మాస్ కా దాస్ విశ్వక్ సేన్, సృజనాత్మక దర్శకుడు అనుదీప్ కె.వి.ల కలయికలో వస్తోన్నచిత్రం ‘ఫంకీ‘. ఈ చిత్రంలో కయాదు లోహర్ హీరోయిన్‌గా నటిస్తుండగా, ఫిబ్రవరి 13న ఈ సినిమా ప్రపంచవ్యాప్తంగా థియేటర్లలో విడుదల కానుంది. ఈ సినిమాకు సంబంధించి సోషల్ మీడియాలో ఒక ఆసక్తికరమైన వార్త వైరల్ అవుతోంది. ఈ సినిమాలో ఒక ఇంట్రెస్టింగ్ కామియో ఉందని, అది సినిమాకు హైలైట్‌గా నిలవనుందని ఒక టాక్ టాలీవుడ్‌లో బలంగా వినిపిస్తోంది.

Also Read : Spirit : స్పిరిట్ నుండి ప్రకాష్ రాజ్ తప్పుకోవడానికి కారణం ఇదే..

ఆ అతిథి పాత్ర మరెవరిదో కాదు ఈ సినిమా నిర్మాత, సోషల్ మీడియాలో ఎప్పుడూ యాక్టివ్‌గా ఉండే సూర్యదేవర నాగవంశీ అని సమాచారం. నిర్మాతగా టాప్ లో ఉన్న నాగవంశీ ఇప్పుడు నటుడిగా ఫంకీలో ఒక కీలక సన్నివేశంలో తళుక్కున మెరవనున్నారట. అనుదీప్ కె.వి. తన సినిమాల్లో ఇలాంటి సర్ప్రైజ్‌లను ప్లాన్ చేయడంలో సిద్ధహస్తుడు. నాగవంశీని వెండితెరపై  ప్రేక్షకులకు ఒక కొత్త అనుభూతిని ఇస్తుందని భావిస్తున్నారు. ఈ సినిమాలో విశ్వక్ సేన్ ఒక స్ట్రగులింగ్ డైరెక్టర్ పాత్రలో కనిపిస్తుండగా, కయాదు లోహర్ నిర్మాతగా అలరించనుంది. ‘జాతిరత్నాలు’ తరహాలో ఈ సినిమా కూడా హిలేరియస్ ఎంటర్టైనర్‌గా ఉంటుందని ఇప్పటికే విడుదలైన ట్రైలర్ స్పష్టం చేసింది. సినిమా పరిశ్రమపై సెటైరికల్ కోణంలో సాగే ఈ చిత్రంలో నాగవంశీ సాంగ్ లోనో లేదా మరేదైనా ఫన్నీ పాత్రలో కనిపిస్తారో చూడాలి. సితార ఎంటర్‌టైన్‌మెంట్స్ బ్యానర్‌పై వస్తున్న ఈ చిత్రం ఫిబ్రవరి 13న రిలీజ్ కానుంది. దీనిపై అధికారిక ప్రకటనేమీ లేకపోయినా, ఈ గాసిప్ మాత్రం సినీ సర్కిల్స్‌లో హాట్ టాపిక్‌గా మారింది.