US Elections:170 ఏళ్లుగా అమెరికాలో అధ్యక్ష ఎన్నికలు మంగళవారం మాత్రమే ఎందుకు జరుగుతున్నాయి?

అమెరికాలో అధ్యక్ష ఎన్నికల తేదీ దగ్గర పడింది. నవంబర్ 5న రాష్ట్రపతి ఎన్నికలు జరగనున్నాయి. ఆ రోజు మంగళవారం. ఆసక్తికరమైన విషయం ఏంటంటే.. అమెరికాలో గత 170 ఏళ్లుగా అధ్యక్ష ఎన్నికలు మంగళవారమే జరుగుతున్నాయి. ఇది 1840 సంవత్సరంలో ప్రారంభమైంది. 1845 సంవత్సరంలో, యూఎస్ కాంగ్రెస్ ఒక చట్టం చేసింది. దాని ప్రకారం నవంబర్ మొదటి వారంలోని మంగళవారం అధ్యక్ష ఎన్నికలకు నిర్ణయించబడింది.

1845కి ముందు ఎన్నికలు ఎలా జరిగాయి?
1845లో ఎన్నికలకు రోజును నిర్ణయించే ముందు.. అమెరికాలోని ప్రతి రాష్ట్రం (యూఎస్ ప్రెసిడెంట్ ఎలక్షన్ హిస్టరీ) డిసెంబర్‌లో మొదటి బుధవారం కంటే ముందు 34 రోజుల వ్యవధిలో అనుకూలమైన ఏ రోజునైనా ఎన్నికలను నిర్వహించడానికి అనుమతించబడింది. వారి సౌలభ్యం, స్థానిక పరిస్థితులకు అనుగుణంగా ఎన్నికల తేదీని నిర్ణయించుకోవచ్చు.

మంగళవారం ఎందుకు నిర్ణయించబడింది
దీన్ని అరికట్టేందుకు ఏకరూప ఎన్నికల తేదీని ఖరారు చేశారు. ఈ సందర్భంగా పలు అంశాలను పరిశీలించి.. నవంబర్ నెల ఎన్నికలకు అనుకూలమని నిర్ణయించారు. ఎందుకంటే అమెరికాలో దాదాపు అన్ని పంటలు నవంబర్‌కు ముందే పండుతాయి. ఒక విధంగా, రైతులు తమ పని నుంచి విముక్తి పొందారు. ఓటు వేయడానికి సిద్ధంగా ఉంటారు. నవంబర్ తర్వాత.. తీవ్రమైన శీతాకాలం ప్రారంభమవుతుంది. అయితే నవంబర్ ముందు, వేసవి, వ్యవసాయ కాలంగా పరిగణిస్తారు. అందువల్ల, నవంబర్ నెల ఎన్నికలకు ఉత్తమ నెలగా పరిగణించబడింది.

మంగళవారం నిర్ణయం..
యూఎస్ అధ్యక్ష ఎన్నికలకు నెల నిర్ణయించబడినప్పుడు.. వారాన్ని నిర్ణయించే వంతు వచ్చింది. మొదట వారాంతంలో ఎన్నికలను నిర్వహించడంపై చర్చ జరిగింది. అయితే చాలా మంది అమెరికన్లు శనివారం-ఆదివారం ప్రయాణించడానికి ఇష్టపడరు. ఆదివారం చర్చిలకు వెళ్లి ప్రార్థనలు చేస్తారు. సోమవారం నాటికి వారంతా కౌంటీకి చేరుకోవడానికి వీలవుతుంది. మంగళవారం ఓటేస్తే బుధవారం అంగడి రోడు హడావిడి లేకుండా పనులు చేసుకోవచ్చు. అయితే, ప్రయాణ సౌకర్యాలు పెరగడంతో మంగళవారం పోలింగ్ నిర్వహించాలనే ఆనవాయితీని మార్చేయాలనే వాదన కూడా జరిగింది. వారాంతం రోజుల్లో పోలింగ్ నిర్వహిస్తే వోటింగ్ శాతం పెరుగుతుందని కూడా వారంటున్నారు. వై ట్యూన్‌డే అనే బృందం ఒకటి ఈ దిశగా ప్రయత్నాలు చేసింది.

తాజాగా దీనిపై వ్యతిరేకత..
దీనిపై ఓ వర్గం సోషల్ మీడియాలో ప్రచారం కూడా ప్రారంభించింది. మంగళవారం ఎన్నికలకు వ్యతిరేకంగా నిరసన తెలియజేయడం వెనుక ప్రధాన వాదన ఏమిటంటే అది పని దినం. ఇలాంటి యువతలో చాలా మందికి పని మధ్య ఓటింగ్ కోసం సమయం దొరకడం కష్టంగా మారిందని పలువురి వాదన. అందుకే ఆ రోజును తీసేసి, మరో రోజు పోలింగ్ నిర్వహించాలని అభిప్రాయపడుతున్నారు.