EMV Chip: ఏటీఎం కార్డులో ఉండే చిన్న చిప్ ఒక మినీ కంప్యూటర్.. ఇది ఎలా పనిచేస్తుందంటే?

డెబిట్ కార్డ్ లేదా ఏటీఎం కార్డును దాదాపు అందరు వినియోగిస్తున్నారు. ఏటీఎం కార్డులో ఒక చిన్న చిప్‌ ఉంటుంది. కానీ, అది దేనికి సంబంధించినదో.. దేనికి ఉపయోగపడుతుందో మీకు తెలుసా? డెబిట్ కార్డ్‌లోని మెరిసే చిన్న చదరపు ఆకారపు భాగాన్ని EMV చిప్ అంటారు. EMV అంటే యూరోపే, మాస్టర్ కార్డ్, వీసా – ఈ టెక్నాలజీని సృష్టించిన మూడు కంపెనీలు. ఇది ఒక చిన్న మెటల్ స్క్వేర్ లాగా కనిపిస్తుంది.

Also Read:Baby Sale : నిజామాబాద్‌ జిల్లాలో పసికందు విక్రయ కలకలం

కానీ దీనికి ఒక మినీ కంప్యూటర్ లాగా పనిచేసే మైక్రోచిప్ ఉంది. గతంలో, డెబిట్ కార్డుల వెనుక భాగంలో నల్లటి మాగ్నెటిక్ స్ట్రిప్ మాత్రమే ఉండేది. ఈ స్ట్రిప్ కార్డు డేటాను నిల్వ చేస్తుంది. అయితే ఇందులో సైబర్ క్రిమినల్స్ డేటాను కాపీ చేయడం ఈజీ అవుతుంది. కానీ EMV చిప్ చాలా సురక్షితమైనది. ఇది ప్రతి చెల్లింపుకు ఒక ప్రత్యేకమైన కోడ్‌ను జనరేట్ చేస్తుంది. దీనివల్ల సైబర్ నేరగాళ్లు కార్డును కాపీ చేసి వేరే చోట ఉపయోగించడం చాలా కష్టమవుతుంది.

Also Read:Bihar: యూనివర్సిటీ నిర్వాకం.. 100కి 257.. 30కి 225 మార్కులు.. విద్యార్థులు లబోదిబో

చిప్ ఎలా పని చేస్తుంది?

మీరు కార్డును ఏటీఎం మిషన్ లోకి ఇన్ సెర్ట్ చేసినప్పుడు, యంత్రం మీ కార్డులోని చిప్‌తో మాట్లాడుతుంది. ఆ చిప్ ఆ చెల్లింపు కోసం కొత్త రహస్య కోడ్‌ను సృష్టిస్తుంది. ఎవరైనా ఆ కోడ్‌ను దొంగిలించినప్పటికీ, దానిని మళ్లీ ఎప్పటికీ ఉపయోగించలేరు. ఇది పాత మాగ్నెటిక్ స్ట్రిప్‌ల నుంచి చాలా భిన్నంగా ఉంటుంది. పాత మాగ్నెటిక్ స్ట్రిప్‌లు ఎల్లప్పుడూ ఒకే కోడ్‌ను ఇస్తాయి. కాపీ చేయడానికి సులభంగా ఉంటాయి.

Also Read:Mahabubabad: ఘోర రోడ్డు ప్రమాదం.. ఢీకొన్న రెండు లారీలు.. ముగ్గురు మృతి

కొన్ని కార్డులు ఇప్పుడు కాంటాక్ట్‌లెస్ చెల్లింపు సాంకేతికతను కూడా కలిగి ఉన్నాయి. ఇప్పుడు చెల్లింపు కోసం కార్డును యంత్రంపై ట్యాప్ చేయాలి. ఇది NFC (నియర్ ఫీల్డ్ కమ్యూనికేషన్) ద్వారా పనిచేస్తుంది. కానీ ట్యాప్ చెల్లింపులో కూడా, చిప్ మీ డేటాను సురక్షితంగా ఉంచుతుంది.

Also Read:Supreme Court Collegium: ఏపీ, తెలంగాణ హైకోర్టులకు కొత్త జడ్జీలు.. సుప్రీంకోర్టు కొలీజియం సిఫార్సు

కార్డు గడువు ముగిసినప్పుడు ఎలా?

డెబిట్ కార్డ్ గడువు ముగిసినప్పుడు, బ్యాంకులు, దుకాణాలతో చిప్ పనిచేయడం ఆపివేస్తుంది. ఎందుకంటే బ్యాంక్ పాత కార్డ్ నంబర్‌ను బ్లాక్ చేసి, కొత్త చిప్‌తో కొత్త కార్డును జారీ చేస్తుంది. చిప్ భౌతికంగా కార్డులోనే ఉంటుంది, కానీ అది బ్యాంక్ సిస్టమ్‌కు కనెక్ట్ కాలేనందున అది ఇకపై పనిచేయదు. మీరు కార్డును చిప్‌తో సహా చిన్న ముక్కలుగా కట్ చేసి పారవేస్తే, ఎవరూ మీ పాత కార్డును దుర్వినియోగం చేయలేరు.

Also Read:One Big Beautiful Bill: ట్రంప్ కు భారీ విజయం.. ‘వన్ బిగ్ బ్యూటిఫుల్ బిల్లు’ను అమెరికా పార్లమెంట్ ఉభయ సభల ఆమోదం

చిప్ అమర్చడానికి కారణం

ఈ చిప్ ప్రధానంగా భద్రత కోసం అమర్చారు. ఇది నకిలీ కార్డులను నిరోధిస్తుంది. ఆన్‌లైన్ మోసాన్ని తగ్గిస్తుంది. భారతదేశం వంటి దేశాలలో అనేక కార్డ్ క్లోనింగ్ కేసులు వెలుగుచూసిన తర్వాత దీనిని విస్తృతంగా స్వీకరించారు. ఇది ప్రపంచవ్యాప్తంగా ఆమోదం పొందడంలో కూడా సహాయపడుతుంది. అనేక దేశాలు ఇప్పుడు చిప్ కార్డులను మాత్రమే అంగీకరిస్తాయి. ఎందుకంటే ఇవి మాగ్నెటిక్ స్ట్రిప్ కార్డుల కంటే సురక్షితమైనవి.