7200mAh భారీ బ్యాటరీ, 120Hz డిస్ప్లేతో మిడ్ రేంజ్ బడ్జెట్లో Vivo Y500s లాంచ్.. ఫీచర్స్ ఇవే.!
Vivo Y500s launched: వివో (vivo) నుండి మిడ్ రేంజ్ బడ్జెట్ శ్రేణిని పెంచుతూ Vivo Y500s ఫోన్ను చైనాలో లాంచ్ చేసింది. ఈ వివో Y500sలో 6.75 అంగుళాల HD+ LCD డిస్ప్లే ఉండగా.. ఇది 120Hz రిఫ్రెష్ రేట్ ఉండటం వల్ల స్క్రోలింగ్, గేమింగ్ అనుభవం స్మూత్గా ఉంటుంది. ఇక ఫోన్ లో Snapdragon 4 Gen 2 ప్రాసెసర్ ఉపయోగించారు. ఇది ఆక్టా-కోర్ CPU, Adreno 613 GPUతో వస్తూ రోజువారీ వినియోగానికి సరిపడే పనితీరును అందిస్తుంది. 12GB వరకు ర్యామ్, 512GB వరకు స్టోరేజ్ ఆప్షన్స్ అందుబాటులో ఉన్నాయి. ఆండ్రాయిడ్ 16 ఆధారిత OriginOS 6పై ఈ ఫోన్ పనిచేస్తుంది.
ఫోటోగ్రఫీ కోసం 50MP రియర్ కెమెరా (f/1.8 అపర్చర్) ఇవ్వబడింది. సెల్ఫీలు, వీడియో కాల్స్ కోసం 8MP ఫ్రంట్ కెమెరా ఉంది. కనెక్టివిటీ పరంగా 5G, 4G LTE, Wi-Fi, బ్లూటూత్, GPS, NFC, USB టైపు-C వంటి అన్ని అవసరమైన ఫీచర్లు అందుబాటులో ఉన్నాయి. ఈ ఫోన్లో యాక్సిలెరోమీటర్, అంబియంట్ లైట్ సెన్సర్, ప్రాక్సిమిటీ సెన్సర్, ఎలక్ట్రానిక్ కంపాస్ వంటి సెన్సర్లు ఉన్నాయి. అదనంగా IR రిమోట్ కంట్రోల్ ఫీచర్ కూడా ఉంది. సెక్యూరిటీ కోసం సైడ్-మౌంటెడ్ ఫింగర్ప్రింట్ సెన్సార్, ఫేస్ అన్లాక్ సపోర్ట్ అందించారు.
Vivo Y500sలో 7200mAh భారీ బ్యాటరీ ప్రధాన హైలైట్. 44W ఫాస్ట్ చార్జింగ్తో పాటు రివర్స్ చార్జింగ్ సపోర్ట్ కూడా ఉంది. స్టీరియో డ్యూయల్ స్పీకర్లు ఉండటం వల్ల ఆడియో అనుభవం మెరుగ్గా ఉంటుంది. ఫోన్ బరువు సుమారు 219 గ్రాములు కాగా, స్లిమ్ డిజైన్తో ఆకర్షణీయంగా కనిపిస్తుంది. చైనాలో ఈ ఫోన్ ప్రారంభ ధర CNY 1,800 (రూ. 24,800)గా ఉంది. 12GB + 256GB అండ్ 8GB + 512GB వేరియంట్లు కూడా అందుబాటులో ఉన్నాయి. గెలాక్సీ సిల్వర్, ఆబ్సిడియన్ బ్లాక్, ఫీనిక్స్ గోల్డ్ రంగుల్లో ఈ ఫోన్ అందుబాటులో ఉంది.