Vishwak Sen: విశ్వక్ సేన్కు బాలయ్య, ఎన్టీఆర్ వార్నింగ్..
కొత్త కొత్త కథలను ఎంచుకోవడంలో టాలీవుడ్ యంగ్ హీరో విశ్వక్ సేన్ ఎప్పుడూ ముందు వరుసలో ఉంటాడు. ఈ క్రమంలోనే గత ఏడాది ‘లైలా’ అనే చిత్రంలో ఏకంగా అమ్మాయి వేషం వేసి అందరినీ ఆశ్చర్యపరిచారు. రామ్ నారాయణ్ దర్శకత్వంలో వచ్చిన ఈ కామెడీ చిత్రం బాక్సాఫీస్ వద్ద ఆశించిన ఫలితాన్ని ఇవ్వలేదు. విశ్వక్ అమ్మయి గెటప్ పెద్ద సాహసమే చేసినప్పటికి.. ఈ సినిమా డిజాస్టర్గా నిలిచింది. ఈ పరాజయం తర్వాత విశ్వక్ తన తదుపరి చిత్రం ‘ఫంకీ’తో ప్రేక్షకులను పలకరించేందుకు సిద్ధమయ్యారు. ‘జాతి రత్నాలు’ ఫేమ్ అనుదీప్ కేవీ దర్శకత్వంలో తెరకెక్కిన ఈ చిత్రంపై ప్రేక్షకుల్లో భారీ అంచనాలు ఉన్నాయి. అయితే ఈ సినిమా ప్రమోషన్స్ సందర్భంగా విశ్వక్ సేన్ ఒక షాకింగ్ విషయాన్ని వెల్లడించారు.
Also Read :Naveen Polishetty : మైత్రీ బ్యానర్లో నవీన్ నెక్స్ట్ మూవీ.. అంచనాలు మామూలుగా లేవు!
‘లైలా’ సినిమాలో తాను అమ్మాయిగా నటించడంపై నందమూరి హీరోలు బాలకృష్ణ, జూనియర్ ఎన్టీఆర్ అసంతృప్తి వ్యక్తం చేశారని ఆయన తెలిపారు.. ‘లైలా సినిమా చూసిన తర్వాత ఎన్టీఆర్ అన్న, బాలకృష్ణ గారు నన్ను పిలిచి.. ఎప్పటికీ ఇలాంటి ప్రయోగాలు చేయకు అని చెప్పారు. ఇద్దరూ నాకు కొంచెం గట్టిగానే వార్నింగ్ ఇచ్చారు’ అని విశ్వక్ పేర్కొన్నారు. తన మాస్ ఇమేజ్కు భిన్నంగా వెళ్లడం వారికి నచ్చలేదని, అందుకే తన శైలికి తగ్గ సినిమాలే చేయమని వారు సూచించినట్లు విశ్వక్ వెల్లడించారు.
ప్రస్తుతం ‘ఫంకీ’ సినిమా ప్రమోషన్లలో బిజీగా ఉన్న విశ్వక్, ఈ చిత్రం కచ్చితంగా తనకు హిట్ అందిస్తుందని ఆశాభావం వ్యక్తం చేస్తున్నారు. కయదు లోహర్ హీరోయిన్గా నటించిన ఈ సినిమాకు భీమ్స్ సిసిరోలియో సంగీతం అందించారు. సితార ఎంటర్టైన్మెంట్స్ నిర్మించిన ఈ చిత్రం ఫిబ్రవరి 13న (వాలెంటైన్స్ డేకి ఒక రోజు ముందు) విడుదల కానుంది.