మాస్ కా దాస్ విశ్వక్సేన్ గురించి ప్రత్యేకంగా చెప్పాల్సిన పని లేదు.. ఈ యంగ్ హీరో ఈ నగరానికి ఏమైంది సినిమాతో తెలుగు ప్రేక్షకులను ఎంతగానో మెప్పించాడు..ఫలాక్ నామా దాస్, హిట్ మూవీ స్ తో ప్రేక్షకులలో మంచి ఇమేజ్ తెచ్చుకున్నాడు.. ప్రస్తుతం ఈ యంగ్ హీరో నటిస్తున్న లేటెస్ట్ మూవీ గ్యాంగ్స్ ఆఫ్ గోదావరి. విశ్వక్ సేన్ 11 వ సినిమా గా తెరకెక్కుతున్న ఈ మూవీకి ఛల్ మోహన్ రంగ ఫేం కృష్ణ చైతన్య దర్శకత్వం వహిస్తున్నాడు. డీజే టిల్లు ఫేం నేహాశెట్టి హీరోయిన్గా నటిస్తోంది. మేకర్స్ ఈ మూవీని డిసెంబర్ 8న విడుదల చేసే ప్లాన్ చేస్తున్నట్టు ఇప్పటికే వార్తలు వచ్చాయి.అయితే షూట్లో ఆలస్యం కారణం గా రిలీజ్ డేట్ వాయిదా పడనుందని వార్తలు తెరపైకి వస్తున్నాయి. తాజా సమాచారం ప్రకారం ఈ మూవీ షూటింగ్ కు మరో 10 రోజులు పట్టనుందట.
తాజాగా నెట్టింట వైరల్ అవుతున్న వార్తల ప్రకారం ఈ సినిమా వచ్చే ఏడాది మార్చి లో ప్రేక్షకుల ముందుకు తీసుకొచ్చే సన్నాహాలు చేస్తున్నారని సమాచారం. దీనిపై మేకర్స్ నుంచి ఏదైనా క్లారిటీ వస్తుందేమో చూడాలి. మేకర్స్ ఇప్పటికే లాంఛ్ చేసిన గ్యాంగ్స్ ఆఫ్ గోదావరి ఫస్ట్ సింగిల్ సుట్టంలా సూసి పోకలా లిరికల్ వీడియో సాంగ్ నెట్టింట అదిరిపోయే రెస్పాన్స్ అందుకుంటూ సినిమా పై క్యూరియాసిటీ పెంచేస్తుంది.ఈ మూవీని శ్రీకర స్టూడియోస్ సమర్పణ లో సితార సంస్థ బ్యానర్ తో కలిసి ఫార్చ్యూన్ ఫోర్ బ్యానర్పై నిర్మిస్తున్నారు.ఈ సినిమాలో తెలుగు బ్యూటీ అంజలి కూడా మరో హీరోయిన్ గా నటిస్తోంది. విశ్వక్సేన్ మరోవైపు VS10 లో కూడా నటిస్తున్నాడు.ఈ సినిమాలో మీనాక్షి చౌదరి హీరోయిన్ గా నటిస్తోంది. విశ్వక్సేన్ మరోవైపు అడ్వెంచరస్ ఫాంటసీ ఫిల్మ్ గామి సినిమా ను కూడా పూర్తి చేశాడు.గామి మూవీ రిలీజ్ డేట్పై క్లారిటీ రావాల్సి ఉంది.