Vishwak Sen : విశ్వక్ “లైలా” నుంచి క్రేజీ ప్రీ లుక్ పోస్టర్

Vishwak Sen : టాలీవుడ్ యంగ్ అండ్ టాలెంటెడ్ హీరో మాస్ కా దాస్ విశ్వక్ సేన్ ఇటీవల నటించిన చిత్రం “మెకానిక్ రాకీ” సక్సెస్ తరువాత, ఆయన నుంచి రాబోతున్న మరో ఆసక్తికరమైన చిత్రం “లైలా”. ఈ చిత్రంలో విశ్వక్ డ్యూయల్ రోల్ లో నటిస్తుండగా, ఒక పాత్రలో అమ్మాయిలా కనిపించనున్నారు. ఈ పాత్ర ఆయనకు చాలా ఛాలెంజింగ్ గా ఉందని సమాచారం.

తాజాగా, “లైలా” సినిమా నుంచి మేకర్స్ ప్రీ లుక్ పోస్టర్ విడుదల చేసి అభిమానులను ఉత్సాహపరిచారు. ఈ క్రిస్మస్ కానుకగా డిసెంబర్ 25 ఉదయం 11:07 నిమిషాలకు ఫస్ట్ లుక్ పోస్టర్ విడుదల చేయనున్నట్లు ప్రకటించారు. ప్రీ లుక్ పోస్టర్ లో “సోనూ మోడల్ వస్తున్నాడు” అంటూ క్రేజీ టీజర్ కలకలం రేపింది.

ఈ చిత్రానికి రామ్ నారాయణ్ దర్శకత్వం వహిస్తుండగా, సాహు గారపాటి నిర్మాణ బాధ్యతలు తీసుకున్నారు. రొమాంటిక్ థ్రిల్లర్ జానర్ లో తెరకెక్కుతున్న ఈ చిత్రం వచ్చే ఏడాది ఫిబ్రవరి 14న ప్రేక్షకుల ముందుకు రాబోతోంది. “లైలా” ఫస్ట్ లుక్ ఎలా ఉంటుందో అభిమానులు ఆసక్తిగా ఎదురు చూస్తున్నారు.