Virat Kohli Watch Price: ఆ ఒక్క వాచ్ తో ఓ కుటుంబం లైఫ్ టైం సెటిల్ కదయ్యా.. RCB సంబరాల్లో కోహ్లీ వాచ్ హాట్ టాపిక్.!
- Follow Us :
-
-
Add as a preferred
source on google
Virat Kohli Watch Price: ఐపీఎల్ 2026లో రాయల్ ఛాలెంజర్స్ బెంగళూరు (RCB) వరుసగా రెండోసారి ఛాంపియన్‌గా నిలవడంతో జట్టు సంబరాలు మిన్నంటాయి. ట్రోఫీని గెలుచుకున్న ఆనందంలో విరాట్ కోహ్లీ, కెప్టెన్ రజత్ పటీదార్, కృనాల్ పాండ్యా తదితర ఆటగాళ్లు డ్యాన్స్ చేస్తూ సందడి చేసిన వీడియోలు ఇప్పుడు సోషల్ మీడియాలో వైరల్‌గా మారాయి. అయితే ఈ వేడుకల్లో కోహ్లీ డ్యాన్స్‌తో పాటు ఆయన చేతికి ఉన్న ఖరీదైన వాచ్ కూడా ప్రత్యేకంగా నిలుస్తుంది.
వైరల్ వీడియోల్లో ట్రోఫీతో కలిసి సంబరాలు జరుపుకుంటున్న కోహ్లీ చేతికి ఉన్న వాచ్ ను గమనించిన అభిమానులు వెంటనే దాని వివరాలు వెతకడం ప్రారంభించారు. చివరగా ఆ వాచ్ ప్రముఖ లగ్జరీ వాచ్ బ్రాండ్ Patek Philippe Aquanaut Travel Time 5164G అని గుర్తించారు. ప్రపంచవ్యాప్తంగా అత్యంత విలాసవంతమైన, అరుదైన వాచ్‌లలో ఇది ఒకటిగా పేరుగాంచింది. తెల్ల బంగారంతో (White Gold) తయారు చేసిన ఈ వాచ్‌లో బ్లూ-గ్రే రంగు డయల్ ప్రత్యేక ఆకర్షణగా ఉంటుంది. ఆక్వానాట్ సిరీస్‌కు ప్రత్యేకమైన ఎంబాస్డ్ డిజైన్‌తో రూపొందించిన డయల్ వాచ్‌కు మరింత ప్రీమియం లుక్‌ను అందిస్తుంది. స్పోర్టీ డిజైన్‌తో పాటు అత్యాధునిక సాంకేతికతను కలగలిపిన ఈ వాచ్ ప్రపంచవ్యాప్తంగా వాచ్ ప్రేమికులను ఆకర్షిస్తుంది.
ఈ వాచ్‌లో ఉన్న డ్యూయల్ టైమ్ జోన్ ఫీచర్ ప్రత్యేకతగా చెప్పుకోవచ్చు. ఒకేసారి రెండు వేర్వేరు దేశాల సమయాలను చూపించే సామర్థ్యం దీనికి ఉంది. అలాగే పగలు, రాత్రి సూచికలు కూడా ఉండటంతో తరచూ విదేశీ పర్యటనలు చేసే వారికి ఇది ఎంతో ఉపయోగకరంగా ఉంటుంది. 40.8mm వైట్ గోల్డ్ కేసింగ్‌తో రూపొందించిన ఈ వాచ్‌కు బ్లూ-గ్రే కంపోజిట్ స్ట్రాప్‌ను అమర్చారు. సఫైర్ క్రిస్టల్ కేస్ బ్యాక్ ద్వారా వాచ్ లోని మెకానికల్ మూవ్‌మెంట్‌ను కూడా చూడవచ్చు. అలాగే ఆక్వానాట్ ఫోల్డింగ్ క్లాస్‌ప్ సౌకర్యం, భద్రతను అందిస్తుంది.
ఈ లగ్జరీ వాచ్ ధర కూడా అంతే భారీగా ఉంది. Patek Philippe Aquanaut Travel Time 5164G వాచ్ విలువ సుమారు రూ.1.6 కోట్లు ఉంటుంది. ఇటీవల భారత క్రికెటర్ల చేతుల్లో కనిపించిన అత్యంత ఖరీదైన వాచ్‌లలో ఇది ఒకటి. ఈ వాచ్ ధరను తెలుసుకున్న అభిమానులు భిన్న రకాలుగా కామెంట్స్ చేస్తున్నారు. కింగ్ అంటే ఆ మాత్రం ఉంటుందని కొందరంటుంటే.. మరికొందరమె ఆ డబ్బులతో ఓ కుటుంబం మొత్తం లైఫ్ టైం సెటిల్ అవ్వచ్చు కదయ్యా అని కామెంట్స్ చేస్తున్నారు.