లూథియానా సెంట్రల్ జైలులో ఖైదీలు పుట్టినరోజు వేడుకలు జరుపుకుంటున్న వీడియో ఆన్లైన్లో కనిపించడంతో పోలీసులు దర్యాప్తు ప్రారంభించినట్లు అధికారులు శుక్రవారం తెలిపారు.. ఈ క్లిప్ గురువారం సోషల్ మీడియాలో కనిపించింది.. ఖైదీల బృందం గాసులు పైకెత్తి ‘పకోడాలు తింటూ.. పుట్టినరోజు పాట పాడినట్లు వారు తెలిపారు.
హిమాచల్ ప్రదేశ్లోని 2019 దోపిడీ కేసులో అండర్ ట్రయల్ ఖైదీ అరుణ్ కుమార్ అలియాస్ మణి రాణా పుట్టినరోజును కొందరు యువకులు జరుపుకుంటున్నారు. రానా వద్ద నుంచి వీడియో రికార్డ్ చేసి అప్లోడ్ చేయడానికి ఉపయోగించిన మొబైల్ ఫోన్ను స్వాధీనం చేసుకున్నట్లు జైలు అధికారులు తెలిపారు. అయితే, ఫోన్ విరిగిన స్థితిలో కనుగొనబడింది మరియు దాని డేటాను యాక్సెస్ చేయడం సాధ్యపడలేదు.. ఈ క్రమంలో రాణాపై ఎఫ్ఐఆర్ నమోదు చేశామని, మరో 10 మంది ఖైదీలను కూడా గుర్తించామని, స్థానిక పోలీస్ స్టేషన్కు ఫిర్యాదు చేసినట్లు అధికారులు తెలిపారు.
ఈ వైరల్ అవుతున్న వీడియో లో గుర్తించిన మొత్తం 11 మంది ఖైదీలపై జైళ్ల చట్టం సెక్షన్ 52A (జైలు నిబంధనల ఉల్లంఘన) కింద కేసు నమోదు చేసినట్లు అసిస్టెంట్ కమిషనర్ పోలీస్ (లూథియానా ఈస్ట్) గుర్దేవ్ సింగ్ తెలిపారు.ఈ ఘటనను సీరియస్గా తీసుకున్న జైళ్ల ఇన్స్పెక్టర్ జనరల్ ఆర్కే అరోరా, పాటియాలా రేంజ్ డీఐజీ సురీందర్ సింగ్ సైనీ ఈ ఘటనపై పూర్తి స్థాయి విచారణ జరుపుతారని పీటీఐకి తెలిపారు. పంజాబ్ జైళ్లు తప్పుడు కారణాలతో వార్తల్లో నిలవడం ఇదే మొదటిసారి కాదు. నేరస్తులు జైళ్లలో కూర్చొని రాకెట్లు నడుపుతున్నందున జైలు భద్రతను మెరుగుపరచాల్సిన అవసరం ఉందని గతేడాది గవర్నర్ బన్వరీలాల్ పురోహిత్ అన్నారు..
ఈ ఘటన పై చాలా మంది స్పందిస్తున్నారు.. తాజాగా కాంగ్రెస్ నాయకుడు నవజ్యోత్ సింగ్ సిద్ధూ ఎక్స్లో ఇలా వ్రాశాడు, “జైళ్లను శానిటైజ్ చేయడానికి ఐదు జి జామర్లు ఎక్కడ ఉన్నాయి.. మీరు మీ వ్యక్తిగత భద్రత కోసం ఉపయోగిస్తున్నారు. జైలు మాన్యువల్ ప్రకారం 6 ఖైదీలకు ఒక వ్యక్తి బాధ్యత వహించాలి.. ఒకరు నియంత్రిస్తున్నారు. పంజాబ్ జైళ్లలో 26 మంది.. అంటే మీ జైళ్లలో సిబ్బంది తక్కువగా ఉన్నారు.. ఇది గుర్తించి వెంటనే అధికారులను భర్తీ చేసే ఆలోచన చేస్తే మంచిదని సోషల్ మీడియాలో పోస్ట్ లో పేర్కొన్నారు..
Where are the five G jammers to sanitise jails hon jail minister @BhagwantMann that you use for you’re personal security …. One man should be responsible for6 prisoners according to the jail manual … one is controlling 26 in Punjab jails , that is how understaffed you’re… pic.twitter.com/YqzFVmzu0g
— Navjot Singh Sidhu (@sherryontopp) January 4, 2024
