Varalaxmi Sarathkumar Meets Nandamuri Balakrishna: తమిళ నటి వరలక్ష్మి శరత్‌కుమార్‌ త్వరలో పెళ్లిపీటలు ఎక్కనున్న విషయం తెలిసిందే. ముంబైకి చెందిన గ్యాలరిస్ట్ నికోలాయ్ సచ్‌దేవ్‌ను వరు వివాహం చేసుకోనున్నారు. ఇప్పటికే ఈ ఇద్దరి ఎంగేజ్‌మెంట్‌ ఘనంగా జరిగింది. పెళ్లికి సమయం దగ్గరపడుతుండడంతో వరలక్ష్మి పలువురు టాలీవుడ్ ప్రముఖులను కలిసి వివాహం ఆహ్వానపత్రికను అందజేస్తున్నారు. తాజాగా నందమూరి బాలకృష్ణ దంపతులకు శుభలేఖ అందించారు.
మంగళవారం బాలకృష్ణ ఇంటికి వెళ్లిన వరలక్ష్మి శరత్‌కుమార్‌ తన వివాహానికి రావాల్సిందిగా వారిని కోరారు. దీనికి సంబంధించిన ఫొటోలు ప్రస్తుతం నెట్టింట వైరల్ అవుతున్నాయి. బాలకృష్ణ నటించిన వీరసింహారెడ్డి సినిమాలో వరు కీలక పాత్ర చేసిన విషయం తెలిసిందే. ఇక ఇప్పటికే రజినీకాంత్, కమల్‌హాసన్, ర‌వితేజ, ప్ర‌శాంత్ వ‌ర్మ, త‌మ‌న్, గోపిచంద్ మ‌లినేని, సమంత, నయనతార, అల్లు అర్జున్ వంటి స్టార్స్‌కు వరలక్ష్మి వెడ్డింగ్ కార్డ్స్‌ అందజేసి ప్రత్యేకంగా అహ్వానించారు.
Also Read: Adam Gilchrist: రోహిత్ బయట చెప్పిన మాటలను.. మైదానంలో చేసి చూపించాడు!
పెళ్లి తేదీ ఎప్పుడనే దానిపై వరలక్ష్మి శరత్ అధికారికంగా ఇంకా ఎలాంటి ప్రకటన చేయలేదు. తాజా సమాచారం ప్రకారం.. చెన్నైలోని తాజ్‌ హోటల్‌లో ప్రీ వెడ్డింగ్, మెహిందీ సెర్మనీ నిర్వహించనున్నారని తెలుస్తోంది. జులై 2 థాయ్‌లాండ్‌లో డెస్టినేషన్‌ వెడ్డింగ్ గ్రాండ్‌గా జరుగనుందని సమాచారం. శరత్‌కుమార్‌-రాధిక దంపతులు వరలక్ష్మి పెళ్లి పనులకు సంబంధించిన ఏర్పాట్లను దగ్గరుండి చూసుకుంటున్నారట.