దేశ వ్యాప్తంగా వందేభారత్ రైళ్లు పట్టాలపై పరుగులు పెడుతున్నాయి. ఇందులో కేవలం సీట్లు మాత్రమే ఉంటాయి. అత్యంత వేగంగా.. తక్కువ సమయంలో గమ్యానికి చేరుస్తుంటాయి. అయితే త్వరలో వందేభారత్ స్లీపర్ కూడా పట్టాలపై పరుగులు పెట్టనుంది. ఈ రైళ్ల ట్రయల్ రన్ ఆగస్టు 15 నాటికి నిర్వహించనున్నట్లు రేల్వే వర్గాలు వెల్లడించాయి. దీంతో అతి త్వరలోనే వందేభారత్ ఎక్స్ప్రెస్ స్లీపర్ ట్రయల్ రన్ పూర్తి చేసుకుని పట్టాలెక్కనుంది. ఇప్పటివరకు కూర్చొని ప్రయాణించేందుకు వీలుండే ఈ రైళ్లలో ఇక నుంచి స్లీపర్ల ఏర్పాటుతో మెరుగైన సేవలను కేంద్రం అందించనుంది. ఇతర రైళ్లతో పోలిస్తే.. ఈ ప్రీమియం రైలులో మెరుగైన సౌకర్యాలు అందనున్నాయి. ఇదిలా ఉంటే ఇప్పటికే సెమీ హైస్పీడ్ వందేభారత్ ఎక్స్ప్రెస్ ఛైర్కార్ రైళ్లు దేశవ్యాప్తంగా వివిధ నగరాల మధ్య నడుస్తున్నాయి.
ఇది కూడా చదవండి: Anjaamai: నటుడు విధార్థ్, వాణి భోజన్లను అరెస్ట్ చేయాలి.. కలకలం రేపుతున్న సినిమా వివాదం
