Live In Relationship: ఇకనుంచి లివ్-ఇన్ రిలేషన్షిప్‎లో ఉన్నా లీగల్‎గా రిజిస్ట్రేషన్ చేయించుకోవాల్సిందే

Live In Relationship: లివ్ ఇన్ రిలేషన్ షిప్ లో జీవించాలంటే ఇకనుంచి లీగల్ రిజిస్ట్రేషన్ చేయాల్సి ఉంటుంది. ఏ వ్యక్తి ఒకటి కంటే ఎక్కువ మందిని వివాహం చేసుకోలేరు.. ఇద్దరి కంటే ఎక్కువ మంది పిల్లలను కలిగి ఉన్నవారికి ఓటు హక్కు ఉండదు. ఉత్తరాఖండ్ రాష్ట్ర యూనిఫాం సివిల్ కోడ్‌లో ఇటువంటి కొన్ని నియమాలను పొందుపరిచారు. యూనిఫాం సివిల్ కోడ్ (UCC)పై కేంద్ర ప్రభుత్వ పురోగతి కారణంగా ప్రారంభమైన చర్చ మధ్యలో UCCని అమలు చేసిన మొదటి రాష్ట్రంగా ఉత్తరాఖండ్ అవతరించనుంది.

Read Also:Bellam Bondalu : పిల్లలు ఇష్టంగా తినే తియ్యని బొండాలను ఎలా చేస్తారో తెలుసా?

ఇప్పటి వరకు వెల్లడైన ముసాయిదా ప్రకారం.. లివ్ ఇన్ రిలేషన్ షిప్ లో నివసిస్తున్న జంటల చట్టబద్ధమైన రిజిస్ట్రేషన్ జరుగుతుంది. దేశంలోనే ఈ ఘనత సాధించిన తొలి రాష్ట్రం ఉత్తరాఖండ్‌. లివ్-ఇన్ రిలేషన్‌షిప్‌లో నివసిస్తున్న జంటల తల్లిదండ్రులకు కూడా దీని గురించి తెలియజేయబడుతుంది. లివ్-ఇన్ రిలేషన్ షిప్ లో నివసిస్తున్న వారి మధ్య వివాదాలు.. తర్వాత తీవ్రమైన ఆరోపణలు వంటి సంఘటనలను నివారించడానికి ఈ నమోదు తప్పని సరి చేయబడుతుంది. రాష్ట్రంలోని నివాసించే ఎవరైనా ఒకటి కంటే ఎక్కువ వివాహం చేసుకోలేరు. ఒకటి కంటే ఎక్కువ వివాహాలు చేసుకోవడంపై నిషేధం ఉంటుంది. దీనితో పాటు విడాకుల తర్వాత హలాలా, ఇద్దత్ వంటి పద్ధతులపై కూడా నిషేధం విధించబడుతుంది. విడాకుల విషయంలో స్త్రీ, పురుషులకు సమాన హక్కులు కల్పిస్తారు.

Read Also:Harish Shankar: ఆ ఘటన కలచివేస్తోంది, యాక్షన్ లోకి దిగండి.. ఏపీ పోలీసులకు హరీష్ శంకర్ విజ్ఞప్తి

రాష్ట్ర ప్రభుత్వం కూడా జనాభా బిల్లును యూసీసీలోనే భాగం చేస్తోంది. దీని ప్రకారం ఇద్దరి కంటే ఎక్కువ మంది పిల్లలను కనడంపై నిషేధం ఉంటుంది. ఎవరైనా ఇద్దరు కంటే ఎక్కువ పిల్లలను కలిగి ఉంటే వారికి ఓటు హక్కు ఉండదు. ముసాయిదాలో భార్యాభర్తల హక్కులు సమానంగా ఉంటాయి. విడాకుల విషయంలో ఇద్దరికీ సమాన హక్కులు కల్పించే చోట, భార్య మరణిస్తే ఆమె తల్లిదండ్రులను చూసుకోవడం భర్త బాధ్యత అని కూడా నిర్ణయించారు. దీంతో పాటు సంపాదించే కొడుకు చనిపోవడంతో వచ్చే పరిహారంలో భార్యతోపాటు తల్లిదండ్రులను భాగస్వాములను చేసేందుకు సన్నాహాలు చేస్తున్నారు. భార్య రెండో పెళ్లి చేసుకున్నా.. మొదటి భర్త చనిపోతే పరిహారంలో వాటా ఇస్తారు. UCC ముసాయిదాను సిద్ధం చేయడానికి ఉత్తరాఖండ్ ప్రభుత్వం ఒక నిపుణుల కమిటీని ఏర్పాటు చేసింది. ఈ కమిటీ మరో 15 రోజుల్లో తుది ముసాయిదాను రాష్ట్ర ప్రభుత్వానికి అందజేసి, ఆ తర్వాత చట్టాన్ని రూపొందించేందుకు అసెంబ్లీలో సమర్పించనుంది.