Ustaad Bhagat Singh :వీలైనంత త్వరగా సినిమా పూర్తి చేయాలనీ చూస్తున్న దర్శకుడు హరీష్ శంకర్..?

పవర్ స్టార్ పవన్ కళ్యాణ్ హీరోగా స్టార్ డైరెక్టర్ హరీష్ శంకర్ దర్శకత్వం లో రాబోతున్న లేటెస్ట్ మూవీ ‘ఉస్తాద్ భగత్ సింగ్’.ఈ సినిమా లో పవన్ కళ్యాణ్ సరసన యంగ్ బ్యూటీ శ్రీలీల హీరోయిన్ గా నటిస్తుంది.మైత్రి మూవీ మేకర్స్ ఈ సినిమాను భారీ బడ్జెట్ తో నిర్మిస్తున్నట్లు సమాచారం..అలాగే ఈ సినిమాకు రాక్ స్టార్ దేవి శ్రీ ప్రసాద్ సంగీతం అందిస్తున్నారు. ఈ సినిమాపై ఫ్యాన్స్ లో భారీగా అంచనాలు వున్నాయి.. దర్శకుడు హరీష్ శంకర్ ఈ సినిమాను ఎప్పుడో స్టార్ట్ చేసి ఒక షెడ్యూల్ ను కూడా పూర్తి చేసారు. కానీ ఆ సినిమా షూటింగ్ వెంటనే వాయిదా పడింది.కేవలం 10 రోజులు మాత్రమే షూటింగ్ జరుపుకోగా ఆ చిన్న షెడ్యూల్ తోనే హరీష్ పవన్ పై అదిరిపోయే గ్లింప్స్ ను కూడా విడుదల చేసి ఎంతగానో ఆకట్టుకున్నాడు.. పవన్ మళ్ళీ వారాహి యాత్ర లో బిజీ అవ్వడంతో ఈ సినిమా ఇప్పటి వరకు మళ్ళీ మొదలు అవ్వలేదు.

చాలా సంవత్సరాల తర్వాత మళ్ళీ పవన్-హరీష్ కాంబో లో సినిమా తెరకెక్కుతుండడంతో ఈ సినిమాపై ఫ్యాన్స్ లో భారీ అంచనాలు వున్నాయి
ఇదిలా ఉండగా ఈ సినిమా నుండి ఒక క్రేజీ అప్డేట్ సోషల్ మీడియాలో బాగా వైరల్ అవుతుంది.అదేమిటంటే ఈ సినిమాను 2024 సంక్రాంతికి విడుదల చేసేలా ప్లాన్ చేస్తున్నారు అంటూ వార్తలు వినిపిస్తున్నాయి.. అతి త్వరలోనే ఈ సినిమా తరువాత షెడ్యూల్ షూట్ ను కూడా మేకర్స్ స్టార్ట్ చేయనున్నట్టు సమాచారం.. ఈ షూటింగ్ మొదలైతే ఎంతో ఫాస్ట్ గా పూర్తి చేసే ఆలోచనలో ఉన్నాడట హరీష్.ఈ సినిమాను స్పీడ్ గా పూర్తి చేసి 2024 సంక్రాంతికి పక్కాగా విడుదల చేసేలా ప్లాన్ చేస్తున్నట్లు సమాచారం.. పవన్ కళ్యాణ్ కూడా ఈ సినిమాకు డేట్స్ కేటాయించారని వార్తలు వినిపిస్తున్నాయి. మరి అధికారిక ప్రకటన మాత్రం ఇంకా రాలేదు.