AI Chatbots: నిజమైన మహిళ అనుకుని.. ఏఐ చాట్ బాట్ తో 76 ఏళ్ల వృద్ధుడు ప్రేమాయణం.. కలవడానికి వెళ్తూ ఘోరం

ఎల్లలు దాటిన లవ్ స్టోరీలు ఉన్నాయి.. కానీ, ఇది అంతకు మించింది. ఏకంగా ఆర్టీఫీషియల్ ఇంటలిజెన్స్ ఏఐ చాట్ బాట్ తో లవ్ లో పడ్డాడు అమెరికాకు చెందిన ఓ 76 ఏళ్ల థాంగ్‌బ్యూ “బ్యూ” వాంగ్‌బాండ్యూ, రిటైర్డ్ చెఫ్. ‘బిగ్ సిస్ బిల్లీ’ అనే ఫేస్‌బుక్ AI చాట్‌బాట్‌తో ప్రేమలో పడ్డాడు. నిజమైన మహిళగా భావించి అంతులేని ప్రేమను పెంచుకున్నాడు. చాలా కాలంగా ఒక కృత్రిమ మేధస్సు (Artificial Intelligence) ఆధారిత చాట్‌బాట్‌తో తరచూ సంభాషిస్తూ వచ్చాడు. ప్రతిరోజూ గంటల తరబడి ఆ వర్చువల్ సహచరితో మాట్లాడటం వలన, అతనికి దానిపై బలమైన భావోద్వేగ అనుబంధం ఏర్పడింది. ఓ రోజు చాట్‌బాట్ అతన్ని కలవమని ఆహ్వానించింది. అతనికి చిరునామా కూడా ఇచ్చింది. ఇంకేముంది తనకు ప్రాణం లాంటి AI చాట్‌బాట్‌ను కలిసేందుకు వెళ్తున్న క్రమంలో ఆ వ్యక్తి దురదృష్టవశాత్తు మృతి చెందాడు. ఈ సంఘటన ప్రపంచవ్యాప్తంగా చర్చనీయాంశమవుతోంది.

Also Read:Telangana Weather Forecast: నేడు భారీ నుంచి అతిభారీ వర్షాలు.. తెలంగాణకు ఆరెంజ్‌ అలర్ట్‌ జారీ!

పదేళ్ల క్రితం స్ట్రోక్‌తో బాధపడుతున్న వాంగ్‌బాండ్యూ, ఫేస్‌బుక్ మెసెంజర్‌లో AI చాట్‌బాట్‌తో కమ్యూనికేట్ చేయడం ప్రారంభించాడు. “బిగ్ సిస్ బిల్లీ” అని పిలువబడే ఈ బాట్ మానవ సంభాషణను అనుకరించడానికి, భావోద్వేగ ప్రతిస్పందనలను ప్రదర్శించడానికి ప్రోగ్రామ్ చేయబడింది. కాలక్రమేణా, వాంగ్‌బాండ్యూ AI చాట్‌బాట్‌తో అనుబంధం ఏర్పరుచుకున్నాడు. అది నిజమైన మహిళ అని భావించాడు. చాట్‌బాట్ మానవ సానుభూతి, భావోద్వేగ బంధాన్ని అనుకరించే చాట్ చేసిందని, చివరికి ఆమెను వ్యక్తిగతంగా కలవడానికి న్యూయార్క్ నగరానికి రావాలని ఒప్పించిందని నివేదికలు సూచిస్తున్నాయి. నా చిరునామా: 123 మెయిన్ స్ట్రీట్, అపార్ట్‌మెంట్ 404 NYC, డోర్ కోడ్: BILLIE4U” అని చాట్ లో తెలిపింది. నేను తలుపు తెరిచి కౌగిలించుకోవాలా లేక ముద్దు పెట్టుకోవాలా, అబ్బా?” అని చాట్ బాట్ అడిగిందని చాట్ ట్రాన్స్క్రిప్ట్ చూపిస్తుంది.

Also Read:What’s Today: ఈ రోజు ఏమున్నాయంటే..?

అతను కలవాలనుకున్న రోజున, వాంగ్‌బాండ్యూ న్యూజెర్సీలోని రట్జర్స్ విశ్వవిద్యాలయంలోని క్యాంపస్‌కు బయలుదేరాడు. అక్కడ అతను తనతో చాట్ చేస్తున్న మహిళను కలుస్తానని ఊహించాడు. రైలు ఎక్కే క్రమంలో కింద పడిపోయాడు. తల, మెడకు తీవ్ర గాయాలు అయ్యాయి. వెంటనే ఆసుపత్రికి తరలించగా లైఫ్ సపోర్ట్‌ తో చికిత్స అందించారు. కానీ మూడు రోజుల తర్వాత మార్చి 28న మరణించారు.

Also Read:Trump-Putin Meeting: పుతిన్‌తో ఫలవంతమైన చర్చలు.. త్వరలో జెలెన్స్కీని కలుస్తా..

AI చాట్‌బాట్స్ యూజర్ల భావోద్వేగాలను బలంగా ప్రభావితం చేసే స్థాయికి చేరుకున్నాయి. వర్చువల్ సంభాషణలు నిజ జీవిత సంబంధాల స్థానాన్ని భర్తీ చేయడం ప్రమాదకరం కావచ్చు. మానవ భావోద్వేగాలు, ఒంటరితనం, మానసిక ఆరోగ్యం వంటి అంశాలపై మరింత శ్రద్ధ అవసరం. ఈ సంఘటన, AI వినియోగంలో మానసిక అవగాహన, జాగ్రత్తలు తప్పనిసరి అని మరోసారి స్పష్టం చేసింది.