Uttarpradesh: జనవరి 22న యూపీలో విద్యాసంస్థలకు సెలవు.. మద్యం అమ్మకాలు బంద్‌
- Follow Us :
-
-
Add as a preferred
source on google
Uttarpradesh: అయోధ్యలో రామమందిరం ప్రారంభోత్సవం దృష్ట్యా రాష్ట్రంలోని అన్ని పాఠశాలలు, కళాశాలలకు జనవరి 22న ఉత్తరప్రదేశ్ ముఖ్యమంత్రి యోగి ఆదిత్యనాథ్ సెలవు ప్రకటించారు. విద్యాసంస్థలకు సెలవు ప్రకటించడంతో పాటు ఆ రోజున రాష్ట్రవ్యాప్తంగా మద్యం అమ్మకాలు ఉండవని ముఖ్యమంత్రి తెలిపారు. జనవరి 22న అన్ని ప్రభుత్వ భవనాలను అలంకరించాలని, బాణాసంచా కాల్చి వేడుకలు జరుపుకోవాలని సీఎం ఆదిత్యనాథ్ పిలుపునిచ్చారు.
Read Also: Maun Vrat: రామమందిరం ప్రారంభోత్సవం.. 32 ఏళ్ల మౌనవ్రతాన్ని విరమించుకోనున్న మహిళ
వేడుకల సన్నాహాలను సమీక్షించడానికి అయోధ్యకు వచ్చిన ఉత్తరప్రదేశ్ ముఖ్యమంత్రి, అయోధ్యలో పరిశుభ్రత యొక్క ‘కుంభ్ మోడల్’ని అమలు చేయాలని ఆదేశించారు. జనవరి 14న అయోధ్యలో పరిశుభ్రత ప్రచారాన్ని ప్రారంభిస్తున్నట్లు ఆయన ప్రకటించారు. పవిత్రోత్సవ వేడుకల సన్నాహాల్లో నగరాన్ని పరిశుభ్రంగా నిర్వహించడం ప్రాముఖ్యత గురించి ముఖ్యమంత్రి చెప్పారు. వీవీఐపీల విశ్రాంతి స్థలాలను ముందుగానే నిర్ణయించాలని, వేడుక సజావుగా, వ్యవస్థీకృతంగా జరిగేలా చూడాలని ముఖ్యమంత్రి అధికారులకు చెప్పారు.
Read Also: My Dear Donga : ఓటీటీలోకి వచ్చేస్తున్న మై డియర్ దొంగ.. స్ట్రీమింగ్ ఎక్కడంటే..?
జనవరి 22 న అయోధ్య ఆలయంలో “ప్రాణ్ ప్రతిష్ఠ” కోసం అలంకరించబడుతోంది. ప్రధానమంత్రి నరేంద్ర మోడీ, ఆర్‌ఎస్‌ఎస్‌ చీఫ్ మోహన్ భగవత్, ఉత్తరప్రదేశ్ ముఖ్యమంత్రి యోగి ఆదిత్యనాథ్, ఇతర ప్రత్యేక ఆహ్వానితులతో పాటు మెగా ఈవెంట్‌కు హాజరుకానున్నారు. ఆలయ ట్రస్ట్, శ్రీ రామ జన్మభూమి తీర్థ క్షేత్రం ఆహ్వానితుల జాబితాలో రాజకీయ నాయకులు, బాలీవుడ్ ప్రముఖులు, క్రికెటర్లు, పారిశ్రామికవేత్తలు సహా 7,000 మందికి పైగా ఉన్నారు.