Tyson Naidu : టాలీవుడ్ యంగ్ హీరో బెల్లంకొండ సాయి శ్రీనివాస్ గురించి ప్రత్యేకంగా చెప్పాల్సిన పని లేదు.ఈ యంగ్ హీరో అల్లుడు శీను సినిమాతో ఇండస్ట్రీకి హీరోగా పరిచయం అయ్యాడు.ఆ సినిమాతో ప్రేక్షకులను ఎంతగానో ఆకట్టుకున్న సాయి శ్రీనివాస్ ఆ తరువాత వరుస సినిమాలలో నటించి మెప్పించాడు.ఈ హీరో గత ఏడాది తెలుగు బ్లాక్ బస్టర్ మూవీ ఛత్రపతి మూవీ హిందీ రీమేక్ లో హీరోగా నటించారు.కానీ ఈ సినిమా ప్రేక్షకులను అంతగా ఆకట్టుకోలేదు.తాజాగా ఈ యంగ్ హీరో సాగర్ కె చంద్ర దర్శకత్వంలో ‘టైసన్ నాయుడు’అనే మూవీలో నటిస్తున్నాడు. ఈ మూవీ యూనిక్ యాక్షన్ ఎంటర్‌టైనర్‌ గా తెరకెక్కుతుంది.14 రీల్స్ ప్లస్ బ్యానర్ పై రామ్ ఆచంట, గోపీ ఆచంట ఈ చిత్రాన్ని గ్రాండ్ గా నిర్మిస్తున్నారు.ఈ చిత్రానికి భీమ్స్ సిసిరోలియో మ్యూజిక్ అందిస్తున్నారు .
Read Also :Manamey : శర్వానంద్ ‘మనమే’ రిలీజ్ డేట్ ఫిక్స్..
ఇప్పటికే ఈ మూవీ నుంచి రిలీజ్ అయిన టైటిల్ గ్లింప్స్ వీడియోకు ప్రేక్షకుల నుంచి మంచి రెస్పాన్స్ లభించింది. తాజాగా ఈ సినిమాకు సంబంధించి మేకర్స్ ఓ కీలక అప్డేట్‌ని ఇచ్చారు.ఈ సినిమాలో ఎంతో కీలకమైన 2 వారాల షెడ్యూల్‌ను రాజస్థాన్ లో ప్రారంభించినట్లుగా మేకర్స్ అధికారికంగా ప్రకటించారు. స్టన్ శివ పర్యవేక్షణలో రాజస్థాన్ లోని కోటలలో పది రాత్రులు సినిమాకు సంబంధించిన భారీ యాక్షన్ సీన్స్ ను షూట్ చేయనున్నారు. ఈ సీన్స్ సినిమాకే ఎంతో కీలకమని చిత్ర యూనిట్ ప్రకటించింది .ఈ భారీ యాక్షన్ షెడ్యూల్ లో కొంత టాకీ పార్ట్ కూడా పూర్తి చేయనున్నట్లు మేకర్స్ ప్రకటించారు.