ప్రస్తుతం పెట్రోల్, డీజిల్ ధరలు ఆకాశాన్ని తాకుతున్న నేపథ్యంలో.. చాలాదేశాలలో ఎలక్ట్రిక్ వాహనాల పట్ల ప్రజల ఆసక్తి బాగా పెరిగింది. ముఖ్యంగా ఎలక్ట్రిక్ బైకులు, స్కూటర్లు, కార్లు పర్యావరణ అనుకూలత కారణంగా మంచి ప్రజాదరణ పొందుతున్నాయి. ఇకపోతే ఎలక్ట్రిక్ స్కూటర్ విభాగంలో TVS iQube స్కూటర్ సేల్స్ పరంగా, మైలేజ్ పరంగా దూసుకెళ్తుంది.
ఇకపోతే,TVS iQube భారత మార్కెట్లో ప్రస్తుతం ఐదు వేరియంట్లలో అందుబాటులో ఉంది. iQube 2.2 kWh, iQube 3.4 kWh, iQube S 3.4 kWh, iQube ST 3.4 kWh, iQube ST 5.1 kWh లాంటి వేరియంట్స్ లో లభిస్తున్నాయి. ఇక వీటి ఎక్స్-షోరూమ్ ధరల విషయానికి వస్తే రూ. 95,000 నుండి ప్రారంభమవుతూ రూ.1,58,834 వరకు ఉన్నాయి. వేరియంట్స్ ఎక్కువగా ఉండటంతో వినియోగదారులు తమ అవసరాలు, బడ్జెట్కు తగ్గట్టుగా మంచి వేరియంట్ ను ఎంచుకోనే అవకాశం ఉంది.
ఇందులోని TVS iQube 2.2 kWh వేరియంట్ ను ఒకసారి పూర్తిగా చార్జ్తో 75 కి.మీ. వరకు ప్రయాణించగలదు. దీనికి గరిష్ట వేగం 75 కి.మీ/గం. కేవలం రెండు గంటల్లో ఈ వేరియంట్ పూర్తిగా చార్జ్ అవుతుంది. 3.4 kWh బ్యాటరీ ప్యాక్ వేరియంట్ మొత్తం 100 కి.మీ. ప్రయాణించగల సామర్థ్యం కలిగి ఉంది. ఇక అతిపెద్ద 5.1 kWh బ్యాటరీ వేరియంట్ ఒకసారి చార్జ్తో 150 కి.మీ. వరకు ప్రయాణించగలదు. ఇక ఈ స్కూటర్ లోని ఫీచర్ల విషయానికి వస్తే.. ఇందులో 5 అంగుళాల నుండి 7 అంగుళాల వరకు ఉన్న TFT టచ్స్క్రీన్ డిస్ప్లే, వాయిస్ అసిస్టెంట్, నావిగేషన్, కాల్/ఎస్ఎంఎస్ అలర్ట్స్, ఛార్జింగ్ పోర్ట్ వంటి స్మార్ట్ ఫీచర్లు ఉన్నాయి. అలాగే ఇందులో 32 లీటర్ల అండర్-సీట్ స్టోరేజ్, LED లైటింగ్, రివర్స్ అసిస్టెంట్ వంటి ప్రయోగాత్మక సదుపాయాలు కూడా ఉన్నాయి. ఇవి వినియోగదారులకు స్మార్ట్, సౌకర్యవంతమైన రైడింగ్ అనుభూతిని అందిస్తాయి.
ఇక అన్ని వేరియంట్లలో డిస్క్ బ్రేక్లు, రీజనరేటివ్ బ్రేకింగ్ ఉన్నాయి. దీని ద్వారా ప్రయాణం అత్యధికంగా సురక్షితంగా ఉంటుంది. 4.4 kW మోటార్ మరియు బలమైన చాసిస్ దీన్ని తన సెగ్మెంట్లో వేగంగా, మృదువుగా నడిచే స్కూటర్గా నిలిపింది. స్టైల్, పనితీరు కలిపి తక్కువ బడ్జెట్లో ఉత్తమ ఎంపిక కావాలని కోరుకునే వారికి ఇది ఒక అద్భుతమైన పరిష్కారం. అంతేకాకుండా TVS iQube వాడటం ద్వారా పర్యావరణ పరిరక్షణలో కూడా మీరు సహకరించవచ్చు.
