Donald Trump: సుప్రీంకోర్టు తీర్పుతో ఆగని ట్రంప్.. బర్త్రైట్ సిటిజన్షిప్పై మరోసారి సంచలన నిర్ణయం
- Follow Us :
-
-
Add as a preferred
source on google
Donald Trump: అమెరికా పౌరసత్వ చట్టాల్లో అత్యంత కీలకమైన పుట్టుకతో వచ్చే పౌరసత్వం (బర్త్రైట్ సిటిజన్షిప్), బర్త్ టూరిజంలపై డొనాల్డ్ ట్రంప్ మరోసారి సమరశంఖం పూరించారు. ఈ వ్యవహారంపై సుప్రీంకోర్టు ఇచ్చిన తీర్పును ఎంతో దురదృష్టకరమని అభివర్ణించిన ఆయన, ప్రస్తుత చట్టాలను మరింత కఠినతరం చేస్తూ రెండు కొత్త ఎగ్జిక్యూటివ్ ఆర్డర్లపై గురువారం సంతకాలు చేశారు. గతేడాది అమెరికా పౌరులు కానివారికి పుట్టే పిల్లలకు పౌరసత్వాన్ని పూర్తిగా రద్దు చేసేలా ట్రంప్ ఒక విప్లవాత్మక ఉత్తర్వు తెచ్చారు. అయితే, అమెరికా భూభాగంపై జన్మించిన ఎవరికైనా పౌరసత్వం పొందే హక్కును రాజ్యాంగంలోని 14వ సవరణ కల్పిస్తోందని పేర్కొంటూ, జూన్ 30న సుప్రీంకోర్టు ఆ ప్రయత్నాన్ని కొట్టివేసింది. సుప్రీం తీర్పుపై తీవ్ర అసంతృప్తి వ్యక్తం చేసిన ట్రంప్, ఈసారి కొంత పరిమితంగా ఉన్నప్పటికీ కఠినమైన నిబంధనలతో ఈ కొత్త ఉత్తర్వులను తీసుకొచ్చారు.
వైట్ హౌస్ డిప్యూటీ చీఫ్ ఆఫ్ స్టాఫ్, ట్రంప్ ఇమ్మిగ్రేషన్ విధానాల ముఖ్య వ్యూహకర్త స్టీఫెన్ మిల్లర్ తెలిపిన వివరాల ప్రకారం… వైట్ హౌస్ జారీ చేసిన మొదటి ఎగ్జిక్యూటివ్ ఆర్డర్ విదేశీ శత్రువులు, ఉగ్రవాద సంస్థల సభ్యులు, విదేశీ ప్రభుత్వాల తరఫున పనిచేసే లాబీయిస్టుల పిల్లలను లక్ష్యంగా చేసుకుంది. వీరి పిల్లలకు అమెరికాలో పుట్టుకతో వచ్చే పౌరసత్వాన్ని రద్దు చేస్తున్నట్లు ఇందులో పేర్కొన్నారు. ఇక రెండో ఎగ్జిక్యూటివ్ ఆర్డర్ ‘బర్త్ టూరిజం’పై దాడి పెంచింది. కేవలం మాతృత్వం ద్వారా పిల్లలకు అమెరికా పౌరసత్వం తెప్పించడానికే వీసా పొందే విధానాన్ని అమెరికా చట్టాలు ఇప్పటికే నిషేధించాయి. అయితే ఈ నూతన ఉత్తర్వు ఆ బర్త్ టూరిజంపై పూర్తిస్థాయి నిషేధాన్ని మరింత పటిష్టం చేస్తుందని మిల్లర్ చెప్పారు.
Also Read
- Koti Deepotsavam 2026 : కోటి దీపోత్సవంలో మరో అద్భుత ఘట్టం.. కనులపండువగా లక్ష్మీనృసింహుడి కల్యాణం
- Rahul Gandhi: ఎన్నికల బహిష్కరణపై రాహుల్ గాంధీ కీలక వ్యాఖ్యలు!
- CM Revanth Reddy : రాష్ట్ర హక్కుల కోసం రాజీలేని పోరాటం.. కేసీఆర్, హరీష్పై సీఎం రేవంత్ తీవ్ర ఆగ్రహం
- Bangladesh: భారత్ నుంచే చుక్కలు చూపిస్తున్న హసీనా.. బంగ్లాదేశ్లో లాక్డౌన్!
ఇక సుప్రీంకోర్టు తీర్పు విషయానికొస్తే.. అమెరికాలో శతాబ్ద కాలంగా వస్తున్న బర్త్రైట్ సిటిజన్షిప్ విధానాన్ని సుప్రీంకోర్టు గట్టిగా సమర్థించింది. తల్లిదండ్రులు అమెరికాలో అక్రమంగా ఉన్నా లేదా తాత్కాలికంగా ఉన్నా, ఇక్కడ జన్మించిన పిల్లలు పౌరులేనని స్పష్టం చేసింది. సీనియర్ జస్టిస్ జాన్ రాబర్ట్స్ ధర్మాసనం తరఫున తీర్పు రాస్తూ… “రాజ్యాంగాన్ని రూపొందించినవారు ఈ దేశంలో జన్మించిన ప్రతి ఒక్కరికీ ఈ హక్కును ఇచ్చారు. ఆ వాగ్దానాన్ని మేము నిలబెడుతున్నాం” అని పేర్కొన్నారు. మరొక జడ్జి బ్రెట్ క్యావనా కూడా ట్రంప్ పాత ఉత్తర్వులు ఫెడరల్ చట్టాలకు విరుద్ధమని అభిప్రాయపడ్డారు. అయితే, దౌత్యవేత్తల పిల్లలకు, శత్రుదేశాల ఆక్రమణ సమయంలో జన్మించిన పిల్లలకు మాత్రమే మినహాయింపులు ఉంటాయని సుప్రీంకోర్టు స్పష్టం చేసింది. ఈ తీర్పుపై కోర్టులోని కన్జర్వేటివ్ జడ్జీల నుంచి తీవ్ర విభేదాలు వ్యక్తమయ్యాయి. జస్టిస్ క్లారెన్స్ థామస్ తన భిన్నాభిప్రాయాన్ని వ్యక్తం చేస్తూ.. ఈ తీర్పు ద్వారా బర్త్ టూరిస్టులకు, అక్రమ చొరబాటుదారుల పిల్లలకు పౌరసత్వాన్ని కట్టబెడుతున్నారని ఆందోళన వ్యక్తం చేశారు. జస్టిస్ నీల్ గోర్సచ్, జస్టిస్ శామ్యూల్ అలిటో కూడా ఈ తీర్పుతో విబేధించారు. ఇక, న్యాయస్థానం ఇచ్చిన సవాలును పక్కనపెట్టి, చట్టంలోని సందుగొందులను ఉపయోగించుకుంటూ బర్త్ టూరిజంకు చెక్ పెట్టాలని ట్రంప్ ప్రభుత్వం పట్టుదలతో ఉంది.
తాజావార్తలు
-
Koti Deepotsavam 2026 : కోటి దీపోత్సవంలో మరో అద్భుత ఘట్టం.. కనులపండువగా లక్ష్మీనృసింహుడి కల్యాణం
-
Rahul Gandhi: ఎన్నికల బహిష్కరణపై రాహుల్ గాంధీ కీలక వ్యాఖ్యలు!
-
‘RAPO23’ లో ఊహించని ట్విస్ట్ ఇదేనట! విలన్గా ఆ సీనియర్ స్టార్?
-
TG SAFE: హైదరాబాద్లో ఫుడ్ సేఫ్టీ అధికారుల కొరడా.. కరాచీ బేకరీ సహా పలు మాంస విక్రయ కేంద్రాలపై మెరుపు దాడులు!
-
CM Revanth Reddy : రాష్ట్ర హక్కుల కోసం రాజీలేని పోరాటం.. కేసీఆర్, హరీష్పై సీఎం రేవంత్ తీవ్ర ఆగ్రహం
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!