BREAKING : బాలిక గ్యాంగ్ రేప్ లో కీలక విషయాలు..ప్రేమ పేరుతో ట్రాప్ చేసి స్నేహితులతో కలిసి నెలలుగా అత్యాచారం..

బాలిక గ్యాంగ్ రేప్ లో కీలక విషయాలు వెలుగులోకి వచ్చాయి. నేరేడ్ మెట్ కి చెందిన యువకుడు విజయ్ కుమార్ కాచిగూడకి చెందిన మైనర్ బాలికను ట్రాప్ చేసినట్లు పోలీసులు తెలిపారు. పోలీసుల కథనం ప్రకారం.. విజయ్ కుమార్ కి కాచిగూడ కి చెందిన యువతితో ప్రేమ వ్యవహారం నడుస్తోంది. ఈ బాలిక ఆ యువతి పక్కింట్లో ఉంటోంది. యువతి ఈ బాధిత బాలిక ఫోన్ నుంచి ప్రియుడు విజయ్ కుమార్ కు తరుచూ కాల్స్, మేసేజ్ లు చేస్తుండేది. ఈ క్రమంలో బాలికను విజయ్ ట్రాప్ చేశాడు. ప్రేమ పేరుతో బాలికను నమ్మించి బైక్ పై సిటీలో పలు ప్రాంతాలకు తీసుకెళ్లాడు. 2023 ఆగష్టు లో బాలిక పై విజయ్ కుమార్ అత్యాచారానికి పాల్పడ్డాడు. అలా పలుమార్లు బాలిక పై అత్యాచారం చేశాడు విజయ్ కుమార్..

READ MORE: Hyderabad: కొంపల్లి శ్రీ చైతన్య హాస్టల్ లో విద్యార్థి అనుమానాస్పద మృతి..

బాధిత బాలికను తన స్నేహితులకు పరిచయం చేశాడు. బాలిక ను నేరేడ్మేట్ లోని ఓ నిర్మానుష్య ప్రాంతానికి తీసుకెళ్ళి గ్యాంగ్ రేప్ కి ఒడిగట్టారు. ఎవరికైనా చెప్తే చంపేస్తామని బెదిరించారు. గ్యాంగ్ రేప్ సమయంలో విజయ్ కుమార్ అక్కడే ఉన్నాడు. కొన్ని నెలలుగా విజయ్ కుమార్ అండ్ గ్యాంగ్ బాలిక పై అత్యాచారానికి పాల్పడ్డారు. దీంతో బాలిక ఇటీవల గర్భం దాల్చింది. తల్లి నిలదీయడంతో అసలు విషయం వెలుగులోకి వచ్చింది. బాలిక తల్లి కాచిగూడ పోలీసులకు ఫిర్యాదు చేసింది. జీరో ఎఫ్ఐఆర్ నమోదు చేసిన పోలీసులు.. నేరేడ్మెట్ ఠాణాకు కేసును బదిలీ చేశారు. అత్యాచారానికి పాల్పడ్డ గ్యాంగ్ గంజాయి బ్యాచ్ గా పోలీసులు గుర్తించారు.