Amarnath Yatra 2023: అమర్నాథ్ యాత్రలో సహజసిద్ధంగా ఏర్పడే మంచు శివలింగాన్ని దర్శించుకోవడానికి భక్తులు అనేక వ్యయప్రయాసలకు గురవుతారు. ఇక్కడి సహజ గుహలు, ప్రకృతి రమణీయత మధ్య నెలకొన్న ఆధ్యాత్మిక వాతవరణం గురించి మాటల్లో చెప్పలేం. అమర్నాథ్ యాత్రలో దీనితోపాటు చూడాల్సిన అందమైన ప్రదేశాలు ఎన్నో ఉన్నాయి. ఎటుచూసినా మంచుతో కప్పి ఉండే పర్వతాలు, పొడవాటి వృక్షాలు, జల ప్రవాహాలు పర్యటకులను మంత్రముగ్ధుల్ని చేస్తాయి. బాబా అమర్‌నాథ్‌ను సందర్శించేందుకు అమర్నాథ్ యాత్ర ప్రతి సంవత్సరం నిర్వహించబడుతుంది. ఈసారి ప్రయాణం ఇప్పటికే మొదలైంది. ఈ ఏడాది జూలై 1 నుంచి ఆగస్టు 31 వరకు యాత్రను నిర్వహిస్తున్నారు. అటువంటి పరిస్థితిలో, ప్రతి సంవత్సరం మాదిరిగానే, ఈసారి కూడా చాలా మంది ఈ యాత్రలో పాల్గొంటారు. ఈ ప్రయాణం చాలా సుదీర్ఘమైనది, అలసిపోతాం.. కానీ ృ బాబా అమర్నాథ్ దర్శనం తర్వాత అలసట అంతా ఒక్కసారిగా మాయమవుతుంది. మీరు కూడా ఈ ఏడాది అమర్నాథ్ యాత్రకు వెళ్తే బాబా అమరనాథ్‌ దర్శనం చేసుకోంది. అమర్నాథ్ క్షేత్రం సమీపంలోని కొన్ని దర్శనీయ ప్రదేశాల గురించి తెలుసుకుందాం.
అమర్ నాథ్ గుహ, దేవాలయం
అమర్ నాథ్ యాత్రలో, ప్రయాణికులు 3888 మీటర్ల ఎత్తులో ఉన్న అమర్నాథ్ గుహను తప్పక చూడాలి. ఈ గుహలో సహజసిద్ధంగా ఏర్పడిన మంచు శివలింగం ఉంటుంది. చంద్ర చక్రం ఆధారంగా మంచు శివ లింగం పెరగటం తరగటం జరుగుతుంది. మే నుంచి ఆగష్టు మధ్యలో గరిష్ట ఎత్తును చేరుకుంటుంది.ఈ గుహ 5000 ఏళ్ల నాటిదిగా చెప్పబడుతుంది.ఇది శివుడు పార్వతి దేవికి అమరత్వ రహస్యం ఉపదేశించిన ప్రదేశంగా నమ్మబడుతుంది. గణేశునికి, పార్వతి దేవికి కూడా ఇక్కడ రెండు మంచు లింగాలు ఉన్నాయి. భారతీయ సైన్యం, భారతీయ పారామిలటరీ దళాలు, సీఆర్పీఎఫ్ ఈ ప్రదేశానికి గస్తీ కాస్తూ ఉంటాయి. అందువల్ల, అమర్నాథ్ గుహను సందర్శించాలంటే ఉన్నతాధికారుల నుంచి ముందే అనుమతి తీసుకోవాలి.
పహల్గామ్
ఇది మీ ప్రయాణంలో మొదటి ముఖ్యమైన ప్రదేశం కావచ్చు. పహల్గామ్‌లో మీరు కాశ్మీర్ అందాల అద్భుతమైన దృశ్యాన్ని చూడవచ్చు. ఇక్కడ మీరు చిరాగా లోయ, బేటాబ్ వ్యాలీ, బాబెల్ జలపాతం మొదలైన వాటిని చూడవచ్చు. ప్రపంచ ప్రసిద్ధిగాంచిన పహల్గామ్ హిల్‌స్టేషన్ అనంత్‌నాగ్‌కు దాదాపు 45 కిలోమీటర్ల దూరంలో ఉంది. ఈ పట్టణం సముద్రమట్టానికి 7,200 మీ ఎత్తున లిద్దర్ నదీతీరంలో ఉంది. అనంత్‌నాగ్‌లోని 5 తెహ్సిల్స్‌లో పెహల్గాం ఒకటి. అత్యధికంగా యాత్రీకులను, పర్యాటకులను ఆకర్షిస్తున్న ప్రదేశాలలో ఇది ఒకటి. అంతేకాక బాలీవుడ్ చిత్రాల చిత్రీకరణకు ప్రసిద్ధి చెందినది. ఇంకా దేశంలో అత్యుత్తమ ఆరోగ్యకేంద్రగా కూడా ఇది ప్రసిద్ధి చెందింది. అమర్నాథ్ యాత్రకు ఆరంభ ప్రదేశాలలో ఇది ఒకటి. పహల్గాం పైన్ అరణ్యాలకు, మనుదుప్పటి కప్పుకున్న పర్వతశిఖరాలకు, ఆరోగ్యకరమైన వాతావరణానికి, విస్తారమైన మైదానాలు, పచ్చికబయళ్ళతో ఆకర్షణీయంగా ఉంటుంది. పహల్గాం నుండి పలు పర్వతారోహణా మార్గాలు ఆరంభమవుతుంటాయి.
శేష్‌నాగ్ సరస్సు
శేష్‌నాగ్ సరస్సు పహల్గాంకు 27 కి.మీ దూరంలో, 3658 మీటర్ల ఎత్తులో ఉన్న శేష్‌నాగ్ సరస్సు అమర్‌నాథ్‌లోని ఒక ప్రధాన ఆకర్షణ. దీని పేరు, హిందూ పురాణాలలోని ఏడు తలల సర్పరాజు ‘శేష్ నాగ్’ నుంచి వచ్చింది. దీని చుట్టు 7 శిఖరాలు ఉండటం కూడా విశేషం. ప్రయాణికులు పహల్గాం నుంచి రెండు రోజుల కాలి నడకన ఇక్కడికి చేరుకోవచ్చు. ఈ సరస్సు, శీతాకాలం మొత్తం, జూన్ నెల దాకా మంచుతో కప్పబడి ఉంటుంది. క్యాంపింగ్ చేయాలనుకునే యాత్రికులకు శేష్ నాగ్ సరస్సు సరైన గమ్యం.
బొటానికల్ గార్డెన్, కొకెర్‌నాగ్
అనంత్నాగ్ సమీపంలోని కొకెర్‌నాగ్ బొటానికల్ గార్డెన్ చాలా ప్రత్యేకమైనది. ఇందులో కొన్ని లక్షల సంఖ్యలో వృక్ష జాతులు ఉన్నాయి. దేశీయ రకాలేగాక విదేశీ జాతుల వృక్ష రకాలు ఉన్నాయి. చుట్టూ కొండల మధ్య ఉండే ఈ బొటానికల్ గార్డెన్ పర్యాటకులకు వినోదాన్ని పంచుతోంది. అనంత్నాగ్ నుంచి కేవలం 10 కి.మీ దూరంలో ఈ గార్డెన్ ఉంది.
సోనామార్గ్
సోనామార్గ్ ఒక అందమైన హిల్ స్టేషన్, ఇది అమర్నాథ్ యాత్ర సమయంలో మీరు దారిలో చూడవచ్చు. మీరు ఇక్కడి మార్కెట్ల గుండా తిరుగుతూ, లోయలో హైకింగ్ చేసి, షిష్టోల్ సరస్సు విశాల దృశ్యాలను ఆస్వాదించవచ్చు.
గంగాబల్
గంగాబల్ ఒక సహజ సరస్సు, ఇది అమర్నాథ్ సమీపంలో ఉంది. ఇక్కడ మీరు అద్భుతమైన వీక్షణలను ఆస్వాదించవచ్చు మరియు బోటింగ్ మరియు కాశ్మీరీ షికారా వంటి జలక్రీడలను కూడా ఆస్వాదించవచ్చు.
వైష్ణో దేవి ఆలయం
అమర్నాథ్ యాత్ర తర్వాత, మీరు వైష్ణో దేవి ఆలయాన్ని సందర్శించడానికి కత్రా మీదుగా గుప్తగంగ, బంగంగా వ్యాలీ గుండా వెళ్ళవచ్చు. ఈ ప్రదేశం ఆధ్యాత్మిక, మతపరమైన ప్రాముఖ్యతను కలిగి ఉంది. ప్రపంచం నలుమూలల నుండి భక్తులను ఆకర్షించే కేంద్రంగా ఉంది.
శ్రీనగర్
అమర్నాథ్ యాత్ర చివరి దశలో భాగంగా మీరు శ్రీనగర్‌ను కూడా సందర్శించవచ్చు. ఇక్కడ మీరు దాల్ లేక్, నిషాత్ బాగ్, షాలిమార్ బాగ్, చష్మా-ఎ-షాహి వంటి ప్రసిద్ధ, అందమైన ప్రదేశాలను సందర్శించవచ్చు.