Tollywood Upcoming Movies: శర్వానంద్ నుంచి నిఖిల్ వరకు.. ఏప్రిల్‌లో యువ హీరోల మూవీ జాతర!

Tollywood Upcoming Movies: ఎప్పుడైనా సరే సమ్మర్ సీజన్ అంటే సాధారణంగా టాలీవుడ్‌లో స్టార్ హీరోల సినిమాల హడావుడి కనిపిస్తుంది. కానీ ఈసారి పరిస్థితి కొంచెం భిన్నంగా కనపడుతోంది. పెద్ద స్టార్ హీరోల సినిమాలు ఈ ఏడాది సమ్మర్‌ లో పెద్దగా లేకపోవడంతో, ఆ అవకాశాన్ని యంగ్ హీరోలు క్యాష్ చేసుకునేందుకు సిద్ధమవుతున్నారు. ముఖ్యంగా ఏప్రిల్ నెలలో ప్రతి వారం కొత్త సినిమాలతో యువ హీరోలు ప్రేక్షకులను అలరించేందుకు రంగంలోకి దిగుతున్నారు.

WhatsAppలో కీలక అప్‌డేట్‌.. AI ఎంపిక మరింత సులభం..

ఏప్రిల్ తొలి వారంలోనే ఇద్దరు యంగ్ హీరోలు తమ సినిమాలతో ప్రేక్షకుల ముందుకు రానున్నారు. ‘నార నారి నడుము మురారి’ సినిమాతో ఫార్మ్‌ లోకి వచ్చిన శర్వానంద్, ఇప్పుడు ‘బైకర్’ అనే కొత్త సినిమాతో రాబోతున్నారు. ఈ సినిమాలో ఆయన పూర్తిగా మేకోవర్ అయ్యి కొత్త లుక్‌లో కనిపించబోతున్నారు. మరోవైపు నిర్మాతగా మంచి విజయాలు సాధిస్తున్న నిహారిక కొనిదల నిర్మాణంలో, సంగీత్ శోబన్ హీరోగా వస్తున్న ‘రాకాస’ సినిమా విడుదలకు సిద్ధమవుతోంది. హారర్ కామెడీ జానర్‌ లో తెరకెక్కుతున్న ఈ సినిమాపై కూడా మంచి అంచనాలు ఉన్నాయి.

ఇక ఏప్రిల్ రెండో వారంలో కూడా రెండు సినిమాలు ప్రేక్షకుల ముందుకు రానున్నాయి. లాంగ్ గ్యాప్ తర్వాత అడివి శేషు ‘డెకాయిట్’ సినిమాతో వస్తుండగా.. నిఖిల్ ‘స్వయంభు’ సినిమాతో బరిలోకి దిగుతున్నారు. కొత్త జానర్లలో రూపొందుతున్న ఈ రెండు సినిమాలపై ఇప్పటికే మంచి బజ్ ఉంది. ‘డెకాయిట్’ సినిమాలో అడివి శేషు గ్రే షేడ్స్ ఉన్న పాత్రలో కనిపించనుండగా.. ‘స్వయంభు’ కోసం నిఖిల్ తొలిసారిగా పీరియాడిక్ లుక్‌ లో కనిపించబోతున్నారు. ఈ రెండు సినిమాలు ఒకే తేదీకి విడుదల అవుతున్నాయి కూడా సుమీ..

AA22 Update: టైటిల్‌, ఫస్ట్ లుక్ మాత్రమే కాదు.. ఏప్రిల్ 8న అంతకుమించి!

ఇక ఏప్రిల్ చివరి వారంలో మోస్ట్ అవైటెడ్ సినిమా ‘పెద్ది’ విడుదలకు సిద్ధమవుతోంది. రామ్ చరణ్ హీరోగా బుచ్చిబాబు దర్శకత్వంలో తెరకెక్కుతున్న ఈ రూరల్ డ్రామాపై ప్రేక్షకులతో పాటు సినీ ఇండస్ట్రీ వర్గాల్లోనూ భారీ అంచనాలు ఉన్నాయి. మొత్తంగా మొత్తానికి ఈ సమ్మర్‌ లో స్టార్ హీరోల సినిమాలు తక్కువగా ఉన్నప్పటికీ, వరుసగా యంగ్ హీరోల సినిమాలు విడుదల అవుతుండటం ఇండస్ట్రీకి కాస్త బలం కానుంది. చుడాలిమరి ఈసారి సమ్మర్ బాక్సాఫీస్‌ కింగ్ ఎవరో..