Supritha Celebrations Goes Viral After Pawan Kalyan Win: ఏపీ ఎన్నికల్లో ఎన్డీఏ కూటమి ప్రభంజనం సృష్టించింది. అన్ని జిల్లాల్లోనూ క్లీన్‌స్వీప్‌ చేసింది. పిఠాపురం నుంచి బరిలో నిలిచిన సినీ హీరో, జనసేన అధినేత పవన్ కల్యాణ్‌ ఘన విజయం సాధించారు. వైసీపీ అభ్యర్థి వంగా గీతపై 69,169 ఓట్ల తేడాతో రికార్డు విజయం నెలకొల్పారు. పవన్ మాత్రమే కాదు.. జనసేన తరఫున పోటీ చేసిన మరో 20 మంది అభ్యర్థులు కూడా గెలుపొందారు. దాంతో పవన్ అభిమానుల ఆనందానికి అవధుల్లేకుండా పోయాయి. ఫాన్స్ అందరూ సంబరాలు చేసుకుంటున్నారు.
పదేళ్లుగా రాజకీయాల్లో ఎదురుదెబ్బలు తింటూ వస్తోన్న పవన్ కల్యాణ్‌ భారీ విజయం సాధించడంతో.. పలువురు సినీ ప్రముఖులు సోషల్ తమ తమ ఆనందాన్ని వ్యక్తం చేస్తున్నారు. ఈ క్రమంలో టాలీవుడ్ సీనియర్ సురేఖ వాణి కూతురు, హీరోయిన్ సుప్రిత నాయుడు జనసేన విజయాన్ని ఓ పండగలా సెలబ్రేట్ చేసుకున్నారు. టీషర్ట్, పంచ కట్టి.. ‘ఇంకా మనల్ని ఎవరు రా ఆపేది’ థీమ్ సాంగ్‌కు తనదైన స్టైల్‌లో స్టెప్పులేశారు. జనసేన సింబల్ ‘గాజు గ్లాసు’ను పట్టుకుని పోజులిచ్చారు. స్టైలిష్ బ్లాక్ గాగుల్స్ ధరించి.. జనసేన జెండా, సింబల్‌ను చూపిస్తూ తెగ సందడి చేశారు.
Also Read: Tollywood News: టాలీవుడ్‌లో సమ్మె సైరన్‌.. షూటింగ్స్‌కి అంతరాయం!
అంతేకాదు సుప్రిత కాల్చడానికి సిద్ధంగా ఉంచిన ఉన్న బాంబులను కూడా చూపించారు. ఇందుకు సంబందించిన వీడియో సోషల్ మీడియాలో వైరల్ అయింది. బిగ్‌బాస్ ఫేమ్ అమర్ దీప్ హీరోగా, సుప్రిత హీరోయిన్‌గా ఓ లవ్ ఎంటర్టైనర్ సినిమా తెరకెక్కుతోంది. ఈ ఇద్దరూ తొలిసారిగా తెరపై కనిపించబోతోన్నారు. మరి సుప్రిత ఫ్యూచర్‌లో స్టార్ హీరోయిన్ అవుతుందేమో చూడాలి.