Tragedy: ఒకే కాన్పులో ముగ్గురు పిల్లలు.. ఆ తల్లి కళ్లారా చూసుకునేలోపే..

Tragedy:  ఆ తల్లి ఎన్ని ఆశలు పెట్టుకోందో… నవమాసాలు మోసి తల్లికి ఒకే కాన్పులో ముగ్గురు పిల్లలకు జన్మనిచ్చిన సంతోషం ఎక్కువ సేపు నిలువలేదు …కన్న బిడ్డలను కళ్ళారా చూసుకునేలోపు పుట్టిన ముగ్గురు పిల్లలు అనారోగ్యంతో మరి చెందడం అత్యంత విషాదాన్ని అకుటుంబంలో నింపింది. చౌడేపల్లి (మం)అన్నిపల్లికి చెందిన తల్లి పవిత్రను ఓదార్చడం ఎవరితరం కాలేదు. అన్నమయ్య జిల్లాలో చోటుకుంది ఈ విషాద ఘటన అందరినీ కలచివేస్తోంది.

Also Read: Kanwar Yatra: కన్వర్‌ యాత్ర బస్సుకు కరెంట్‌షాక్‌.. ఐదుగురు శివ భక్తులు మృతి

అన్నమయ్య జిల్లాలోని చౌడేపల్లి మండలం అన్నిపల్లికి చెందిన పవిత్ర(22) అనే మహిళకు శనివారం నొప్పులు రావడంతో 108 వాహనంలో మదనపల్లి ప్రభుత్వ ఆస్పత్రికి తరలించారు. ఆస్పత్రికి తరలించేలోపే 108 వాహనంలోనే ఆ మహిళ ఆడపిల్లలకు జన్మనిచ్చింది. పుట్టిన పిల్లలకు వెంటనే ఆరోగ్యం మందగించసాగింది. బిడ్డల పరిస్థితి విషమంగా ఉండడంతో వైద్యులు తిరుపతికి రెఫర్ చేశారు. వెంటనే తిరుపతికి వెళ్లాలని కుటుంబసభ్యులు నిర్ణయించుకున్నారు. ఈ నేపథ్యంలో తిరుపతికి తరలిస్తుండగా మార్గమధ్యంలో ముగ్గురు బిడ్డలు మృతి చెందారు. పుట్టిన కాసేపటికే పిల్లలు ప్రాణాలు కోల్పోవడంతో ఆ కుటుంబాన్ని విషాదఛాయలు అలుముకున్నాయి. ఆ తల్లి వేదన అంతా ఇంతా కాదు. తన కడుపులో మోసిన పిల్లలను చూడకుండానే వారు తిరిగిరాని లోకాలకు వెళ్లడంతో ఆ మహిళ కన్నీటిపర్యంతమైంది. ఆమెను ఓదార్చడం ఎవరి తరం కాలేదు.