Uttar Pradesh: కారులో వచ్చి మేకను ఎత్తుకెళ్లిన దొంగలు.. కాస్ట్లీ దొంగతనం..!

ఉత్తరప్రదేశ్‌లోని అమేథీ జిల్లాలో ఓ వింత ఘటన వెలుగు చూసింది. అమేథీలో వీఐపీ తరహాలో దొంగలు చోరీకి పాల్పడుతున్న వీడియో సోషల్ మీడియాలో వైరల్ అవుతోంది. ఓ వ్యక్తి కారులో వచ్చి మేకల దొంగతనానికి పాల్పడ్డాడు. అయితే దొంగలు కారు ఎవరికి కననపడకుండా ఉండటానికి.. చీకటిలో కొంత దూరంలో నిలిపారు. అనంతరం మేకను కారులో ఎక్కించుకుని పరారయ్యారు. ఈ ఘటన మొత్తం సీసీటీవీలో రికార్డయింది. కారులో వచ్చి మేకలను దొంగిలించిన ఘటనకు సంబంధించిన వీడియో ఇప్పుడు సోషల్‌ మీడియాలో వైరల్‌ అవుతోంది.

Read Also: Sound Party: సౌండ్ పార్టీ గట్టిగానే సౌండ్ చేస్తోందే!

వివరాల్లోకి వెళ్తే.. ఈ వ్యవహారం జైస్ పోలీస్ స్టేషన్ పరిధిలోని చౌదరానా ప్రాంతంలో జరిగింది. మహ్ఫూజ్ అహ్మద్ అనే వ్యక్తి తన ఇంటి సమీపంలో ఓ మేకను కట్టేశాడు. అయితే రాత్రి 2 గంటల సమయంలో కారులో వచ్చి మేకను ఎత్తుకెళ్లినట్లు మహ్ఫూజ్ చెప్పాడు. ఉదయం ఇంటి బయట కట్టేసి ఉంచిన మేక కనపడకపోవడంతో చుట్టూ పక్కలు వెతికాడు. అయినా కనిపించకపోవడంతో.. తన ఇంటి దగ్గర సీసీ కెమెరాలో చూశాడు. అప్పుడు ఈ ఘటన బయటపడింది.

Read Also: Weight Loss : బొప్పాయిని ఇలా తీసుకుంటే బరువు తగ్గుతారా?

ఇదిలా ఉంటే.. అంతకు ముందు రామ్‌గంజ్ పోలీస్ స్టేషన్ పరిధిలో కారులో వెళుతున్న దొంగలు ఉప్పు బస్తాను దొంగిలించారు. రాత్రిపూట ఎవరూ లేరని ఐదు ఉప్పు బస్తాలతో పరారయ్యారు. దీనికి సంబంధించిన సీసీటీవీ ఫుటేజీ కూడా వైరల్‌గా మారింది. ఈ చోరీ ఘటనపై పోలీసులపై విమర్శలు వచ్చినప్పటికీ.. ఉప్పు దొంగలను పోలీసులు పట్టుకోలేకపోయారు. మరోవైపు మేకను ఎత్తుకెళ్లిన ఘటనపై అమేథీ ఎస్పీ డాక్టర్ ఇలమార్ మాట్లాడుతూ.. సోషల్ మీడియాలో ఓ వీడియో వైరల్ అవుతోంది. ఇందులో ఓ కార్ డ్రైవర్ మేకను దొంగిలిస్తున్నాడు. విషయం తెలుసుకున్న పోలీసులు విచారణ ప్రారంభించారని తెలిపారు. ఇంకా ఎలాంటి ఫిర్యాదు అందలేదని.. ఫిర్యాదు అందిన తర్వాత నిందితులపై కఠిన చర్యలు తీసుకుంటామన్నారు.