Upcoming Bikes: నవంబర్ 2025లో విడుదల కానున్న బైక్స్ ఇవే.. రెండు యమహా బైక్‌లు కూడా..

బైక్ లవర్స్ గెట్ రెడీ. ఈ నెలలో ప్రముఖ టూవీలర్ ఆటోమొబైల్ కంపెనీలకు చెందిన బైకులు మార్కెట్ లోకి విడుదలకానున్నాయి. ఈ నెలలో చాలా కాలంగా ఎదురుచూస్తున్న యమహా బైక్‌ల నుండి కొత్త ఎలక్ట్రిక్ లాంచ్‌ల వరకు ప్రతీది ఉంది. యమహా నవంబర్ 11న భారత మార్కెట్లో కొత్త మోటార్‌సైకిల్‌ను విడుదల చేయనుంది. ఈ జాబితాలో యమహా XSR 155, యమహా WR155 R ఉన్నాయి. పెట్రోల్‌, బ్యాటరీతో నడిచే బైకులు రిలీజ్ కానున్నాయి. నవంబర్ 2025లో లాంచ్ కానున్న మోటార్‌సైకిళ్లు, స్కూటర్‌ల వివరాలు ఇప్పుడు చూద్దాం.

Also Read:CM Chandrababu: అభివృద్ధి – సంక్షేమమే లక్ష్యం.. ఫేక్ రాజకీయాలకు చెక్‌..!

యమహా ఎక్స్‌ఎస్‌ఆర్ 155

ఇది యమహా నుంచి అత్యంత ప్రజాదరణ పొందిన మోడల్. భారతీయ రైడర్లు దీని కోసం చాలా కాలంగా ఎదురుచూస్తున్నారు. యమహా XSR155 అనేది తప్పనిసరిగా నియో-రెట్రో రోడ్‌స్టర్, ఇది R15 V4, MT-15 V2 ల మాదిరిగానే బిల్ట్ అయ్యింది. ఇది అదే 155cc లిక్విడ్-కూల్డ్ ఇంజిన్‌ను కలిగి ఉంటుంది. కానీ డిజైన్ పూర్తిగా క్లాసిక్ టచ్‌ను కలిగి ఉంటుంది. ఈ బైక్ R15, MT-15 మధ్య ఉంటుందని భావిస్తున్నారు. దీని ఎక్స్-షోరూమ్ ధర దాదాపు రూ. 1.60 లక్షలు ఉండవచ్చు.

యమహా WR155 R

యమహా WR155 R భారత్ లో సంచలనం సృష్టిస్తోంది. ఇది డ్యూయల్-స్పోర్ట్ బైక్. ఇది 21-అంగుళాల ముందు, 18-అంగుళాల వెనుక చక్రాలు, లాంగ్-ట్రావెల్ సస్పెన్షన్, ఆఫ్-రోడింగ్ కోసం ట్యూన్ చేయబడిన అదే 155cc ఇంజిన్‌ను కలిగి ఉంది. ఇది భారతదేశంలో తేలికైన డ్యూయల్-స్పోర్ట్ బైక్‌గా నిలువనుంది.

సుజుకి ఈ-యాక్సెస్

సుజుకి ఈ-యాక్సెస్ కోసం ఈగర్ గా వెయిట్ చేస్తు్న్నారు. ఈ మోడల్‌ను 2025 భారత్ మొబిలిటీ గ్లోబల్ ఎక్స్‌పో (ఆటో ఎక్స్‌పో)లో ప్రదర్శించారు.

టీవీఎస్ అపాచీ ఆర్‌టిఎక్స్ 300

TVS మొట్టమొదటి అడ్వెంచర్ బైక్, Apache RTX 300 డెలివరీలు ఈ నెలలో ప్రారంభం కానున్నాయి. దాని విలువ-ధర ప్యాకేజీ, దృఢమైన డిజైన్‌తో, ఈ బైక్ కంపెనీకి బెస్ట్ సెల్లర్‌గా మారవచ్చు.

Also Read:DVV Entertainments : ప్రశాంత్ వర్మ అడ్వాన్స్’ల పంచాయితీ.. మాకేం సంబంధం లేదన్న డీవీవీ

రాప్టీ.హెచ్‌వి టి30

ఎలక్ట్రిక్ బైక్ విభాగంలో, రాప్టీ చివరకు తన కస్టమర్ల కోసం T30 మోటార్‌సైకిల్‌ను విడుదల చేస్తోంది. భవిష్యత్ డిజైన్, హై-టెక్ ఫీచర్లను కలిగి ఉన్న ఈ ఇ-బైక్ అల్ట్రావయోలెట్ వంటి బైక్‌లతో నేరుగా పోటీ పడనుంది.