U-19 World Cup 2025: ఇంగ్లాండ్‌పై గెలిచి ఫైనల్‌కు దూసుకెళ్లిన భారత మహిళల జట్టు..

అండర్-19 మహిళల ప్రపంచకప్ 2025లో భారత మహిళల జట్టు ఫైనల్‌లోకి దూసుకెళ్లింది. కౌలాలంపూర్‌లోని బయుమాస్ ఓవల్‌లో ఇంగ్లాండ్‌తో జరిగిన సెమీఫైనల్ మ్యాచ్‌లో 9 వికెట్ల తేడాతో గెలిచింది. 114 పరుగుల లక్ష్యాన్ని ఇంకా 30 బంతులు ఉండగానే విజయం సాధించింది. దీంతో.. ఇంగ్లాండ్ పై గెలిచి ఫైనల్ లోకి అడుగుపెట్టింది భారత మహిళల జట్టు. ఈ మ్యాచ్‌లో టాస్ నెగ్గిన ఇంగ్లాండ్ కెప్టెన్ అబీ నారోగ్రోవ్ బ్యాటింగ్ ఎంచుకుంది.

Read Also: Shahid Kapoor : కబీర్ సింగ్ కలెక్షన్లను ‘దేవా’ కొల్లగొడతాడా..?

ఇంగ్లాండ్ బ్యాటింగ్‌లో డేవినా పెర్రిన్ (45), కెప్టెన్ అబీ నారోగ్రోవ్ (30), అము సురేన్‌కుమార్ (14) పరుగులు మినహా మిగత బ్యాటర్లు ఎవరూ రాణించలేదు. దీంతో.. 20 ఓవర్లలో 8 వికెట్లు కోల్పోయి 113 పరుగులు చేసింది. భారత్ బౌలింగ్‌లో పారుణికా సిసోడియా, వైష్ణవి శర్మ అద్భుతంగా బౌలింగ్ చేశారు. చెరో 3 వికెట్లతో చెలరేగారు. వీరికి తోడు అయూషి శుక్లా 2 వికెట్లు సాధించింది. దీంతో.. ఇంగ్లాండ్ బ్యాటర్లు పరుగులు చేయకుండా పెవిలియన్‌కు పంపించారు.

Read Also: Rashmika: స్టేజ్ మీద రష్మిక లైవ్ పెర్ఫార్మెన్స్

అనంతరం 114 పరుగుల విజయలక్ష్యంతో బరిలోకి దిగిన భారత మహిళల జట్టు ఓపెనర్లు కమలిని (56*), తెలుగమ్మాయి గొంగడి త్రిష (35) మంచి ఆరంభాన్ని అందించారు. బ్రెట్ బౌలింగ్‌లో గొంగడి త్రిష ఔట్ కాగా.. సానికా చల్కే (11) పరుగులు చేసింది. దీంతో.. ఒక వికెట్ నష్టానికి భారత మహిళల జట్టు విజయం సాధించి ఫైనల్‌లోకి దూసుకెళ్లింది. ఈ ప్రపంచకప్‌లో భారత్ జోరు కొనసాగుతోంది. గ్రూప్‌ దశలో వెస్టిండీస్, మలేసియాలను 10 వికెట్ల తేడాతో చిత్తుగా ఓడించింది. శ్రీలంకను 60 పరుగుల తేడాతో ఓడించింది. సూపర్‌ సిక్స్‌లో బంగ్లాదేశ్‌పై 8 వికెట్ల తేడాతో, స్కాట్లాండ్‌పై 150 పరుగుల తేడాతో ఘన విజయం సాధించింది.