The Greatest of All Time : పొంగల్ కానుకగా స్పెషల్ పోస్టర్ రిలీజ్ చేసిన మేకర్స్..వైరల్ అవుతున్న పోస్టర్..
తమిళ స్టార్ హీరో దళపతి విజయ్ రీసెంట్ లియో సినిమాతో బ్లాక్ బస్టర్ హిట్ అందుకున్నాడు.’లియో’ సినిమాకు కోలీవుడ్ స్టార్ డైరెక్టర్ లోకేష్ కనగరాజ్ దర్శకత్వం వహించాడు.గత ఏడాది అక్టోబర్ 19న విడుదలైన ఈ చిత్రం బాక్సాఫీస్ వద్ద రూ.600 కోట్లకు పైగా వసూళ్లు సాధించి బ్లాక్ బస్టర్గా నిలిచింది. ఇక ఈ సినిమా ఇచ్చిన జోష్తో ప్రస్తుతం దళపతి విజయ్ తన తరువాత మూవీగా ఓ సైన్స్ ఫిక్షన్ యాక్షన్ మూవీని చేస్తున్నారు. విజయ్ నటిస్తున్న తాజా చిత్రం ‘ది గ్రేటెస్ట్ ఆఫ్ ఆల్ టైమ్’. ఈ సినిమాకు వెంకట్ ప్రభు దర్శకత్వం వహిస్తున్నారు. ఇప్పటికే ఈ సినిమా నుంచి ఫస్ట్ లుక్ ను విడుదల చేయగా.. ప్రేక్షకులను ఎంతగానో ఆకట్టుకుంది. ఈ మూవీలో విజయ్ డ్యుయల్ రోల్ చేస్తున్నారు.
ప్రస్తుతం ఈ సినిమా రెండో షెడ్యూల్ షూటింగ్ ప్రస్తుతం చెన్నైలో జోరుగా జరుగుతోంది. ఈ మూవీ షూటింగ్ స్పాట్కు అభిమానులు భారీగా తరళి వచ్చారు. వారందరికీ అభివాదం చేస్తూ విజయ్ వారితో ఓ సెల్ఫీ కూడా దిగారు. క్లీన్ షేవ్ తో విజయ్ నయా లుక్లో కనిపించి విజయ్ ఫ్యాన్స్ ఆశ్చర్యపరిచారు.ఇదిలావుంటే.. పొంగల్ కానుకగా ఈ సినిమా నుంచి మేకర్స్ మరో కొత్త పోస్టర్ను రిలీజ్ చేసారు.. ఈ పోస్టర్లో విజయ్తో పాటు డ్యాన్స్ మాస్టర్ ప్రభుదేవా, తమిళ నటుడు ప్రశాంత్ మరియు అజ్మల్ అమీర్ ఉన్నారు. వీళ్ళందరూ గన్స్ పట్టుకుని ఫుల్ యాక్షన్ మోడ్ లో కనిపిస్తున్నారు.ప్రస్తుతం ఈ పిక్ తెగ వైరల్ అవుతుంది.ఈ చిత్రంలో ప్రశాంత్, ప్రభుదేవా, స్నేహ, లైలా, యోగిబాబు మిక్ మోహన్ మరియు జయరాం కీలక పాత్రల్లో నటిస్తున్నారు. ఈ చిత్రంలో కన్నడ స్టార్ హీరో కిచ్చా సుదీప్ ముఖ్య పాత్రలో నటిస్తున్నారు.. ఏజీఎస్ ఎంటర్టైన్మెంట్ ప్రొడక్షన్ బ్యానర్పై తెరకెక్కిస్తున్న ఈ చిత్రానికి యువన్ శంకర్ రాజా మ్యూజిక్ అందిస్తున్నాడు.
— Vijay (@actorvijay) January 15, 2024