టాలెంటెడ్ నటుడు, దర్శకుడు తరుణ్ భాస్కర్ ప్రధాన పాత్రలో నటిస్తున్న లేటెస్ట్ మూవీ ‘క్రేజీ కల్యాణం’. యారో సినిమాస్ బ్యానర్పై ప్రొడక్షన్ నెం. 2గా ప్యాషనేట్ ప్రొడ్యూసర్ బూసమ్ జగన్ మోహన్ రెడ్డి నిర్మిస్తున్న ఈ చిత్రానికి బద్రప్ప గాజుల దర్శకత్వం వహిస్తున్నారు. నేడు హోలీ పండుగ సందర్భంగా ఈ సినిమా నుంచి తరుణ్ భాస్కర్ పోషిస్తున్న ‘బాల్ రాజ్’ క్యారెక్టర్ ఫస్ట్ లుక్ పోస్టర్ను చిత్ర యూనిట్ విడుదల చేసింది.
Also Read: Emraan Hashmi: ‘నో కిస్’ పాలసీకి బ్రేక్..దిశా పటానీతో ఇమ్రాన్ హష్మీ ఇంటిమేట్ సీన్స్
ఈ పోస్టర్లో తరుణ్ భాస్కర్ ‘సూపర్ మ్యాన్’ తరహాలో మంచి ఎనర్జిటిక్ లుక్లో కనిపిస్తూ సినిమాపై ఆసక్తిని పెంచుతున్నారు. పెళ్లి చుట్టూ సాగే ఒక ఆసక్తికరమైన కథాంశంతో, పూర్తి స్థాయి వినోదాత్మక చిత్రంగా ‘క్రేజీ కల్యాణం’ రూపొందుతోంది. నరేష్ వీకే, అనుపమ పరమేశ్వరన్, అఖిల్ ఉడ్డెమారి వంటి ప్రముఖ నటులు ఈ సినిమాలో కీలక పాత్రల్లో నటిస్తున్నారు. ఇప్పటికే తెలంగాణలోని పలు గ్రామీణ ప్రాంతాల్లో చిత్రీకరణ పూర్తి చేసుకున్న ఈ సినిమాకు సురేష్ బొబ్బిలి సంగీతాన్ని అందిస్తున్నారు. తరుణ్ భాస్కర్ మార్క్ కామెడీ విభిన్నమైన క్యారెక్టరైజేషన్ ఈ సినిమాకు ప్రధాన ఆకర్షణగా నిలవనున్నాయి.
