SIR Draft Voter List: తెలంగాణలో నేడు ముసాయిదా ఓటర్ జాబితా విడుదల.. 73.39 లక్షల పేర్ల తొలగింపు.!
- తెలంగాణలో నేడు ముసాయిదా ఓటర్ జాబితా విడుదల..
- SIR ప్రక్రియలో భాగంగా ముసాయిదా జాబితాను ప్రకటించనున్న ఎన్నికల సంఘం..
- రాష్ట్రంలో మొత్తం 3,38,26,448 మంది ఓటర్లు ఉండగా..
- 2,64,87,214 మంది పేర్లతో ముసాయిదా జాబితా
- ఎన్యూమరేషన్ ఫారాలు సమర్పించని 73,39,234 మంది..
- Follow Us :
-
-
Add as a preferred
source on google
SIR Draft Voter List: తెలంగాణలో ప్రత్యేక ఓటర్ల జాబితా సవరణ (SIR) ప్రక్రియలో భాగంగా రాష్ట్ర ఎన్నికల సంఘం నేడు ముసాయిదా ఓటర్ జాబితాను విడుదల చేయనుంది. SIR ప్రక్రియ ప్రారంభానికి ముందు రాష్ట్రంలో మొత్తం 3,38,26,448 మంది ఓటర్లు ఉండగా.. గడువులోగా ఎన్యూమరేషన్ ఫారాలను సమర్పించిన 2,64,87,214 మంది పేర్లతో ముసాయిదా ఓటర్ జాబితా రూపొందించనున్నారు.
ఎన్యూమరేషన్ ఫారాలను సమర్పించని 73,39,234 మంది ఓటర్ల పేర్లను ముసాయిదా జాబితాలో చేర్చడం లేదని ఎన్నికల అధికారులు తెలిపారు. అంటే మొత్తం ఓటర్లలో సుమారు 21.7% మంది పేర్లు ప్రస్తుతం ముసాయిదా జాబితాలో ఉండవు. అయితే వీరి పేర్లు శాశ్వతంగా తొలగించినట్లు కాదని.. తదుపరి విచారణ, అభ్యంతరాల ప్రక్రియకు అవకాశం ఉంటుందని అధికారులు పేర్కొంటున్నారు.
Also Read
- CII Summit: విశాఖ వేదికగా 'సీఐఐ సమ్మిట్–2026'.. ఏపీ పారిశ్రామిక ప్రగతికి నయా రూట్ మ్యాప్..
- Group 2 Notification: నిరుద్యోగులకు శుభవార్త.. గ్రూప్ 2 నోటిఫికేషన్ విడుదల..
- Under -19 Asia Cup: ఆసియా కప్ 2026.. సెమీ ఫైనల్కు దూసుకెళ్లిన టీమిండియా..
- IPL 2028: ఐపీఎల్ అభిమానులకు పండగే పండగా.. ఐపీఎల్లోకి రెండు కొత్త జట్లు..
ముసాయిదా జాబితాలో చోటు దక్కనున్న 2.64 కోట్ల మంది ఓటర్లలో 93 లక్షల మందికి పైగా ఓటర్ల వివరాల్లో తేడాలు ఉన్నట్లు లేదా గత ఓటర్ల జాబితాతో మ్యాపింగ్ జరగలేదని అధికారులు గుర్తించారు. వీరిని అనుమానాస్పద ఓటర్లుగా గుర్తించి ఈరోజు నుంచి అక్టోబర్ 15 వరకు ఈఆర్ఓలు నోటీసులు జారీ చేయనున్నారు. నోటీసులు అందుకోనున్న 93 లక్షల మందిలో 32.36 లక్షల మంది అన్మ్యాప్డ్ ఓటర్లు ఉన్నారు. మరో 61.4 లక్షల మంది ఓటర్ల వివరాల్లో తేడాలు ఉన్నట్లు అధికారులు గుర్తించారు. ఈ వివరాలను పరిశీలించిన అనంతరం అర్హత ఉన్న ఓటర్ల పేర్లను తుది జాబితాలో చేర్చనున్నారు.
SIR ప్రక్రియలో భాగంగా ఓటర్లు తమ ఎన్యూమరేషన్ ఫారంలో 2002 నాటి ఓటర్ల జాబితాలో తమ పేరు లేదా తల్లిదండ్రులు, వారి తల్లిదండ్రుల పేర్లు ఉన్న వివరాలను నమోదు చేయాల్సి ఉంది. అయితే ఈ వివరాలను ఇవ్వడంలో విఫలమైన లేదా తప్పుడు వివరాలు నమోదు చేసిన 32.36 లక్షల మంది ఓటర్లను అధికారులు అన్మ్యాప్డ్ ఓటర్లుగా గుర్తించారు. కొన్ని ప్రాంతాల్లో అవగాహన లోపం కారణంగా 2002 ఓటర్ జాబితా వివరాలు నమోదు చేయాల్సిన చోట ప్రస్తుత వివరాలు, ప్రస్తుత వివరాలు ఇవ్వాల్సిన చోట 2002 నాటి వివరాలను నమోదు చేసినట్లు అధికారులు గుర్తించారు. ఇలాంటి ఓటర్లకు కూడా నోటీసులు జారీ కానున్నాయి.
నోటీసులు అందుకున్న ఓటర్లు విచారణకు హాజరై ఎన్నికల సంఘం సూచించిన 11 రకాల పత్రాల్లో ఏదో ఒకదాన్ని ఆధారంగా సమర్పించాల్సి ఉంటుంది. ఓటరు ఇచ్చిన వివరాలు, సమర్పించిన పత్రాలను ఈఆర్ఓలు పరిశీలిస్తారు. విచారణ అనంతరం ఈఆర్ఓలు సంతృప్తి చెందితే సంబంధిత ఓటర్ల పేర్లను తుది జాబితాలో చేర్చనున్నారు. అక్టోబర్ 19న తుది SIR ఓటర్ల జాబితాను ప్రకటించనున్నట్లు ఎన్నికల అధికారులు వెల్లడించారు.
దీంతో నేటి నుంచి తెలంగాణలో ఓటర్ల జాబితాపై అభ్యంతరాలు, నోటీసులు, విచారణల ప్రక్రియ కీలకంగా మారనుంది. తమ పేరు ముసాయిదా జాబితాలో ఉందో లేదో ఓటర్లు పరిశీలించుకోవడంతో పాటు.. నోటీసులు అందిన వారు నిర్ణీత గడువులోగా విచారణకు హాజరై అవసరమైన పత్రాలను సమర్పించాల్సి ఉంటుంది.
తాజావార్తలు
-
OTR: పాయల్ శంకర్ రైతు యాత్రకు అధిష్టానం నో.. అసలు కారణం ఏంటి…?
-
OTR: తాండూరులో ఇద్దరు పవర్ సెంటర్లు.. అన్నదమ్ముల ఆధిపత్య పోరుతో అధికారులకు తిప్పలు..
-
OTR : ఎమ్మిగనూరులో వైసీపీ తడబాటు.. నేతల అహంకారమే కారణమా..?
-
Story Board : ఢిల్లీ కాలుష్యాన్ని ఎంతకాలం భరించాలి ?జనం అనారోగ్యం పాలైనా పట్టించుకోరా ?
-
Kitchen Storage Tips : ఆవాలు ఎక్కువ కాలం తాజాాగా ఉండాలా.? ఈ సింపుల్ చిట్కాలు పాటిస్తే పాడవవు
ట్రెండింగ్
-
Jio Recharge: Buy 1 Get 1 ఆఫర్ తో ఈ రెండు ప్లాన్లపై డబుల్ బెనిఫిట్స్..!
-
BSNL నుంచి కొత్త రీఛార్జ్ ప్లాన్లు.. రూ.172, రూ.184, రూ.190లకే అన్లిమిటెడ్ కాలింగ్..!
-
గేర్లు మార్చాల్సిన అవసరం లేకుండానే సులువుగా రైడ్.. KTM 390 Super Duke GT Evo బైక్ లాంచ్కు సిద్ధం..!
-
IND vs NZ 3rd ODI: వర్షం మధ్యే టాస్.. న్యూజిలాండ్ను బ్యాటింగ్కు ఆహ్వానించిన భారత్.! 40 ఓవర్లకు కుదింపు..
-
IPL 2027: అతడిని ఆల్రౌండర్గా అస్సలు అంగీకరించను.. భారత జట్టులో ఎలా అవకాశం వచ్చిందో?